Hidingoto 20:22 - Ma Jou ai Demo-demo o Totobelohoka

²² “De ngohi ma oraha naa ahi dumutu o Yerusaleeme ma kotaika mangale ma titi tamao ahi hiningaka abe Ma Jou o Womaha wohihira-hira genangika. De ngohi ko tohiorikua o kia ahao tohimanga genangoka,

Hidingoto 20:22 ပူးပေါင်းရင်းမြစ်များ

Lukasa 12:50

De ngaro Ngohi toigo la ma hikeregu imulaengoka, masara Ngohi tohioriki abe ma oraha gea imulaenge de nagali iboa to Ngohi ahi kangela ma amoko abe kiani Ngohi taohana. De gea duru toigo la imataiti iboaino ahi kangela la hatoli imataiti ipaha, angamoi ahi hininga duru ihuha abe ko ibootuahi ma kangela gea.”

Lukasa 9:51

De abe ma oraha ka itigi moduku abe o Yesusu wogoraka wolio daku o Horogaiye de Una ai hiningaka duru womaputuhoka abe kiani woiki o Yerusaleeme ma kotaiye. Ho Una de iwinii-niiki ona yosoboka abe manga dumutu o Yerusaleemika.

Yohanese 13:1

Ngade-ngade adonoka o Totilakuru ma rame-rame abe ma dawangeino de o Totilakuru ma inomo yolomo. De gea o Yesusu wohioriki ai gahe adonoka abe kiani o dunia wanoa la wolio ai Babaiye. De o nyawa o duniaka abe yodadioka to Una ai nyawa, ko iwa ma oraha la o Yesusu ko wadoraua. Masara naa de ahao wahimatoko to Una ai nyawaika abe ai dora ma gahumu onangika hiadono ngaro wohidohonenge masara duru ko itoakua ai dora gea.

Yohanese 18:4

Ho mangale o Yesusu wohiorikokau mata-mata abe ahao idadi Unangika ho Una woboaino onangika la wabuhuku de ahao waleha onangika wato, “Ho naa onagona ngini nialingiri?”

Hidingoto 17:16

De ma oraha gea o Paulusu naga o Atena ma kotaka de wadodamaa ai dodiawo abe iwihidoduruino o Berea ma kotaka de yaino. De abe ma oraha wadodamaa de una wotagi-tagi o Atena ma kota ma goronaka de womalega-lega abe manga popangaoika, angamoi ngaro o kiaika dika woiki masara naga manga pangao genangoka. De gea wamake ho duru ai hininga ihuha.

Hidingoto 19:21

De ipahaino de o Paulusu womaputuhu ai hiningaka la ahao una kiani o Efesusu ma kota wanoaika de woikohi o Makedonia de o Akaya ma tonakika de ahao wogila-gila wolio o Yerusaleeme ma kotaika. De abe ai gogianongoru o Yerusaleemoka watutumu ipahaino de ahao duru woigo woiki o Roma ma kotaika.

Hidingoto 20:16

De ma dihiraino de o Paulusu womaputuhoka wato ai dodagioka naa de ko wotulua o Efesusu ma kotaka done iwitedekanaholi o Asia ma tonakoka gea. Angamoi una ai hiningaka de woigo womataiti womahiadono o Yerusaleemika la ka idadi o Pentakosta ma rame-rame una wohirame-rame genangoka.

2 Korintusu 5:14

De to ngomi mia hiningaka naa de o Yesusu ai dora ka ihikaika imihigaro la mimaaduru hoka to Unangoli ai hininga. Ho ngaro o kia dika ngomi midiai mia wowangoka naa, masara gea mia datoro mata-mata ihititi o Yesusu Kristusu ai doraka de aino. De gea ngomi mihioriki abe Una wohonenge la ka idadi ngone mata-mata wonaturuuru. De mangale ma titi Una wonaturuuru ngone mata-mata, ho genangino de ka idadi hohioriki abe ngone mata-mata imaketero hoka hohonengoka abe ma titi nanga wowango ihira-hiraika. De gea idadi abe ma oraha Una wohonenge o gotaka.

Yakobusu 4:14

Masara ngini gea tanu ko nihiorikua nako nia hidee gea ahao idadi eko koua. De ngaro abe o kia ahao idadi itebini nia wowangoka ma genangoo ko nihiorikua! Angamoi to ngone nanga wowango naa, gea ka idadi tohiketero de o hauramo abe ena gea ka jai-jai dika hamake de ipahaino de ihailoka ho ka aiaho ko hamakeokauali.

2 Peturusu 1:14

Angamoi ngohi tohiorikoka abe ko itedekanokaua de ahi hijai-jai ma badanga naa kiani tanoaka, abe nanga Baluhu idodutu o Yesusu Kristusu wohihimatokoka gea ngohino la duru tohioriki abe itigioka tohonenge.