Hidingoto 22:26 - Ma Jou ai Demo-demo o Totobelohoka

²⁶ De gea ma hihira woihene de ahao woiki manga haekika de wihingahu wato, “Naa done sarakia ani huhuloko ma titi una gea? Angamoi una o Roma ma kawaaha wodadioka!”

Hidingoto 22:26 ပူးပေါင်းရင်းမြစ်များ

Yohanese 18:12

Ho o Roma ma nyawa manga tentara ma doomu de manga dimono gea, de manga dodiawo o nau-nauru yamuruono naga abe Ma Jou ai Tau yogoa-goana, ona gea o Yesusu iwitaoko de ai giama apakiti-pakitino.

Hidingoto 22:25

Ho ma tentara iwihidapakiti o gotaika la ahao iwihipoha de ma migi de ko wokelu-kelua. De iwihidapakiti manga gogiriaka de o Paulusu wotemo manga hihira womatengoika wato, “Sarakia, naa ngini ko niatilakurua nia pareta nako nihipoha ngohino? Angamoi ngohi todadioka o Roma ma kawaaha de ko iwa ma putuhu ma titi ahi howono angamoi ko ihiurusuahi!”

Hidingoto 22:27

De ma haeke woiki o Paulusika de wileha wato, “Ngona naa nagou-goungu o Roma ma kawaaha?” De o Paulusu wipaluhu wato, “Iya, tagou-goungu abe ahi demo tomahingahuoka.”

Hidingoto 22:29

Ho ma tentara abe yomahidiaioka la iwipoha de iwileha-leha unangika, ona yomataiti yomadohukoka ma oraha yoihene abe una o Roma ma kawaaha womatengo. De ma tentara manga haeke una duru wohawanoka angamoi ai huhuloko ma demo itagioka abe wahuloko ai nyawaika la iwihidapakiti de iwihipoha-poha de o migi.

Hidingoto 23:27

De ma nauru abe tihidingoto ngonaika, una gea o Yahudi ma nyawa yamuruono naga iwitaoko unangika de iwipoha-poha la ato iwitoma. De ngade-ngade iwitomaka abe ma oraha ngohi de ahi tentara toboa unangika. De mangale ma titi toihenino abe una wodadioka o Roma ma kawaaha womatengo, ho tihihupu manga hidogoronaino la tato ko kia-kiaua idadi unangika ma dorou.