Hidingoto 24:1 - Ma Jou ai Demo-demo o Totobelohoka

¹ De o Paulusu iwibuioka o Kaisarea ma kotaka de o wange motoa ipahaino de ahao o Yahudi ma nyawa manga hihira yamuruono naga yoboa o Yerusaleemoka de yaino. Abe naga onangoka o Ananiasa to ona manga hidemo ma nyawa wokokurutiye Ma Jouika, de nagali womatengo ai romanga o Teretulusu, abe una duru wososawaro de o pareta. De o Teretulusu gea una woboa la ka idadi wihitararono o gubernuurika ma titi manga dadae ma demo o Paulusika.

Hidingoto 24:1 ပူးပေါင်းရင်းမြစ်များ

Higiriiri 11:2

De nihihitiari niato, “Abeika, o bodito itigioka, Ona yotobatualono yagogataheke o totiai ma nyawaika, De gea manga toimi ma deli ataurokoka, Abe manga hiningaka yomahidiaioka la inatoimi dika.”

Hidingoto 12:21

De hokogea idadi abe o Balatusu una gea wohiaturu de wogelenga ma oraha la ona ka idadi yomakamake de ma koano. De ma oraha gea adonoka de o Herodese una womahinoauku ai baju duru ma hohailoa abe hoka o kokoano dika yapake de ahao wogogeruku ai kadera ma hohailoauku. Wogogerukuoka de womahingahu onangika ai hininga abe ai hingahu ma demoino.

Hidingoto 21:27

De yomahingahuoka de ipahaino abe manga gahe ngade-ngade adonoka angamoi itigioka manga wange tumidi ipahaikaka. De ma wange gea de o Paulusu naga Ma Jou ai Tauoka, masara nagali o Yahudi ma nyawa yamuruono naga abe o Asia ma tonakino yoboa. De ona gea iwimake o Paulusu de ahao yahikagaro manga dodiawoika hiadono o nyawa manga ngoe duru iwingamo o Paulusika ho iwitaokino.

Hidingoto 23:2

Ka de ai demo gea ipaata ai uruoka de aino de manga hidemo ma nyawa wokokurutiye o Ananiasa una wahuloko ai nyawaika abe yomahitigino de o Paulusu la ona iwipoka ai uruoko.

Hidingoto 23:24

De kiani niahidiaiohi o kuda la o Paulusu unangoo wofarenuku, la ngini mata-mata bootino niwiao de nihidodiai niwigoa-goana o Paulusu ka hiadono nimahiadono nanga gubernuuru o Felikisi ai tauika abe o Kaisarea ma kotaka.”

Hidingoto 23:30

De ipahaino de toihene abe naga o nyawa utu iwihideeoka ato iwitoma o Paulusika. Ho ka de manga hidee gea toihenino de tihidingoto ngonaika. De ahao ngohi tahingahu o Yahudi ma nyawa abe iwitae-tae unangika tato ona kiani yoboa to ngonali ani himangino. De gea yoboa la ka idadi inihitararono ngonaika to ona manga dadae ma demo hokokia unangika. Hokogea dika aika ahi hurata.”

Hidingoto 23:33

De yomahiadonoka de yoiki manga gubernuurika ho iwiao o Paulusu to una ai himangoka de manga haeke ai hurata gea iwihidoaka unangika.

Hidingoto 23:35

De ahao ma gubernuuru wihingahu wato, “Ahao ma oraha ona initae-tae yomahiadono nenangino de ahao ka idadi toihene manga dadae ma demo ngonaika, de ngonaoo ka idadi nomademo ahi himangoka.” De wihingahuoka de ma gubernuuru wahuloko ai nyawa la iwiao o Paulusu o Herodese ai tauika de duru ihidodiai iwigoa-goana genangoka.

Hidingoto 24:11

De naa ngohi tomahingahu abe ko ihitedekanuahi o Yerusaleemoka, abe ka o wange ngimoi de hinooto ibooto abe ngohi tomahiadono o Yerusaleeme ma kotaiye la ka idadi tomahuba-huba Ma Jou ai Tauoka. De ngona ahi baluhu ka idadi naleha-leha o nyawaika la nohioriki abe duru tagou-goungu ahi demoino.

Hidingoto 24:2

De ahao o Paulusu unangoli iwiaoino manga hima-himangoka, de o Teretulusu una witemo ma gubernuurika la ka idadi witae o Paulusika. De una wato, “Ahi baluhu o gubernuuru, ngomi o Yahudi ma nyawa mitarimakase ngonaika. Angamoi ngona ma dihirainohi de nomihipareta irahai la hiadono mia tonakoka de o dame ilaku ngomioka. De naga ma kangela ma ngoe ngomioka abe ngona nahihanga ma titi ani hininga ma sosawaroino ho ma oraha naa de mia hininga isosanangioka. De ma titi ani hininga ma rorahai gea mata-mata ho ngomi duru mitarimakase ngonaika.

Hidingoto 25:15

De ipahaino abe ma oraha ngohi naga o Yerusaleeme ma kotaka de o Yahudi ma nyawa manga hidemo yokokurutiye de manga hihira utu iwitae-tae o Paulusika de yogahoko la ato ngohi tihohowono unangika.

Hidingoto 25:2

De o Yerusaleemoka de o Yahudi ma nyawa manga hidemo yokokurutiye de manga hihira utuoli yomakamake de o Fetusu de ona iwihingahu unangika ma titi manga dadae ma demo o Paulusika.

1 Korintusu 2:1

Ahi gogianongoru, marai ngini ka niohiningahi ma dihira ma oraha ngohi toboa nginika de Ma Jou ai dodotoko tinihingahu nginika. Abeika ngohi ma oraha gea abe ngohi tinihingahu de totemo-temo nginika de ahi demo ma oraha gea ko tohikurutiyeua abe hoka ona yomatobagoraka manga demo. De gea ko tomahingahua nginika tato, “Ngohi naa duru tososawaro ho abeika ngini nitotoihene ahi demoino naa.” Hokogenangua todiai ngohi.

1 Korintusu 2:4

De gea ahi dodotoko de ahi demo-demo nginioka ko imaketeroua de o dunia ma sosawaro ma demo-demo abe ona utu apake la o nyawa yaribuutu la ato yangaku manga demoika gea. To ngohi hokogenangua, masara ngohi Ma Jou ai dodotoko gea tinihingahu dika nginika la Ma Jou o Womaha, Una ma hirete ka idadi womahimatoko nginika de to Una ai buturungu. Abe ma dodotoko gea duru wohitaana ti ngini nia hiningaika.