Hidingoto 27:17 - Ma Jou ai Demo-demo o Totobelohoka

¹⁷ De mihibareniye ipaha de ahao miato kiani ma kapa mihiputurungu done ikilianga, ho miadehoro de ma lebi hiadono iputurungoka. De o kapa ma gogoana ona yohawana ato done ma rato imitila ka hiadono mia kapa itirii ma gogowaha ma ngioka abe o Siritisi ma tonaka ma daanoko, ho ona ihiguti ma hidete la hatoli ko ikiriaua ma hidaloko imitila. De ngaro ma hidete iutioka masara ma hidaloko ka imitilahi o gahi ma lokuino.

Hidingoto 27:17 ပူးပေါင်းရင်းမြစ်များ

Hidingoto 27:16

De ipahaino de mihidete o nuuhu ma eteteke moi ma poretika abe ma romanga o Kauda. De genangoka mimaputuhu miato kiani ma lepa-lepa abe atuda-tuda mia poretino gea koaho miataurino de mihibareniye la ma kapa ma goronaka miakelenga. Ho ngomi mimakuduhunu de mia buturungu ma gahumu la ma lepa-lepa gea mihibareniye de duru mikangela mihidoa, masara ma bahaika de ka idadi mihibarene ma kapaka.

Hidingoto 27:26

Masara kiani nanga kapa naa ahao yoduhuputu de iwedere o nuuhu moiika.” Hokogea o Paulusu ai higaro ma demo ngomi mata-mataino.

Hidingoto 27:29

Ho mangale ma titi ka iowaha moduku ho ona yohawana ato done ko itedekanokaua de ma hidaloko de ma lulu imitila hiadono mioduhuputu o hakaruika abe naga ma tonaka ma ngigorino. De ona yohawanoka ho ma kapa ma tapu iata yaumouku ma duruoka de auku. De yaumo ipaha de yomaniata la ma wange itaiti ipotokaiha la ka idadi mimahioriki.

Hidingoto 27:40

De ahao ona yatoaka ma tapu ma tali la yodogunoaika dika ma gahioka. De ona utu yahoheohi ma ririmi de ihiguti la ka idadi ihidumutu ma kapa abe manga hininga ma dumutika. De abe ona utuoli ma hidete ihidoaiyeoli. De manga hidiai gea ibooto de ahao ihidumutu mia kapa gea ma dudungiha.

Hidingoto 27:41

Masara ma kapa ka ma gurutokohi de itiriioka o gogowahoka. De ma kapa ma dihira duru itiriioka hiadono ko ikelu-keluokaua, masara ma kapa ma duruoka ihigali-gali ihiboha de ma lulu hiadono imulaengoka ikilianga.