Hidingoto 21:8 - Ma Jou ai Demo-demo o Totobelohoka8 de ahao ma dawangeino migila-gila miloiki o Kaisarea ma kotaika. De ma kotaka gea mimahidodogumu nanga gianongoru o Filipusu ai tauoka, abe una watobahingahu-ngahu o Abari ma Rorahai o nyawaika. De una ma dihiraino de iwigorakoka la wodadi o gareja ma duduhunu womatengo, ho una de ai dodiawo yabutaanga ona yatobaleleani o inomo o gareja ma nyawaika abe naga de manga pereluoka. အခန်းကိုကြည့်ပါ။ |
Hidingoto 21:8
18 ပူးပေါင်းရင်းမြစ်များ
De o Hiaini ma wangeoka de ngomi mihupu o kota ma hoanika abe o akere moiika imahitigi-tigino. Angamoi ngomi miihene naga o nyawa yamuruono naga yomatoo-toomuino o akere ma ngigorino gea la yomaniata. Ho ngomi mimahiadono manga niniata ma ngi gea de mimakamake de o ngo-ngofeka yamuruono naga abe yomatoomuinoka genangoka. De migogeruku la ka idadi mimakoketemo de de ona.
De o wange moiukuoli de ngomi miloikoli abe mia dumutu manga niniata ma ngiika gea, masara ko mimahiadonuahi de mimakamake de momatengo naga o ngofeka abe muna o nyawa manga gilaongo de imikitokata. De to muna ami dutu yomamake o tiwi ma amoko ma titi munangino angamoi muna ka makunu mahingahuohi o nyawaika abe hokokia ahao idadi ngaro gea ko idadiuahi.
De manga kapaka gea yohidete hiadono o Kaisarea ma kotaiha yomahiadoniha o Isiraele ma tonakoka. De o Paulusu wouti ma dudungiha de ahao wotagi-tagi o Yerusaleeme ma kotaiye la watutumohi ai gogianongoru o gareja ma nyawa genangoka. De watutumu ipahaino de ahao wolioli ai dingiino o Antiokia ma kotaino abe o Siria ma tonakoka.
De o Toroasa ma kapongokahi de ngomi de o Paulusu mimakitingakohi jai-jai angamoi una womihidingoto o gahioko la ngomi mihira mifarene o kapa abe ma dumutu o Asoso ma kapongika. Masara ngomi mimaketehibehehongo de una la ahao mimakamakeoli o Asosoka. Ho ngomi mihira misobo de ipahaino ahao o Paulusu wanoaika o Toroasa de wotagi-tagi wotowongi o Asoso ma kapongika.
De mia gogianongoru o Kaisarea ma nyawa yamuruono naga mimakiniiki de de ngomi o Yerusaleemika, de mimahiadoniye ma kotaiye de ona imiao mia gianongoru womatengo ai tauoka la mimahidodogumu unangoka. De mia gianongoru gea ai romanga o Manasono, de una wolamoko o Sipurusu ma nuuhoka. De una gea ai dekanoka abe iwingaku o Yesusika.
De o Paulusu ngoi firanga ami ngofaka wosoboka de ahao ma tentara manga haeke wahokino ai nyawa yahinooto abe ona yodadi o tentara ma hihira. De ona yoboa ai himangino de una wahuloko wato, “Ngini kiani niahidiaiohi nia nyawa la bootino yofutuku abe o takoro hiwo adonoka de ahao ngini nisobo niloiki o Kaisarea ma kotaika. Abe kiani nia tentara yaratuhu hinooto abe yotobalou-lou niatoomuino, de nia tentara abe yososawaro yoparangi de o kuama onangoo kiani yaratuhu hinooto niatoomu, de nagali nia tentara yamoritumidi abe yotobafarene o kuda ma poretuku onangoo kiani niahidiaiohi la bootino ngini niwiao o Paulusu o Kaisareaika.
De ipahainoli de ma oraha adonoka la iwihidingoto o Paulusu o Roma ma kotaika abe o Italia ma tonakoka. De o Paulusu de o nyawa yamuruono naga utu abe onangoo yahidapakiti ma titi o pareta yatilakuru, ona yahitagongo o tentara ma hihira womatengoika la una wagoa-goana. De una gea ai romanga o Yuliusu, de una wodadioka o tentara manga doomu moi manga hihira. De ai doomu ma romanga ihiromanga ato o Koano wokokurutiye ai Tentara ma Doomu.
De abe ma oraha mia kapa iwederuku de ahao mia mede hangeino abe mimanoa o Malata ma nuuhoka. De o kapa moioli naga genangoka abe to ena ma gogoana ihiaini hiadono o rato de o maata ma oraha ipahaikahi. De ma kapa gea iboa o Alesandaria ma kotaka de aino, de to ena ma dodunguu naga ma kapa ma dihiraka abe yodiai o gotaino. De ma dodunguu gea ma rupa hoka o Roma manga jou yahinooto abe yohago. Ho abe mia mede hange ibooto de ahao ma kapa gea mifarene.
De ona mata-mata manga doomuoka gea duru yosanangi abe yangimoi de yahinooto manga demoika. De ipaha de ona yairiki o nauru yatumidi naa, abe o Setefanusu, una abe duru ai hininga aomanga de o ngongaku de Ma Jou o Womaha, de nagali o Filipusu, de o Prokorusu, de o Nikanoro, de o Timono, de o Paramenasa, de o Nikolausu abe o Antiokia ma tonakoka ma nyawa. De o Nikolausu una gea tanu ko o Yahudi ma nyawaua masara nengokadauino de womangali de waniikoli o Yahudioka manga agama, de ipahainoli de wingaku o Yesusika.
De gea ai hidoaka ma owa abe wonahidoaka ngone ai garejaino, gea o nyawa wahidoaka ngoneino abe ona gea de manga hiakunoka. Abe ona utu o Kristusu wairiki la ona yodadi to Una ai hidingoto ma nyawa. De naga utu Una wonahidoaka o garejaka ona abe yatobadofanga Ma Jou ai hingahu ma demo manga gogianongoru utuikali. Abe Una ka wobawili dika ai hingahu ma demo to ona manga hiningaika la ahao yadofanga. De naga utuoli wahidingo-dingoto la o Abari ma Rorahai yatobahingahu-ngahu o nyawa utuika. De naga utu Una wonahidoaka la ona inatobagoana de inatobadotoko ngone ai gareja ma nyawaino.
Masara ngona o Timotiusu, ufa ani hininga irehene o rerehene ma dodotokika gea masara kiani ka ihikaika ani hininga noogoana la ngaro o kia dika nohimanga ma ka idadi nomatongohono ma dorouino. De gea ngaro naga inihikangelaoo ma kiani nomatongohono. De gea kiani nohigila-gila ani karajaanga abe o Abari ma Rorahai nahingahu-ngahu o nyawa utuika. De abe ani karajaanga ma tagongo utu mata-mata wonihidoakoka Ma Jou, enangoo ma kiani nodiai la ani karajaanga Unangoka ingodumu.
ကြော်ငြာတွေ