Hidingoto 23:8 - Ma Jou ai Demo-demo o Totobelohoka

⁸ Angamoi o Saduki ma nyawa ona yongaku ato o nyawa yohonengoka de duru ko idadiua yomomiki manga honengino. De ngaro abe ma titi Ma Jou ai momalaekata eko o nyawa manga jiwa, masara o Saduki ma nyawa yaoluku gea mata-mata. Masara nako o Farisi ma nyawa, ona yomangaku ato gea mata-mata naga, abe ngaro o momomiki de ngaro o momalaekata de o nyawa manga jiwa, masara gea mata-mata igou-goungu naga.

Hidingoto 23:8 ပူးပေါင်းရင်းမြစ်များ

Matiusu 22:23

De ahao ma wangeoka gea de nagali o Saduki manga doomuino ma nyawa yoboa o Yesusino. De nako o Saduki ma nyawa ona yotobadotoko abe nako o nyawa yohonengoka de duru ko idadiokaua yomomiki manga honengino. Masara naa onangoo yoboa o Yesusino de ato iwileha moi angamoi yoigo ihititi genangino la hiadono iwitae o Yesusika.

Maruku 12:18

De ahao nagali o Saduki manga doomuino ma nyawa yoboa o Yesusino. De marai o Saduki ma nyawa ona yotobadotoko abe nako o nyawa yohonengoka de duru ko idadiua de yomomiki manga honengino. Masara naa onangoo yoboa o Yesusino de ato iwileha moi angamoi yoigo yokadatoro ma titi o momomiki la iwihikala genangino.

Lukasa 20:27

De ahao o nyawa yowoe-woeino de nagali o Saduki manga doomuino ma nyawa yoaguru yoboa o Yesusu ai himangino. De nako o Saduki ma nyawa ona o Yahudi ma nyawa o doomu moi abe yotobadotoko nako o nyawa yohonengoka de duru ko idadiua de yomomiki manga honengino gea.

Hidingoto 23:7

De hokogea dika wotemo de ma hihira ma doomu gea yomareguoka ho o Farisi de o Saduki ma nyawa duru yomaketeloliliaroka.

Hidingoto 4:1

De abe ma oraha o Peturusu de o Yohanese yotemo-temo manga gogiriakahi o nyawaika de naga yoboa onangino o Isiraele ma nyawa manga hihira yamuruono naga. Abe utu o hidemo ma nyawa Ma Jouiye de utu o Saduki ma nyawa manga doomuino, de nagali womatengo abe yotobagoa-goana Ma Jou ai Tau manga haeke.

1 Korintusu 15:12

Masara abeika nanga kangela naa. Ngomi miahingahu-ngahu abe o Kristusu, Una womomikoka ai lungunino. Masara naga yamuruono naga nginioka abe bari yotemo-temo ato nako hiadono o nyawa yohonengoka de duru ko idadiokaua yomomikoli manga honengino.