Hidingoto 23:9 - Ma Jou ai Demo-demo o Totobelohoka

⁹ De ona yomaketeloliliaroka ho hiadono o gangamo idadioka manga hidogoronaka. Abe naga o Farisi ma nyawaino abe yotobadoto-dotoko o Musa ai Paretaino yamuruono naga, de ona yomataiti yomaokoino de yomahingahu manga hininga de manga demo ma bobuturungu ato, “Nako ngomi naa miato o Paulusu gea ko iwa ai howono, angamoi marai igoungu o malaekata eko o nyawa manga jiwa abe nengokadauino iwitemo unangika.”

Hidingoto 23:9 ပူးပေါင်းရင်းမြစ်များ

Maruku 2:16

De nagali genangoka o Farisi manga doomuino ma nyawa de ona abe yotobadoto-dotoko o Musa ai Paretaino ho ka de ona gea iwimake o Yesusu wolomo de ona o pajaka yogaho-gahoko de abe yodiaioka itorou, de yaleha o Yesusu iwinii-niikika ato, “Adodoa ho nia baluhu gea yomakutuono yolomo de ona abe o pajaka yogaho-gahoko de o nyawa utuoli abe onangoo yodiaioka itorou Ma Jouika?”

Lukasa 23:22

De ahao o Pilatusu ma moioli widemo o Yesusu, ho naa ma hangeou widemo. Abe una wato, “Adodoa ho tihohonenge? Done ma howono o kia naga Unangoka hiadono kiani tihidapakuika? Duru ko iwa! Ho naa toputuhoka tato tipoha-pohahi de ahao ka tihihupu dika ma rorahaiika!”

Lukasa 23:4

De o Pilatusu womadogilioro o Yahudi ma nyawa manga hidemoika de ona utu yowoe-woeika de wotemo wato, “Una naa ko timakeuahi wahowono.”

Lukasa 5:30

De ma digi-digino naga o Farisi ma nyawa de ona abe yotobadoto-dotoko o Musa ai Paretaino yamuruono naga abe yamake ona mata-mata yomahisapuroka ma ngolo-ngolomoka gea. Ho ona yabobeto o Yesusu iwinii-niikika ato, “Adodoa ho ngini nimakutuono niolomo de niokere de ona abe o pajaka yogaho-gahoko de utuoli o nyawa abe yodiaioka itorou Ma Jouika? Gea duru ko itiaiua!”

Yohanese 12:29

De o nyawa ko manga ngoe genangoka utu yotemo ato, “Yokuruuhu!” De utu ato, “Koua, ko yokuruuhua, gea o malaekata witemo Unangika.”

Hidingoto 11:17

Ho duru itararono abe Ma Jou wahidoakoka ona ko o Yahudi ma nyawaikaua ai hidoaka abe ma titi Ma Jou o Womaha wihidoakoka. De gea duru imaketero abe hoka ma dihiraino de ai hidoaka ena gea wonahidoakoka ngoneino ma oraha hingaku nanga Baluhu o Yesusu Kristusika. Ho mangale ma titi gea ho ngohi naa duru ko idadiua taoluku eko talawana onangika gea angamoi itararonoka Ma Jou ai hininga ma sanangi itagi onangika.”

Hidingoto 22:6

“De abe ahi dodagi ma goronaka abe o wange ikorona de tomahitigi o Damasiki ma kotaika. De ka itodokanino naga o Horogaka de auku ma dararono ihihitararono ngohiuku, de gea duru kohadararono.

Hidingoto 22:7

De tohidurubauku ma tonakuku de ahao toihene o ilingi itemo ngohino ato, ‘Saulusu, Saulusu! Adodoa ho ngona nohihikangela Ngohino ma titi ani datorino?’”

Hidingoto 23:29

De manga doomuoka gea ko itedekanuahi de ka idadi tamake abe ona yomaketeloliliara ma titi manga agama ma pareta dika, abe tanu ko kia-kiaua ai howono. De ngaro ona utu ato una wahowonoka masara ngohi tato ngaro ufa dika de iwibuika de ngaro ufa iwitoma, angamoi ai howono ko kia-kiaua.

Hidingoto 23:8

Angamoi o Saduki ma nyawa ona yongaku ato o nyawa yohonengoka de duru ko idadiua yomomiki manga honengino. De ngaro abe ma titi Ma Jou ai momalaekata eko o nyawa manga jiwa, masara o Saduki ma nyawa yaoluku gea mata-mata. Masara nako o Farisi ma nyawa, ona yomangaku ato gea mata-mata naga, abe ngaro o momomiki de ngaro o momalaekata de o nyawa manga jiwa, masara gea mata-mata igou-goungu naga.

Hidingoto 25:25

Masara ngohi ma hirete toihenoka to ona manga demo de to unangoo ai demo, de ngohi ahi hininga tato ko iwa ai howono abe genangino de kiani iwihohonenge. De masara ipahaino de una ma hirete wogahoko la tihidingoto o Romaika la nanga koano wokokurutiye ai himangoka womademo, ho ngohi tomaputuhoka la ahao tihidingoto.”

Hidingoto 26:31

De ona ma dodoomu ma ngioka de yosobo de ahao yomakoketemo ma titi o Paulusu. De ona yomaketehiningamoi abe yotemo ato, “Una gea duru ko iwa ai howono abe genangino de kiani iwihohowono de o hohonenge. De ngaro ai howono la kiani iwibuika masara ko iwa!”

Hidingoto 27:23

De hokogea tinihingahu angamoi o futuika de ahi Jou ai malaekata womatengo woboa ngohino. Abe to ngohi ahi Jou abe titobaleleani Unangika, Una gea wihidingoto ai malaekata ngohino de woboa womaokoino duru ahi datekoka.

Hidingoto 5:39

Masara nako to ona manga demo de manga datoro ihititi Ma Jouoka de aino, gea ko idadiua ngini niahikala onangika. De nako hokogea imaketero dika hoka ngini ahao nimakalawana ngini de Ma Jou!” De o Gamaliele ai dodiawo iwigihene to una ai higaro ma demo.

Hidingoto 9:4

De una worubauku ma tonakuku de ahao woihene o ilingi itemo unangika ato, “Saulusu, Saulusu! Adodoa ho ngona nohihikangela Ngohino ma titi ani datorino?”

1 Korintusu 10:22

Angamoi nako hokogea haniiki, gea imaketero hoka ngone bote hato ka idadi homahiketehigogao ngone de o pangao de hato gea bote Una ko wonahohowonua. Eko ngone hato nako ngone de Ma Jou, ka ngoneohi hoputurungu. Duru hokogea ko itiaiua, angamoi ka Unangohi woputurungu de kiani wonahohowono nako nanga datoro hokogea hodiai.

1 Samuele 12:5

De ahao o Samuele wotemoli onangika wato, “Irahai nia demo gea de ngohi duru tosanangi nia demo hokogea Ma Jou o Yawe ai himangoka de nia koano ai himangoka. De hokogea irahai la gea ko moiua o Isiraele ma nyawa abe ahao ihitae ato, to ona manga kiahonangino ngohi naa tomahitongohi.” Hokogea o Samuele ai demo ai gogianongoruika. De ona yopaluhu, ato, “Mia baluhu, ani demo gea Ma Jou ai himangoka miato nagoungu.”

1 Samuele 24:17

De witemoli wato, “Dautu, nako ngona de ngohi ka ngonahi ani datoro itiai angamoi ngaro ngohi ahi hidee ma dorou ngonaika masara ngona nomahibalaha de ma owa dika ngohino.