Hidingoto 26:13 - Ma Jou ai Demo-demo o Totobelohoka

¹³ De, ahi koano, ngade-ngade o wange ikorona de naga o Horogaka de auku ma dararono moi ihitararono ngomiuku abe ngohi de ona mimakiniiki, de ma dararono gea nako hohidotelega de ma wange masara ka nenangohi duru kohadararono.

Hidingoto 26:13 ပူးပေါင်းရင်းမြစ်များ

Matiusu 17:2

De yomahiadonoka genangiye de ona yaruange iwilega-lega o Yesusika de to Una ai rupa idadi o fara moioli to ona manga himangoka. Abe to Una ai himanga yamake ngade-ngade imaketero hoka o wange ma dararono angamoi duru kohadararono. De ai pakeanga gea idadi duru iarehoka ho hiadono hoiletongo.

Hidingoto 22:6

“De abe ahi dodagi ma goronaka abe o wange ikorona de tomahitigi o Damasiki ma kotaika. De ka itodokanino naga o Horogaka de auku ma dararono ihihitararono ngohiuku, de gea duru kohadararono.

Hidingoto 22:9

De naga ahi dodiawo abe yomakiniiki de ngohi ma oraha gea ona yamake ma dararono masara ko idadiua yataoko ma ilingi ma demo.”

Hidingoto 26:12

“De o wange moiuku de ahi dumutu o homoa ma kota moiika abe o Damasiki ma kotaika toiki la o ngongaku ma nyawa tahikokangela genangoka. De naga ngohioka o higunoa ma hurata mia hidemo ma nyawa yokokurutiyeoka de aino abe ona ihihidoaka ma kuaha la talingiri de tahikangela ona iwingaku-ngakuika.

Hidingoto 26:14

De ngomi mata-mata ka mihidurubauku, de ahao ngohi toihene ma ilingi moi itemo ngohino de to ngomi o Ibarani mia demo ato, ‘Saulusu, Saulusu! Adodoa ho ngona nohihikangela Ngohino ma titi ani datorino? Angamoi ngona noigo nohihikangela Ngohino masara tanu nomahikangela dika, abe ngona nomaketero hoka o hapi moi abe ingamo ho apitoko ma bobohaika. Abe to ngona ani datorino de ngonaoo nomahikangela dika.’”

Hidingoto 9:3

De ipaha o Saulusu o Yerusaleemoka de wosobo la woiki o Damasiki ma kotaika. De abe hatoli womahitigika de ma kota gea de ka itodokanino naga o Horogaka de auku ma dararono iwihitararonuku unanguku, de gea duru kohadararono!

Himatoko 1:16

De naga to Una ai giama ma nirakoka wasoino o murumu tumidi. De ai uruoka de aino naga ihupu o humaranga o dopo-dopoino abe ma doto arihononga, de gea ena duru idoto. De nako to Una ai himanga, gea duru kohadararono abe hoka o wange ma gomono ma dararono imaketero.

Himatoko 21:23

De ma kota gea ko imahinganonua o wange de o medeika la ato to ena ma dararono ihitararono ma kotauku. Hokogenangua, angamoi to Ma Jou ma hirete ai medebini ma dararono gea ihitararono ma kota ma amokika, de nagali abe imaketero hoka to ma kota ma hilo gea o Domba ma Ngofakoka de aino wohitararono.