Hidingoto 22:17 - Ma Jou ai Demo-demo o Totobelohoka

¹⁷ “De ipahaino de tolioino o Damasiki ma kotaka de taino naa o Yerusaleemino. De ahao o wange moiuku de ngohi naga Ma Jou ai Tauoka tomaniata, abe gea idadi o taongo muruono ipopahaika. De tomaniata ahi gogiriaka de ngade-ngade hoka ihikiooko abe gea ko ihikiookua masara ahi hiningaka de tamake o himatoko moi Ma Jouoka de aino.

Hidingoto 22:17 ပူးပေါင်းရင်းမြစ်များ

Hidingoto 26:20

Abe ihira-hira de tahingahu-ngahu o Damasiki ma nyawaika abe hokokia tamakeoka ma himatoko ma goronaka, de ipahaino de o Yerusaleeme ma nyawaika tahingahu-ngahu, de o Yudea ma tonaka ma amokikaoo tahingahu-ngahu. De ino ino de onangoo abe ko o Yahudi ma nyawaikaua tahingahu-ngahu. De o nyawa mata-mataikaoo de duru tahigaro tato kiani yoporete manga howo-howono de yomangali Ma Jouika. De hongoli tahigaro tato ona kiani yotobadiai o datoro ma rorahai manga wowangoka la genangino de yomahitaana abe yagou-goungu yotobaka manga howo-howonino.”

Roma 15:19

Abe ahi datorino gea naga utu o heheranga de o dodunguu ma ngoe todiaioka la o nyawa yongaku o Abari ma Rorahaiika, masara gea mata-mata Ma Jou o Womaha ai kuahaka de aino hiadono ngohi todiai. Ho o Abari ma Rorahai abe ma titi o Kristusu, gea tahingahu-ngahuoka o nyawa yowoe-woeika abe ngaro o Yerusaleeme ma kotaka de ka hiadono ona abe yogogere o Ilirikumu ma tonakoka abe duru kohagurutika imakitingaka ma tonaka gea. De gea ma titi hiadono ngohi duru togarago abe hokokia Ma Jou wohipakeoka la ka idadi tileleani Unangika.

Galatia 1:18

De o taongo hange ma dekanino ipahaikali de ahao ngohi daku o Yerusaleemiye toiki la tato ka idadi titutumu o Peturusu la ka idadi mimahikoriki. De gea ahi futu ngimoi de motoa dika tomanoa unangoka.

Efesusu 3:3

De ai owa gea Ma Jou ai hidee ma dogogono, abe gea ena ma hohutulu tinihitararonoka de ahi demo kangano.

Himatoko 1:10

Ho naa o Patomos ma nuuhoka de o wange moiuku ihilufungu de Ma Jou o Womaha ai kuaha. De gea ihilufungu ma wangeoka abe ngone Ma Jou ai nyawa nanga biaha homatoomuino de hihigiriiri nanga Baluhu idodutuika. De ka itodokanino de ngohi toihene ahi poretoka o ilingi moi duru ilamokiye, de gea ma ilingi ngade-ngade hoka o guguli yawuwu.