Hidingoto 20:6 - Ma Jou ai Demo-demo o Totobelohoka

⁶ De abe o Totilakuru de o Roti abe ko Iwa ma Ragi ma rame-rame ipahaino de ahao ngomi mifarene o kapa o Filiipi ma kota ma dowongioka ho o Makedonia ma tonaka mianoaika. De mia dodagi o kapaka mia futu motoaino de ahao mimahiadono o Toroasa ma kapongika, de genangoka mia futu tumidi.

Hidingoto 20:6 ပူးပေါင်းရင်းမြစ်များ

Huhupu 23:15

Abe ma dihira tinihidoakokau nginika nia rame-rame ma romanga o Roti ko Iwa ma Ragi ma rame-rame de gea kiani nihirame-rame o wange tumidino ma dekana. De gea nidiai o mede ma romanga o Abibi abe duru adaene de ma wange nikokihupu o Mesiiri ma tonakoka de niaino. De ngini mata-mataika kiani naga nia huhuba abe nimahihuba Ngohino nia rame-rameoka gea.”

Huhupu 34:18

“De naga ahi hingahu nginika abe iniduhunu la nihiniiki itiai. Ngini kiani o tao-taongiye nihirame-rame o Roti ko Iwa ma Ragi ma rame-rame o wange tumidino ma dekana imaketero hoka tinihibehehongokau. De gea kiani nihirame-rame o taongo ma mede ihira abe ma romanga o Abibi ma mede de ma tanggala yakorona abe Ngohi tinihingahuokau la duru nimahihohininga o wange gea abe Ngohi o Mesiiri ma tonakino tinihikokihupu.”

Hidingoto 12:3

De wihohonenge ipahaino de o Yahudi ma nyawa manga hohidimono duru yososanangi. Ho mangale ma titi ma koano woigo la utuohi wahisosanangi onangika ho o Peturusoli witaokino de iwibuika. De gea witaoko ma oraha manga rame-rame ma goronaka abe ihiromanga ato o Roti abe ko Iwa ma Ragi ma rame-rame. De manga rame-rame gea imakiniiki de o Totilakuru ma rame-rameoka.

Hidingoto 16:10

De mangale ma titi ma himatoko gea ho ngomi naa imiruata mimaputuhoka miato kiani mimataiti misobo la mia hidumutu o Makedonia ma tonakika, angamoi duru miamao abe Ma Jou Una ma hirete womiahoko la ai Abari ma Rorahai miahingahu-ngahu genangoka.

Hidingoto 16:12

De ahao ngomi migila-gila o Filiipi ma kotaika, abe ma kota gea nako hohidotelega de o kota utuika o Makedonia ma tonakoka gea masara ka enangohi hatoli ikurutiye. De genangoka o Roma ma nyawa yahipareta ma kokawaahaika. Ho ngomi mimanoa ma kotaka gea mia futu muruono naga dika.

Hidingoto 16:8

Ho genangoka de yogila-gila yowohama o Misia ma tonakika de gea ma tonaka yatilakuru ka hiadono o Toroasa ma kotaika yomahiadonika.

Hidingoto 20:16

De ma dihiraino de o Paulusu womaputuhoka wato ai dodagioka naa de ko wotulua o Efesusu ma kotaka done iwitedekanaholi o Asia ma tonakoka gea. Angamoi una ai hiningaka de woigo womataiti womahiadono o Yerusaleemika la ka idadi o Pentakosta ma rame-rame una wohirame-rame genangoka.

Hidingoto 20:5

De ona gea yohiraika yoiki o Toroasa ma kapongika la genangoka de imidamaa abe ngomi ahao miahidoduruika ma kapongika gea.

Hidingoto 21:4

Ho ngomioo miuti ma dudungiha de mialingiri mia gogianongoru o ngongakuoka. De ona miamakeoka de ahao mimahidodogumu onangoka mia minggu moi. De onangino naga abe yatobalufungu de Ma Jou o Womaha, de ona iwihitiari o Paulusika ato koaho ufa una wogila-gila o Yerusaleemika.

Hidingoto 21:8

de ahao ma dawangeino migila-gila miloiki o Kaisarea ma kotaika. De ma kotaka gea mimahidodogumu nanga gianongoru o Filipusu ai tauoka, abe una watobahingahu-ngahu o Abari ma Rorahai o nyawaika. De una ma dihiraino de iwigorakoka la wodadi o gareja ma duduhunu womatengo, ho una de ai dodiawo yabutaanga ona yatobaleleani o inomo o gareja ma nyawaika abe naga de manga pereluoka.

Hidingoto 28:14

De genangoka mimakamake de o nyawa yamuruono naga abe mia gogianongoru o ngongakuoka. De mia gogianongoru gea imiahoko la ka idadi mimahidodogumu onangoka mia futu tumidino. De mia futu tumidi ipahaino de ahao misoboli de mitagi-tagi abe mia dumutu o Roma ma kotaika.

Filiipi 1:1

Mia gogianongoru o Yesusu Kristusoka abe o Filiipi ma kapongoka nimanoa. Ngomi naa o Paulusu de o Timotiusu, to Yesusu Kristusu ai huhuloko. Abe o Kristusu, Una gea nanga Koano Ma Jou wonahibehehongoka. De naa mia hurata mihidingoto ngini mata-mataika abe Ma Jou winihidadioka to Una ai nyawa. De ngaro ngini abe o gareja ma hihira de nginioo abe nitobaduhu-duhunu o garejaka, ma, to ngomi mia horomati mihidingoto ngini mata-mataika.

1 Tesalonika 2:2

Barikua de miboa nginika de mia domoroini duru ilamoko la minidotoko, ngaro ahao gea de ngomi imihikangela ipahaino o Filiipioka. De gea marai niohiningaoo abe ma dihiraino hokokia o Filiipi ma nyawa utu imihikangela ngomino. Abe gea ngomi ko miboauahi nginika de o Filiipi ma kotakahi ona utu imihikangela de imingelo. De gea ipaha de ahao ngomi migila-gila de hiadono mimahiadono nginikali. De igoungu nginiokaoo naga utu nia dodiawo manga ngoe onangoo imilawana ngomino, masara Ma Jou womiduhunu de womihitomoroini la ka idadi miakunu imimoroini minihingahu nginika to Una ai Abari ma Rorahai.

2 Timotiusu 4:13

De naa moioli togahoko la ma oraha noboa ngohino de ahi baju ma gogurutuku naoino de ahi buku gea abe ihipali-palino. De gea ahi baju nengokadau tanoaika o Karpus ai tauoka abe una wogogere o Toroasa ma kotaka. Ho togahoko la ngona ahao noiki de nodulu ai tauoka de ahi baju ma gogurutuku gea nale de nao ngohino. De abe ahi buku genangoo kiani nao ngohino, masara gea abe duru toperelu, ma buku gea ihipali-palino abe o aewani ma kaiino yodiai.