Hidingoto 24:23 - Ma Jou ai Demo-demo o Totobelohoka

²³ De ona yokokilio de ahao wihuloko ai tentara ma hihira womatengoika de wihitagongo o Paulusu unangika wato, “Ngona ka idadi nihingohamoka o kamar moioka masara kalioli nihikangela unangika. Ka idadi nihigunoa la ma hohutulu waika waino, de ka idadi ai dodiawo yoboaino de iwitu-tutumu ai kamaroka la iwihidailako to una ai perelu.”

Hidingoto 24:23 ပူးပေါင်းရင်းမြစ်များ

Hidingoto 23:16

De yomakodotokoka masara o Paulusu ngoi firanga ami ngofaka una woihene ma titi to ona manga hidee gea, ho woiki ma tentara ma ngiika de wihingahu ai pepe o Paulusika.

Hidingoto 23:35

De ahao ma gubernuuru wihingahu wato, “Ahao ma oraha ona initae-tae yomahiadono nenangino de ahao ka idadi toihene manga dadae ma demo ngonaika, de ngonaoo ka idadi nomademo ahi himangoka.” De wihingahuoka de ma gubernuuru wahuloko ai nyawa la iwiao o Paulusu o Herodese ai tauika de duru ihidodiai iwigoa-goana genangoka.

Hidingoto 24:26

De naga moioli ai hiningaka abe ma gubernuuru womatemo wato, “Marai ahao ma oraha tibehehongoli de una wosanangi wohihidoaka o tiwi la wato tihihupu ma rorahaiika.” Ho una duru ma ngoe wibehehongo o Paulusu la ona ka idadi yomakoketemo.

Hidingoto 25:4

Masara o Fetusu woluku manga gogahoko de wahingahu wato, “O Paulusu una naga wohidamaa o Kaisarea ma kotaka, de ngohi ma hirete ko ihitedekanokaua de tolioli genangika.

Hidingoto 27:3

De mia kapa isoboka de ahao ma dawangeino mituluiha o Sidono ma dudungiha. De genangoka ma tentara ma hihira o Yuliusu duru wiao irahai o Paulusika. Abe una wihigunoa la o Paulusu woutiha de ai dodiawo watutumohi la ka idadi ona iwihidailako to una ai perelu.

Hidingoto 28:16

De ipahainoli de ahao mimahiadono o Roma ma kotaika. De ma kotaka gea de iwihigunoa o Paulusu la wogogere o tau moioka abe ka una de o tentara womatengo dika yogogere genangoka.

Hidingoto 28:31

De una ka ihikaika duru de ai hininga ma domoroini wahingahu-ngahu o nyawaika abe ma titi hokokia Ma Jou wahikoano ai nyawaika de abe ma titi nanga Baluhu idodutu o Yesusu Kristusu. De abe ma oraha gea de ko moiua ihitaili yatatoko ai demo la ko itagiua, ho ka idadi o Paulusu ka ihikaika wahiabari o nyawaika.