Hidingoto 24:18 - Ma Jou ai Demo-demo o Totobelohoka

¹⁸ De abe ma oraha ona ihitae-tae ihimake ai Tauoka de ngohi tomahitebinoka Ma Jou ai himangoka. De ma oraha gea de ko iwa ngohioka o nyawa manga ngoe abe ihigilolitino ihinii-niiki, de ko iwa o huruhara o nyawa manga hidogoronaka.

Hidingoto 24:18 ပူးပေါင်းရင်းမြစ်များ

Yohanese 18:21

Ho adodoa ho hiadono ahi dodotoko ma titi nohileha Ngohino? Koaho irahai la naleha onangika abe yoihenoka ahi dodotoko. Marai ihiorikoka ahi demo ona gea.” Hokogea o Yesusu wipaluhu o Hanasika.

Hidingoto 2:9

De ngone naa utu nanga tonaka o Paratia, de utu o Mede ma tonakino hoboa, de utuoli o Elamoka ma nyawa. De ngone utu nanga gogere o Mesopotamia ma tonakoka, utu o Yudeaka, de utu o Kapadokia ma tonakoka, de utuoli o Pontusu ma tonakino eko o Asia ma tonakino hoboa.

Hidingoto 21:24

Ho ngona de ona nimakiniiki Ma Jou ai Tauika la ngini nimakutuono nianiiki ma pareta ma hiaturu abe genangino de nimahitebini Ma Jou ai himangoka. De ipahaino abe ma oraha adonoka la ona yaruata manga behehongo ihingodumoka de ngona kiani nabangu ma titi to ona manga huhuba Ma Jouika ma bobangu. De ahao abe gea mata-mata ihingodumoka de ona ka idadi manga pea aborongkoka la yomahitunguu abe manga behehongo ihingodumoka. De gea ahao o nyawa abe inimake ngona ani datoro gea Ma Jou ai Tauoka de ka idadi ihioriki abe ngona nagou-goungu naniikohi to Una ai Pareta ngoneino. Ho ona ahao ko yongakuokaua o nyawa manga hiade-ade ma demo abe ato bari ngona noporetoka o Musa ai Paretaika. Hokogea ngomi minihigaro ngonaika la ahao nodiai.”

Hidingoto 24:12

De tomahiadono Ma Jou ai Tauika de duru ko iwa abe ngohi de o nyawa mimaketeloliliara, de duru ko iwa o huruhara idadi ngohioka, abe ngaro mia dodotoko ma tau-tauoka eko ngaro o kota ma ngeko-ngekomoka masara duru ko iwa o huruhara.

Hidingoto 26:21

“De ipahaino de o wange moioka ngohi naga Ma Jou ai Tauoka, de ka itodokanino de o Yahudi ma nyawa yamuruono naga ihitaoko ma titi ahi demoino gea de ihipoha-poha la ato ihitoma!

Hidingoto 6:9

De ipaha o wange moiuku de naga yoboaino o nauru yamuruono naga abe ona yatobaniiki o Yahudi ma nyawa manga dodotoko ma tau moi. De ma dodotoko ma tau gea ihiromanga ato, “o Gogilaongo abe manga dutu yahiluasoka manga dodoomu.” De manga dodotoko ma tau ihiromanga hokogea angamoi ona mata-mata ma dihiraino de yodadi o nyawa manga gogilaongo masara ipahaino de yahiluasoka. De ona gea o Yahudi ma nyawa abe yomadionikino o Yerusaleemoka angamoi manga gogere ma dihiraino gea utu o Kirene ma tonakoka, de utu o Alesandaria ma tonakoka, de utuoli o Kilikia ma tonakino eko o Asia ma tonakino yoboa. Ho o nauru gea yoboaino de yomaketeribuutu ona de o Setefanusu ma titi ai demoino.