Hidingoto 2:7 - Ma Jou ai Demo-demo o Totobelohoka

⁷ De ona duru yokokiherangoka ho hiadono yomakokeleha ato, “Naa done sarakia? Angamoi abeika, ona gea mata-mata o Galilea ma nyawa,

Hidingoto 2:7 ပူးပေါင်းရင်းမြစ်များ

Matiusu 21:11

De o Yerusaleeme ma nyawa utuoli abe iwibuhuku de iwihigilolitino o Yesusu ona yopaluhu ato, “Naa Una o Yesusu, Ma Jou ai uru ma dodofanga abe o Nasaretino woboa abe gea o Galilea ma tonakoka.” Hokogea to ona manga hininga ma sanangi ma demo ma oraha iwidafongo o Yesusu.

Matiusu 26:73

De gea ko itedekanuahi o nyawa utuoli abe yomatoomuinoka genangoka ona yoboa unangino de iwitemo ato, “Ho maraioka ngonaoo to ona manga dodiawo, angamoi igoungu ngonaoo o Galilea ma nyawa! De gea ka idadi minihioriki ngona o Galileaka ma nyawa ma titi ani demo ma ilingi!”

Matiusu 8:10

Ka de o Yesusu woihenino ma tentara manga haeke ai demo gea de Una duru woheranga ma titi ma haeke gea ai ngongaku. De o Yesusu wotemo onangika abe iwinii-niiki wato, “Naa tagou-goungu tinihingahu abe nako to una naa ai ngongaku de o Isiraele ma nyawa manga ngongaku masara ka to unangohi iputurungu ai ngongaku. De abe naa ahi dekanino o Isiraele ma tonakoka ma ko tamakeuahi abe o nyawa manga ngongaku iputurungu abe imaketero hoka o homoaino ma nyawa naa to una ai ngongaku!

Maruku 1:27

Ho ona yomatoo-toomuino genangoka duru yokokiheranga ho yomakokeleha ato, “Ka o kia naa? Naa o dodotoko ma hungi igoungu, abe naga de ma kuahaka! Abeika Una de ai kuaha hiadono o toka-tokata ma dorouika wohuloko de iwihingounu.”

Maruku 2:12

De una wolugu-lugu ka dau de womahiburahiye, de ai nanao wagoraka de wohupu manga himangoka de waika. De o nyawa manga ngoe genangoka duru yokokiheranga hiadono Ma Jou iwihigiriiri. De yomakoketemo ato, “Ko ma moiuahi ma datoro abe hokonaa ngone hamake!”

Yohanese 7:52

Masara ona iwipaluhu ato, “Ngaro ngona ma hirete duru nolingiri Ma Jou ai Demo-demoka, masara ahao ko namakeua ai Bukuoka ma titi ai uru ma dodofanga abe una woboaino o Galilea ma tonakino.” Hokogea o Yahudi ma nyawa manga hohidimono yomaketeribuutu.

Hidingoto 1:11

De ona yahinooto yotemo ato, “Ngini o Galilea ma nyawa naa, adodoa ho ngini ka nimaokoino dika niolega-lega dakuiye? Angamoi o Yesusu Una iwigorakoka nginioka de waiye daku o Horogaiye. De ahao abe ma oraha ai gahe adonoka de Una ahao wolioli abe ai dodagi imaketero dika hoka kanganoino niwimake Una wogoraka dakuiye.”

Hidingoto 2:12

De ona duru yokokiheranga hiadono manga hiningaka ko yomamakeokaua. De yomakokeleha ato, “Ho naa done ma titi o kia?”

Hidingoto 2:8

masara ngone naa homoi-homoi hoihene abe manga uruino ihupu to ngone nanga bahasa ma demo abe biaha hatobapake nanga demo homoi-homoi nanga tona-tonakoka!

Hidingoto 3:10

De gea ahao duru yatodokana angamoi iwihioriki abe una gea ma dihirainohi woluguku de womagaho-gahoko o tiwi doka ma ngorana ma hohailoaka, angamoi ona ma ngoe iwimake wogogere genangoka! Ho ona mata-mata duru yokokiheranga ma titi una gea.