Hidingoto 20:9 - Ma Jou ai Demo-demo o Totobelohoka

⁹ De naga genangoka o goduuru womatengo ai romanga o Yutikusu, de una gea wogogeruku o jendela moioka abe idateke ma hoanika. De una wohitaili wotoihene o Paulusu ai demoika, masara ino ino abe o Paulusu ko womatogu-togumua de o Yutikusu ko wapoakaua angamoi duru iwikiooko. De ahao una duru iwikiookoka ho hiadono ka itodokanino de iwiotaka ma lape hangeoka de wauku. De ona yauku unanguku de iwigoraka masara una wohonengoka.

Hidingoto 20:9 ပူးပေါင်းရင်းမြစ်များ

1 Kokoano 17:19

De o Elia womipaluhu dika de ai dora ma hiokoo, wato, “Hobata, ani ngofaka gea togahoko la nohihidoaka ngohino.” Hokogea o Elia wotemo de ahao ami ngofaka wigoraka ami giamino de naa unangoli witotiri de wiao daku o Elia ai kamariye, abe naga ma tau ma lape hinootoka. De ahao ai kamaroka gea de ami ngofaka gea o Elia wiiduiha ai koioka la wibitikangiye.

Maruku 13:36

Ho iti ufa inikiookoka o howonika de ka itodokanino de woboa de winimake nia giooko ma goronaka.

Maruku 9:26

De ma tokata gea ihaangara, de duru iwihifafara ma ngoe hiadono ihupu unangino. Masara ihupuoka de ma ngofaka gea duru womakelu-keluokaua, de ona iwimake hoka ai honenge dika. Iwimake hokogea de ahao naga yamuruono yomakoketemo ato, “O, marai wohonengoka.”

Hidingoto 14:19

De ipahainoli de naga o Yahudi ma nyawa yamuruono naga abe yoboa o Antiokia de o Ikoniumu ma kotaino de duru yahigaro ma kokawaaha genangoka la yadohata ona yahinootoika. Ho o nyawa ko manga ngoe yomatoomuino de iwingika o Paulusika de iwihohakaru unangika. De iwihohakaru ipahaino de ahao iwiliara de iwihihupu o kota ma hoanika de iwinoaika genangoka, angamoi ona ato bote una wohonengoka.

Hidingoto 20:10

Masara o Paulusu unangoo woutiuku de womamotumuku o Yutikusu ai badanguku de wikooino. De wikoo ipahaino de o Paulusu wotemo wato, “Ngaro ufa nia hininga ihuha, angamoi una naa ai wowango nagahi!”

Hidingoto 20:7

De ngomi o Toroasa ma kapongokahi de o Gareja ma wange adonoka ho ngomi mimatoomuino de mia gogianongoru genangoka la mianiiki nanga Baluhu ai hiketero. De yofutukuoka de o Paulusu wohingahu-ngahuohi o Abari ma Rorahai angamoi ma dawangeino de wosobo, ho ai demo hatoli ma gurutu abe wotemo-temo, de ko womatogumua ka hiadono o futu gorona.

Hidingoto 20:8

De ma futu gea ngomi mimatoomuino o tau ma lape hangeoka, de naga o posi ma ngoe abe ihitararono ma kamarika.