Hidingoto 21:30 - Ma Jou ai Demo-demo o Totobelohoka

³⁰ De gea idadioka o huruhara abe imahikabarihi hiadono o kota ma amokika, de o nyawa ko manga ngoe iwingamo o Paulusika. De ona yongamo-ngamo gea iwiliara o Paulusu Ma Jou ai Tau ma loaka de aino. Ho ka de iwihihupuoka de ma loa ma ngorana ma dadatoko atatokoka.

Hidingoto 21:30 ပူးပေါင်းရင်းမြစ်များ

Hidingoto 26:21

“De ipahaino de o wange moioka ngohi naga Ma Jou ai Tauoka, de ka itodokanino de o Yahudi ma nyawa yamuruono naga ihitaoko ma titi ahi demoino gea de ihipoha-poha la ato ihitoma!

2 Korintusu 11:26

De ahi dodagi duru kohangoe abe ngohi totagi-tagi, de genangino ma ngoe o bodito taohana. Abe nako o akeroka gea taohana o nguihi, de nako o dudungoka gea naga yotobaora-ora imigoana la ato imiora. De nagali ma bodito taohana ma titi o nyawaino, abe ngaro to ngohi ma hirete ahi gogianongoru o Yahudi ma nyawaino eko ngaro abe ko o Yahudi ma nyawaua, masara ma bodito taohana. De ngaro o kotaka eko ma homoaka eko o gahioka, ma naga ma bodito mata-mataika abe taohanoka. De ngaro o nyawaino abe ona yomahihawo-hawo de yomahingahu ato ahi gogianongoru o Yesusoka masara gea yoeluku dika, de onangoo manga hidee la ihibodito ngohino.

Hidingoto 19:29

De hokogea yopoa-poaka hiadono o nyawa manga ngoe yoboaino yomatoomuino la ato ihioriki o kia idadioka. De ko itedekanuahi de o kota ma nyawa gea ona mata-mata duru yolilifangoka angamoi ko ihiorikuahi ma titi. De ahao ona mata-mata yomataiti yoiki o kota ma dodoomu ma amoko ma ngiika. De utu naga abe yataokino o Paulusu ai dodiawo yahinooto o Gayusu de o Arisitarakusu. Abe ona yahinooto ma dihiraino de yomakiniiki de o Paulusu ma oraha una o Makedonia ma tonakoka de aino woboa.

Lukasa 4:29

De ona ka ma moi yomaokoino de iwikiniiki o Yesusu o kapongo ma hoanika de iwiao o loku ma bakorika. Abe o Nasarete ma kapongo gea ihigoko o lokuoka. Ho ona mata-mata iwiao ma bakorika angamoi manga hininga la ato iwiumo dau ma bakoruku.

Matiusu 21:10

De hokogea ona yokokipoaka hiadono o Yesusu womahiadonoka o Yerusaleeme ma kota ma goronaika. Ho o Yerusaleeme ma nyawa o kota ma amokika yamake de yoihene abe ma oraha Una woboaino angamoi o nyawa gea duru yohagaaga ho ona yomakokeleha ato, “Gea ka onaguna hiadono hokogea manga gigoro?”

Matiusu 2:3

De ahao naga o nyawa iwihingahu manga koano o Herodesika ato, “Naga o nyawa yoboaino nanga kotaino naa abe ona yosoo-sosawaro o murumu ma dodagi ma titi. De ona yato bari naga o ngofaka womaboaka ngoneoka naa abe yamake ma dodunguu o murumoka gea la ka idadi ihioriki abe una gea ahao wodadi nanga koano. De o ngofaka gea iwilingiri la ka idadi yomahuba Unangika.” Ka de o Herodese woihene manga hingahu gea de duru iwitodokana ho wato done ko wahikoanokaua genangoka. De ai kokawaaha o Yerusaleemoka onangoo manga hininga ihuha.