Hidingoto 27:25 - Ma Jou ai Demo-demo o Totobelohoka

²⁵ Ho ngini ka idadi nimahidomoroini dika, angamoi ngohi duru tongaku Ma Jou ai demoika abe ahao idadi duru imaketero hoka Una wotemoka.

Hidingoto 27:25 ပူးပေါင်းရင်းမြစ်များ

2 Tawari 20:20

Ho ma dawangeino duru o ngoru-ngorumino o Yehuda ma nyawa manga ngoe yomakiniiki de manga tentara de yokokisobo yoiki o Tekoa ma tonaka ma kakaahaika. De ahao o Yosafata womatogumu de waboaka ona mata-mataika, wato, “Ahi gogianongoru abe nigogere o Yerusaleeme ma kota ma goronaka de o Yehuda ma tonaka mata-mataika, ahi demo naa ngini mata-mata nitotoihene! Kiani ngone mata-mata duru hingaku nanga Jouika, Ma Jou o Yaweika! De ahao nanga ngongakuino de ka idadi hakokimake nanga buturungu la duru homatongohono. De kiani hangaku Ma Jou o Yawe ai uru ma dodofangikaoo de ahao ngone hamake o lolaku abe duru de ma hasiloka.”

Gegetongo 23:19

Abe Ma Jou Una ko o nyawaua ho Una duru ko woelu-elukua, De Una ko o nyawa ma ngofakua ho ai hininga ko waturuurua. To Una ai behehongo mata-mataika wohingodumu, Ho done sarakia ngona nafikiri Una wato naga moi wodiai de ngona nato bote Una ko wodiaiuali? Ena gea abe Ma Jou wato wodiai, Una de ahao kiani wodiai. Ai behehongo o nyawaika duru idadi, de imaketero hoka wotemoka ahao idadi.

Lukasa 1:45

Ngona duru namakeoka o garago ma owa Ma Jouino angamoi ai behehongo ngonaika duru nangaku abe ahao ai demo idadi mata-mata.” Hokogea o ngo Elisabete ami horomati ma demo abe ngomi gianongoru o ngo Mariaika.

Hidingoto 27:11

De ona yoihene o Paulusu ai demoino masara ma kapa ma kaputeene de ma dutu ona yahinooto manga hininga la yogila-gila dika. De ma tentara ma hihira unangoo woluku o Paulusu ai hininga la wahigihene ona yahinootoika.

Hidingoto 27:36

De mimalega unangika ma oraha wolomo ho ngomi mata-mata mitomoroinoka genangino. De wolomo ipahaino de ngomi mata-mata mimulaenge miolomo,

2 Timotiusu 1:12

De igoungu duru ena gea ma titi hiadono ahi kangela naa tamake abe ihibuioka. Masara ngaro ahi kangela naa ma goronaka ma gea ko ihimalekua, angamoi tingakuoka o Kristusika, de Una gea duru tihioriki abe watobagou-goungu ma titi ai behehongo o kia dika wohibehehongoka. Ho naa duru tonganono de duru tongaku abe Una gea ahao wahitagongo o nyawa utuikali ahi tagongo gea la ahao onangoli yagoraka ma karajaanga gea abe ma dodihiraka wohihidoakoka ngohino. De gea duru tonganono Una ahao woogoana ma karajaanga gea ka hiadono ai gahe ma wange gea o Yesusu Kristusu woboali. Abe ma titi ngaro etohonenge, masara duru tongaku abe Una ahao ka ihikaika woogoana ai Abari ma Rorahai gea la ufa ihihanga ma ka idadi ka ihikaika itagiohi o nyawa utuika ka hiadono Una woboali. Ho ngonaoo kiani ani nganganono duru iputurungu Unangika de hiadono ufa inimaleke ma ka nohidagiohi ani karajaanga abe o Abari ma Rorahai o nyawaika ka nahingahu-ngahuohi.