Hidingoto 27:22 - Ma Jou ai Demo-demo o Totobelohoka

²² Masara naa tinihigaro la nimahidomoroini dika! Angamoi ngohi naa ka idadi tinihingahu abe ngini ko moiua nihonenge nanga dodagioka naa, masara nako ma kapa gea ahao alutu ma gahioka naa.

Hidingoto 27:22 ပူးပေါင်းရင်းမြစ်များ

Hidingoto 23:11

De ma futu gea de nanga Baluhu idodutu womahimatoko o Paulusika de wihingahu wato, “Paulusu, ngona ufa ani hininga ihuha masara ka idadi notomoroini dika. Angamoi abe imaketero hoka o Yerusaleeme ma nyawaika naa nahingahuokau ma titi Ngohi, duru hokogenangoo ngona ahao o Roma ma kotaka de nahikodoku onangikali ma titi o Abari ma Rorahai.” Hokogea nanga Baluhu wihingahu o Paulusika.

Hidingoto 27:25

Ho ngini ka idadi nimahidomoroini dika, angamoi ngohi duru tongaku Ma Jou ai demoika abe ahao idadi duru imaketero hoka Una wotemoka.

Hidingoto 27:31

De gea o Paulusu wotemo ma tentara de manga hihiraika wato, “Nako ngini niahigunoa la ona yoara, ahao ngini mata-mata nikokihonenge. Ho ufa hiadono ona inanoaika!”

Hidingoto 27:34

Ho naa duru togahoko nginika la iti o inomo ma hohutulu niaolomo la idadi nia buturungu naga genangino. De ngini ka idadi niolomo dika angamoi ko moiua inibodito ma titi ma rato abe inadaene naa!”

Hidingoto 27:36

De mimalega unangika ma oraha wolomo ho ngomi mata-mata mitomoroinoka genangino. De wolomo ipahaino de ngomi mata-mata mimulaenge miolomo,

Hidingoto 27:44

De ona abe ko ihiorikua yotiboko, ona kiani yomalingirohi o papanga eko o kia dika naga o kapa ma kiahonangoka la idadi manga pupuda, de gea ka idadi yomapupuda ka hiadono dina ma dudungiha. De ipahaino de ngomi mata-mata mimahiadoniha abe ko moiua mihonenge o gahioka!

1 Samuele 30:6

De mangale ma titi o Dautu ai nyawa manga fekata de manga ngofaka o Amaleke ma nyawa yataokino de ko yaiwaka hiadono manga hiningaka de yajanggutu ho duru iwingamo unangika. Ho ona yomakoketemo ma titi gea de yomahikokagaro la iwihohakaru o Dautika hiadono wohonenge. De ngaro hokogea masara Ma Jou o Yawe wihiputurungu o Dautu ai hiningaika la ka idadi ai hininga iriidi.