Hidingoto 24:17 - Ma Jou ai Demo-demo o Totobelohoka

¹⁷ De ngohi naa ahi taongo muruono ibooto abe ko ihiwa o Yerusaleeme ma kotaka, de ahao naa ma duruino tolioli ma kotaika gea. De tolioino de ngohi tao o dora ma hidoaka ma tiwi abe tahidoakoka ahi gogianongoru o Yahudi ma nyawaika, de tahidoaka ipaha de ahao toiki Ma Jou ai Tauika la o huhuba tomahihuba Unangika.

Hidingoto 24:17 ပူးပေါင်းရင်းမြစ်များ

Hidingoto 20:16

De ma dihiraino de o Paulusu womaputuhoka wato ai dodagioka naa de ko wotulua o Efesusu ma kotaka done iwitedekanaholi o Asia ma tonakoka gea. Angamoi una ai hiningaka de woigo womataiti womahiadono o Yerusaleemika la ka idadi o Pentakosta ma rame-rame una wohirame-rame genangoka.

Hidingoto 20:31

Ho ngini kiani duru nimahidodiai! De ufa niawohanga ahi dodotoko de ahi hingahu ma demo tinihikodokuoka abe ahi taongo hangeino ma dekana ti ngini nia hidogoronaka! De gea ngohi o futu de o wange tinihigaro ngini homoi-homoiika la to Una ai totiai niatobanii-niiki, de ma ngoe idadi abe ahi koongo itifa ma titi ahi hininga duru itagi nginika!”

Hidingoto 21:26

De o Paulusu wohimoteke abe ma gareja ma hihira manga demoika, ho ma dawangeino de una de ona yaruata gea yomakutuono yaniiki ma pareta ma hiaturu abe hokokia yomahitebini Ma Jou ai himangoka. De yomahitebini ibooto de ahao yoiki Ma Jou ai Tauika. De genangoka o Paulusu womahingahu o nyawa manga hima-himangoka abe ona yamotoa yomahibehehongoka moi Ma Jouika. De womahingahuoo abe nako hiadono manga behehongo ihingodumoka de ahao ona yamotoa yoboainoli la ka idadi ihitunguu abe manga behehongo gea abooto. De gea manga dodunguu yomahihuba de o huhuba moi Ma Jouika.

Hidingoto 24:26

De naga moioli ai hiningaka abe ma gubernuuru womatemo wato, “Marai ahao ma oraha tibehehongoli de una wosanangi wohihidoaka o tiwi la wato tihihupu ma rorahaiika.” Ho una duru ma ngoe wibehehongo o Paulusu la ona ka idadi yomakoketemo.

Roma 15:31

Ho nihigahoko la ahi dodagi ma goronaka de Ma Jou wohidatoko o Yahudi ma nyawaino o Yudea ma tonakoka abe ona gea ko iwingaku-ngakua o Kristusika. De nihigahokoo la nanga gogianongoru o Yerusaleeme ma kotaka ahao ka yosanangi dika yodafongo o dora ma hidoaka o tiwi abe ngohi tadotaka onangika.

2 Korintusu 8:6

De mangale ona o Makedonia ma tonakoka yaduhunu manga gogianongoruika, ho ngomi naa miato irahai nako minihigaro nginika la nginioo nimaaduru abe hoka onangoli. De gea ma titi hiadono ngomi wiwihigaro o Titusu la una winigilio de winihigaro nginika o Korintusu ma kotaka. Angamoi una gea abe ma dodihiraino de winihigaro nginika la ngini niatoomuino o duduhunu de niahidoaka nia gogianongoruika. Ho naa irahai la o Titusu winitutumoli nginika la winihigaro ma moioli la ngini nihigila-gila nia hininga ma owa ma datoro gea. La hiadono nia duduhunu niatoomuinoka de nihidingotoka nia gogianongoruika abe ma dihiraino de ngini niato niaduhunu onangika gea.

2 Korintusu 8:9

De abe ma titi o hidoaka o nyawaika, de gea ka idadi homahihohininga ma titi nanga Baluhu idodutu o Yesusu Kristusu. Abe ngini nihiorikoka abe to Una ai hininga ma owa ngone o nyawaino. Abe Una gea ma dodihiraino o Horogaka de duru ko iwa ai kuranga o kia dika, masara mangale ma titi ngini hiadono gea mata-mata wanoaika de wodadi o huha ma nyawa. De womahigunoa wodadi wohuha la ai huhaino gea de ngini ka idadi nikaya abe ma titi niamake ma utumu ma rorahai abe naga Unangoka. Ho irahai nako ngone homaaduru abe hoka to Unangoli ai hininga, abe ma titi ngoneoo homahidoaka la o nyawa utu yamake ma utumu.

2 Korintusu 9:12

Ho gea ti ngini nia hidoakino ahao ihihofoko ma utumu hinooto. Abe moi, nanga gogianongoru o Yesusoka abe yogogere o Yerusaleeme ma kotaka, to ona manga perelu ngini niahingodumu. De moioli, ahao ona duru yotarimakase Ma Jouika manga hininga ma sanangioka de aino, de enangoo ma titi nia hidoakino.

Galatia 2:10

Ho ona o gareja ma hihira genangoka duru ko yodogoua ahi abari ma demoino. Masara naga moi dika manga behehongo ngomino, de gea la ngomi duru miolegaika de ufa miawohanga nanga gogianongoru yohu-huha manga pereluika abe ona o Yahudi ma nyawa de abe yogogere o Yerusaleeme ma kotaka. De gea manga behehongo duru ko itubuhoua ngohino, angamoi ngohioo nengokadauinohi de todiaioka ho tosanangi enangika de ihimagawe hokogea todiai.