Hidingoto 21:34 - Ma Jou ai Demo-demo o Totobelohoka

³⁴ De abe yopalu-paluhu unangika, utu onangino yopoaka manga demo moi masara utuoli manga demo imakohowono yopoaka. Ho ngaro yopaluhu masara duru ko wohiorikua ma titi angamoi manga demo ko imakiniikua, de hongoli manga hagaaga duru ilamokiye ho wokangela woihene. De mangale ma titi ko wamakeua ma titi ho wahuloko ai tentara la iwiao o Paulusu o tentara ma ngiika la witailako genangoka.

Hidingoto 21:34 ပူးပေါင်းရင်းမြစ်များ

Hidingoto 19:32

De doka o dodoomu ma ngi ma goronaka de ma nyawa mata-mata yopoa-poaka, masara manga demo ko imakiniikua angamoi utu hokonaa manga demo ma dumutu, de utuoli manga demo ma dumutu moiikali. Ho ona duru yolilifangoka. De hiadono naga manga ngoe genangoka abe duru ko ihiorikuahi ma titi o kia hiadono yomatoomuino!

Hidingoto 21:37

De ma tentara ngade-ngade iwihingohama manga ngi ma goronaika de o Paulusu witemo manga haekika wato, “Ka idadi ngohi tonitemo ngonaika?” De ma haeke wiheranga de wato, “Ho mode ngona naa ka idadi notemo de o Yunani ma demo?

Hidingoto 22:24

De ma tentara manga haeke wamake o nyawa yowoe-woe manga hininga gea ho o Paulusu wihingohama doka ma tau ma goronaika de wahuloko ai tentara la ona ahao iwihipoha de o migi unangika. De hokogea wahuloko angamoi ma haeke wato bote nako iwihipoha ahao o Paulusu womangaku ai howono o kia wodiaioka. De ma haeke una duru woigo wohioriki ma titi o kia hiadono ona yowoe-woe duru yongamoholi.

Hidingoto 22:30

De ma dawangeino de ma tentara manga haeke una ka woigohi wohioriki ma titi o kia naga o Paulusoka hiadono o Yahudi ma nyawa yowoe-woe duru iwingamo unangika. Ho una wihohe o Paulusu ai papakitino la o Isiraele manga hihira ka idadi iwileha-leha unangika. De ahao ma haeke gea wahuloko la o Isiraele manga hihira de manga hidemo ma nyawa yokokurutiye ona mata-mata yomatoomuino.

Hidingoto 23:10

De ahao o Saduki ma nyawa onangoli yomahingahu manga hininga abe ihiboa-boaka manga demo. De hokogea yogila-gila yomakoboaka de manga ilingi ka idogo-dogo ilamokiye. De naga utu o Paulusu ai aridatekoka abe yomaketelitauru o Paulusu aika aino. De ika-ika de ma tentara manga haeke wohawana wato marai ahao o Paulusu ai badanga iwika-kakihoka, ho wahuloko ai tentaraika la iwiao o Paulusu to ona manga hidogoronaino de iwihigilio ma tentara ma ngiika.

Hidingoto 23:16

De yomakodotokoka masara o Paulusu ngoi firanga ami ngofaka una woihene ma titi to ona manga hidee gea, ho woiki ma tentara ma ngiika de wihingahu ai pepe o Paulusika.

Hidingoto 23:32

De ahao ma dawangeino de ma tentara abe yatobalou-lou genangoka de yogilio manga dingiika o Yerusaleeme ma kotaka. Masara ma tentara abe yotobafarene o kuda ma pore-poretuku ona yogila-gila yomakiniiki de o Paulusu ka hiadono manga dumutu yomahiadonoka o Kaisarea ma kotaika.

Hidingoto 25:26

“Masara ngohi ma hohutulu tokangela, angamoi gea tihidingoto nanga koanoika de kiani tohidingotoo o hitararono ma hurata abe ma titi ai howono hokokia tamakeoka. De gea duru ko tohiorikuahi o kia tohitulihuku ma hurata ma goronaka angamoi o nyawa manga dadae ma demo unangika tanu ko kia-kiaua ma titi, ho ko iwa ai howono. De gea ma titi hiadono tihuloko unangika la kiani womademo ti ngini naa nia kokihimangoka, abe ngona nanga koano o Agaripa de ngini utu mata-mata. Angamoi ngohi tonganono la bootino abe hitoihene ai demoino de hileha-leha ipaha de ahao naga ma titi abe ka idadi tohitulihuku ma huratoka de tohidingoto nanga koano wokokurutiyeika.