Hidingoto 22:18 - Ma Jou ai Demo-demo o Totobelohoka

¹⁸ De gea timake ahi Baluhu idodutu de Una wohitemo wato, ‘Ngona kiani nomataiti o Yerusaleemoka de nosobo angamoi ma nyawa nenangoka ahao ko yongakua ani demoika ma oraha noade-ade onangika abe ma titi tomahimatoko de tonitemo ngonaika.’”

Hidingoto 22:18 ပူးပေါင်းရင်းမြစ်များ

Matiusu 10:14

“De nako ahao idadi abe o tau moioka eko o kapongo moioka de ko moiua inidafongo eko nia demoino de ko initotoihenua, gea nihupu dika onangino. Masara ma oraha nihupu de kiani nia lou niafureere la ma tonaka ma kuhuhunu gea irerouku. De abe nia lou niafureereuku de gea idadioka o hohowono ma dodunguu onangika angamoi ko inidafongua.

Matiusu 10:23

“De nako o kapongo moioka abe inihikangela nginika, de gea nianoaka dika ma kapongo gea de niloiki o kapongo eko o kota utuikali. De gea tagou-goungu tinihingahu abe o Isiraele ma kapongo ko mata-mataikauahi ngini nimahiadono de Ngohi toboali la tomahimatoko ahi kuaha. Abe Ngohi naa o Nyawa ma Ngofaka abe o Horogaka de tauku toboa masara o nyawaino tomaboa.”

Lukasa 21:21

Ho gea ma oraha abe ona yogogere o Yudea ma tonakoka kiani yokokiloaroka o loku-lokuika, de ona ma kota ma goronaka kiani yokokihupu de yoara, de abe ma hoanoka ufa ona yowohama o kota ma goronaika gea masara koaho yoara dika.

Hidingoto 3:19

“Ho naa ngini kiani nitoba nia howo-howonino de nimangali Ma Jouika, la Una ahao wohiofi nia howono nginioka de aino.

Hidingoto 9:29

De naga genangoka o Yahudi ma nyawa yamuruono naga abe yotemo-temo o Yunani ma demo dika, de ona de o Saulusu yomakoketemo ma titi o Yesusu ka hiadono yomaketeloliliara. De ma bahauku ona iwihidee la ato iwitoma o Saulusika.

1 Korintusu 9:1

Abeika ngohi naa. Ngohi o hiluasa ma nyawa, abe moioo de ko iwa ihihipareta ngohino. De igoungu naga ahi kuaha ngone hingaku-ngakuoka mangale ma titi abe o Kristusu wohihidoakoka ngohino ahi gogere nanga garejaka. Abe ngohi wohihidingoto o Kristusu la o Abari ma Rorahai tahingahu-ngahu o nyawaika. Angamoi de to ngohi ma hirete ahi lako hinooto timake nanga Baluhu idodutu o Yesusu. Masara ngaro hokogea ma, ngohi tomahidadi imaketero hoka o huhuloko o nyawaika la tato ona taduhunu de tahiboa Ma Jouika. De ngini nia ngongaku ihitaanoka to ngohi ahi karajaanga nanga Baluhika, abe ngini nidadioka to ngohi ahi karajaanga ma hofoko.