Hidingoto 20:20 - Ma Jou ai Demo-demo o Totobelohoka

²⁰ De ngaro hokogea idadi ngohino masara duru ko ma iwa abe o demo ma gou-goungu eko o higaro ma demo ma rorahai tatumungu. Hokogenangua, masara ngaro nia tau-tauoka de ngaro o nyawa manga ngoe manga hima-himangoka masara duru tinihiree-reeika de o demo ma gou-goungu dika.

Hidingoto 20:20 ပူးပေါင်းရင်းမြစ်များ

Maruku 4:34

De ai dodotoko ko moiua de ko wohiketeroua. Duru o hiketero dika wapake. Masara nako Una de iwitobanii-niiki dika naga, gea ahao wahitararono onangika abe o hiketero ma titi mata-mata.

Hidingoto 2:46

De o wange-wangeiye yomatoomuino Ma Jou ai Tau ma loaka la yomakutuono iwihigiriiri Ma Jouiye. De abe manga tau-tauoka ona ka ihikaika yomahohininga ma titi o Yesusu womahidoaka ai badanga. De nagali yomakutuono yolomo abe de manga hininga ma garago de manga hininga ma rorahaiino.

Hidingoto 20:27

Angamoi ngohi Ma Jou ai hingahu ko tomatumungua, masara duru tinihingahu to Una ai mau mata-mataika abe wonahingahuoka ngone o nyawaino.”

Hidingoto 20:31

Ho ngini kiani duru nimahidodiai! De ufa niawohanga ahi dodotoko de ahi hingahu ma demo tinihikodokuoka abe ahi taongo hangeino ma dekana ti ngini nia hidogoronaka! De gea ngohi o futu de o wange tinihigaro ngini homoi-homoiika la to Una ai totiai niatobanii-niiki, de ma ngoe idadi abe ahi koongo itifa ma titi ahi hininga duru itagi nginika!”

Hidingoto 5:2

De ona yahinooto yaregu ma tiwi la ma regu moi yagogono manga tauoka, de ma regu moioli gea o Ananiasa waoino de wahidoaka o hidingoto ma nyawaika. De ngoi fekata munangoo duru mohioriki abe ma tiwi gea ka ma hononga dika angamoi yomaketehiningamoi ma titi manga tiwi gea. Ho ma rokata waoino ma tiwi ma hononga de wahidoaka o hidingoto ma nyawaika de wato, “Naa mia tonaka ma ija ma tiwi mata-mata tinihidoaka nginika.”

Hidingoto 5:42

De o wange-wangeiye abe Ma Jou ai Tauoka de to ona manga tau-tauokaoo de ona ka yadoto-dotokohi o nyawaika. Abe ona ka yahingahu-ngahuohi o Abari ma Rorahai gea abe ona ato, “Nanga koano abe ma dihiraino Ma Jou wonahibehehongoka de abe ngini niwidodamaa, Una gea o Yesusu!”

1 Korintusu 12:7

De Ma Jou o Womaha womahimatoko to Una ai kuaha ngone homoi-homoiino nanga wowangoka. Abe naga to Una ai hiakunu wonahidoaka ngone homoi-homoiino la ma hiakunu gea idadi ngone mata-mata nanga utumu.

1 Korintusu 14:6

De ahi gogianongoru, abeika naa tinileha. Nako ngohi toboa nginino de tapake ahi hiakunu Ma Jou o Womahoka de aino la totemo-temo de o demo moioli gea abe o nyawa ko yataokua ma titi, gea done sarakia ma utumu niamake ngohino? Masara nako toboa de tinidotoko nginika, gea de ahao ma utumu ka niamake ngohino. Abe bote naga o hingahu ma demo moi Ma Jouoka de aino abe ngohi ihilufungu de to Una ai kuaha la wohihimatoko de gea tinidotoko, eko o tobahioriki moi tinihikodoku nginika, eko iti o dodotoko abe inihiputurungu ti ngini nia ngongaku. Gea de ahao ngone mata-mata haborimake ma utumu ahi hiakunino, de gea ka ngohiua dika tamake.

1 Korintusu 15:3

Angamoi nengokadau ngohi tinihikodokuoka nginika ma dodotoko abe ma titi o Yesusu Kristusu. De abe nako ma dodotoko eko ma hingahu mata-mataika, ma ka enangohi ikurutiye. De ma dodotoko gea ma dihira ngohioo tamake imaketero hoka nginioli niamake. De hokonaa ma dodotoko gea, itemo ato, “O Kristusu Una wohonenge ma titi to ngone nanga howono, de ai hohonenge gea idadi imaketero hoka ma dihira Ma Jou ai Demo-demoka ihitulihukuoka.

Higalioli 4:5

De abeika ngohi naa tinidofangoka de tinidotokoka to Una ai huhuloko de ai hiaturu mata-mata la ngini ahao ka idadi nianiiki itiai ma oraha niwohama ma tonakika gea.

Filiipi 3:1

Ho naa, ahi gogianongoru o Yesusoka, ko tohibobahauahi ahi hurata naa de tinihigaro tato, ngaro ngini ka nigaragoka ma titi nanga Baluhu idodutuoka! De naa ahi hitiari nginika naa marai tohigali-galioli, masara gea irahai, abe ko itubuhoua ngohino tinihingahuoli, angamoi ahi hitiari nginika naa idadi nia duduhunu.

Kolose 1:28

De mia demo abe ngomi miahingahu-ngahu o nyawa mata-mataika, gea duru miahingahu onangika ma titi o Kristusu. De ma oraha miahingahu-ngahu ma titi Una de mia sosawaro ma gahumu miapake, la ngaro miahitiari o nyawaika eko ngaro miadotoko onangika, masara gea mia demo duru itaana mata-mata. Angamoi ngomi miato miaduhunu o nyawa mata-mata hiadono yokokibaluhoka o Yesusu Kristusoka.

2 Timotiusu 4:2

Ngona kiani ka ihikaika Ma Jou ai Abari nahingahu-ngahu o nyawaika, done nako nomahoa-hoana nomahidiai de hiadono naga ma oraha abe ngona ko nomahidiaiuahi de done ko nakunua ai abari gea nahingahu onangika. Abe ngaro o nyawa yosanangi dika yotoihene ani demoino eko ngaro ona ko yamagaweua, ma kiani nahingahu dika onangika. De gea kiani o nyawa manga howono nahitobadaere onangika de duru nahitiari done ahao yogila-gila dika yorehene manga howonika gea. De ngona kiani o nyawa mata-mataika nahigaro onangika gea la ona yaniiki ma totiai de ufa yomahipidili genangino. De ngaro hokokia naduhunu o nyawaika ma titi ani demo-demoino, ma gea kiani nohidodiai nadotoko de ani hininga nabole-bole onangika.