Hidingoto 27:30 - Ma Jou ai Demo-demo o Totobelohoka

³⁰ De ma hohutulohi de ahao o kapa ma gogoana ihitaili ma kapa yanoa abe ma lepa-lepa ihidowora o gahiuku la ka idadi genangino yoara. Masara ona ko yoigoua ngomi miahioriki manga hidee ho imieluku ato bari o tapu yaumo ma kapa ma dihiraka de auku.

Hidingoto 27:30 ပူးပေါင်းရင်းမြစ်များ

Hidingoto 27:16

De ipahaino de mihidete o nuuhu ma eteteke moi ma poretika abe ma romanga o Kauda. De genangoka mimaputuhu miato kiani ma lepa-lepa abe atuda-tuda mia poretino gea koaho miataurino de mihibareniye la ma kapa ma goronaka miakelenga. Ho ngomi mimakuduhunu de mia buturungu ma gahumu la ma lepa-lepa gea mihibareniye de duru mikangela mihidoa, masara ma bahaika de ka idadi mihibarene ma kapaka.

Hidingoto 27:27

De ipahaino de ma rato ko iogoruahi abe naa mia futu ngimoi de iatino abe ka ihikaika ma rato imidaene. De ngomi ma oraha gea ma hidaloko imitila-tila o gahi ma lokuino abe genangoka ma gahi ihiromanga o Adaria ma gahi. De o futu gorona de ma kapa ma gogoana yamao abe mimahitigi o tonakiha.

Hidingoto 27:29

Ho mangale ma titi ka iowaha moduku ho ona yohawana ato done ko itedekanokaua de ma hidaloko de ma lulu imitila hiadono mioduhuputu o hakaruika abe naga ma tonaka ma ngigorino. De ona yohawanoka ho ma kapa ma tapu iata yaumouku ma duruoka de auku. De yaumo ipaha de yomaniata la ma wange itaiti ipotokaiha la ka idadi mimahioriki.

Hidingoto 27:31

De gea o Paulusu wotemo ma tentara de manga hihiraika wato, “Nako ngini niahigunoa la ona yoara, ahao ngini mata-mata nikokihonenge. Ho ufa hiadono ona inanoaika!”

Hidingoto 27:32

De o Paulusu ai demo yoihene de ahao yomataiti yatoaka ma tali la ma lepa-lepa ka iotakuku dika.