Hidingoto 21:7 - Ma Jou ai Demo-demo o Totobelohoka

⁷ De o Tirusoka de misobo de mihidete o Petolemaisi ma kapongika, de genangoka miatutumu abe mia gogianongoru yamuruono naga gea ma kapongoka. Masara ngomi ka mia futu moi dika genangoka

Hidingoto 21:7 ပူးပေါင်းရင်းမြစ်များ

Matiusu 5:47

“Ho nako ngini naa nimakao irahai de nia dodiawo dika de nako o nyawa utuika niao ko irahaiua, gea done sarakia ti ngini nia hininga? Angamoi gea ka imakadaene dika de o nyawa manga hininga abe ko iwihiorikuahi Ma Jou. Masara nako ngini de ona de tanu koaho ka nginiohi nia hininga irahai abe o nyawa mata-mataika.”

Hidingoto 1:15

De o wange moiuku de naga yomatoomuino ngade-ngade o nyawa yaratuhu moi de yamonaoko abe ona iwingaku-ngakuoka o Yesusika. De manga doomu ma goronaka gea de o Peturusu womaokoino de wahingahu ona mata-mataika wato,

Hidingoto 12:20

De abe ma oraha gea de naga o liliara moi ipuda abe ma titi o Tirusu ma nyawa de o Sidono ma nyawa abe ona de ma koano o Herodese Agaripa ko yomaketesanangiua. Ho o Herodese Agaripa una wangamo ona mata-mataika o Tirusu de o Sidono ma kapongoka ho hiadono una wahuloko ai nyawa la ibootohi o redi ma hasili ma inomo yafukunu o Tirusu de o Sidono ma nyawaika. Ho ma kapongo hinooto gea yahidingoto manga nyawa yamuruono naga la yomahikaaturu hokokia de ma koano la ka idadi yomaijali o inomo ai tonakino, angamoi manga inomo ma amoko iboa o Herodese ai tonakoka de aino. Ho manga nyawa gea yomahiadono de yoiki womatengoika abe ai romanga o Balatusu, abe una ma koano ai duduhunu abe ka ihikaika una naga ma koano ai datekoka. De ona iwihigaro unangika la ato unangoli ahao wihigaro ma koanoika. De gea ona yoigo la ka idadi yomakamake de ma koano la manga hikaaturu ma demo una ka idadi wotoihene.

Hidingoto 18:22

De manga kapaka gea yohidete hiadono o Kaisarea ma kotaiha yomahiadoniha o Isiraele ma tonakoka. De o Paulusu wouti ma dudungiha de ahao wotagi-tagi o Yerusaleeme ma kotaiye la watutumohi ai gogianongoru o gareja ma nyawa genangoka. De watutumu ipahaino de ahao wolioli ai dingiino o Antiokia ma kotaino abe o Siria ma tonakoka.

Hidingoto 21:10

De ngomi mimanoa o Filipusoka mia futu muruono, de o wange moiuku de naga womatengo woboaino abe unangoo iwitobalufungu de Ma Jou o Womaha la wadofanga Ma Jou ai hingahu ma demo o nyawa-nyawaika. De una gea ai romanga o Agabusu, abe una o Yudea ma tonakoka de waino woboa.

Hidingoto 21:17

De o Yerusaleemoka gea mia gogianongoru o ngongakuoka ona mata-mata duru imidafongo irahai.

Hidingoto 21:19

De o Paulusu ai tabea wahidoakohi ona homoi-homoiika de ahao una duru wohidodiai woade-ade onangika abe hokokia Ma Jou ai datoro wodiaioka ma titi o Paulusu ai karajaangino. Abe gea Ma Jou ai datoro ma oraha o Paulusu naga ko o Yahudi ma nyawaua manga hidogoronaka.

Hidingoto 21:3

De ipahaino de mia dodagi ma goronaka o kapaka gea de miatilakuru o Sipurusu ma nuuhu ho gea ka idadi miamake mia kapa ma gubadioka. De ahao mimahiadono ma guguti ma ngiiha o Tirusu ma kotaka abe gea imanoa o Siria ma tonakoka. De genangoka mia kapa ma kiahonanga mata-mata ihiguti ma dudungiha.

Hidingoto 25:13

De o futu muruono ipahaino de ahao manga koano o Agaripa woboaino de ngoi firanga o ngo Berenike la ona ato iwitutumu ma gubernuuru o Fetusika. De gea iwitutumu o Kaisarea ma kotaka.

Hidingoto 28:12

De ma nuuhu gea mianoaika de ipahaino mitulu o Sirakusa ma kotaika abe o nuuhu moiokali, de genangoka mia futu hange mimaidu.

Ibarani 13:24

De naa marai ngohi togahoko nginika la ahi tabea niadofanga nia doomu ma hihira mata-mataika de nia gogianongoru utuoo mata-mataika. De naa nanga gogianongoru o Italia ma nyawa abe naga nenangoka ihidodiawoino ngohi, de gea to onangoo manga tabea ihidingoto nginika.

1 Samuele 10:4

De ona yogianongoru ngonaika de manga garago de ato yoigo la manga roti ma gahumu hinooto inihidoaka. De manga roti gea kiani ngona nodafongo.”

1 Samuele 13:10

De o Saulu gea manga huhuba iharo-harongo ahao ngade-ngade wahihuba ibooto de o Samuele woboa. Ho o Saulu woiki wibuhuku.