Hidingoto 26:8 - Ma Jou ai Demo-demo o Totobelohoka

⁸ De ahao o Paulusu womalega o Yahudi ma nyawaika abe naga genangoka de wotemo wato, “De ngini o Yahudi ma nyawa nihiorikokau abe Ma Jou ka idadi wakunu wahimomiki o nyawa manga honengoka de aino. Ho done sarakia niwioluku ma titi Una wihimomikoka o Yesusu ai honengino?”

Hidingoto 26:8 ပူးပေါင်းရင်းမြစ်များ

Dodadi 18:14

Sarakia, naga moi abe Ma Jou ko wakunua wodiai? Ko iwa moi! Ngohi tagoungu abe o taongo moiohi ipahaika de adonoka ma oraha tohikaaturoka abe Ngohi tinitutumoli de gea o ngo Sara ami ngofaka momamakeokau.” Hokogea Ma Jou ai hitararono o Abarahaamika.

Lukasa 18:27

De wopaluhu wato, “Duru niagoungu. Nako o nyawa dika, duru ko yakunua, masara Ma Jou hokogenangua. Nako de Ma Jou, ngaro o kia dika, ma ka wakunu mata-mataika.”

Hidingoto 23:6

De o Paulusu wahioriki abe ma hihira ma doomuoka gea de naga utu yaniiki o Saduki ma doomu ma nyawa manga dodotokika de naga utuoli o Farisi ma nyawa manga dodotoko yaniiki. Ho una wopoaka wato, “Ahi gogianongoru, ngohi naa o Farisi ma nyawa abe tomaketero dika hoka ahi totofora angamoi onangoo mata-mata yodadioka o Farisi ma nyawa! De ngohi naa ihitaokoka de naa ihihitailako de ihileha-leha mangale ma titi ngohi duru tomahinganono o momomikika. Abe tongaku ahao o nyawa mata-mata yomomiki manga honengino!”

Hidingoto 25:19

Masara tanu manga demo gea ma dumutu manga agama ma hiaturika dika. De nagali tamakeoka to ona manga demoka abe ona ko iwisanangiua abe womatengoika ai romanga o Yesusu. De o Yesusu Una gea wohonengoka masara o Paulusu womahingahu wato duru wohioriki de wonganono abe Una gea wowangokali.

Hidingoto 4:2

De ona gea duru manga hininga ko isanangiua angamoi o Peturusu de o Yohanese ona yadotoko o nyawaika ato, “Mangale ma titi o Yesusu womomiki ai honengino ho gea hohioriki abe ahao ngone o nyawa ngoneoo ka idadi homomiki nanga honengino.”

1 Korintusu 15:34

Ho naa ngohi tinihitiarioli tato, “Ngini kiani nilioli ma totiaiika de ibootohi niahowono.” Angamoi nagahi nginioka inimuruono naga abe ko iwihiorikuahi abe Ma Jou Una gea ka idadi ai nyawa ahao wahimomiki manga honengino. De gea tinihiree-reeika dika la tato ngini tinihimaleke.

Filiipi 3:21

De Una gea woboaka de ahao nanga badanga duru ilolamaana naa wakokituruuruoka la hiadono to ngone nanga badanga de to Una ai badanga, abe de ma dararonoka, duru idadi hoimoi. De gea ka wakunu wodiai angamoi Una de ai kuahaka la mata-mataika ka idadi wohipareta. Ho ngone duru de nanga magaweoka hingano-nganono nanga Duduhunu.