Hidingoto 2:45 - Ma Jou ai Demo-demo o Totobelohoka45 De manga kiahonanga yofukunu la ma tiwi abe yamake genangino ahao yahikodoku onangika abe naga de manga kurangoka. အခန်းကိုကြည့်ပါ။ |
Hidingoto 2:45
20 ပူးပေါင်းရင်းမြစ်များ
De o Yesusu wipaluhu unangika wato, “Nako ngona noigo la duru ani hininga itotiaioka Ma Jou ai himangoka, gea kiani noiki nolio ani tauika, naika de ani kiahonanga nakokifukunoka mata-mata de naga ani tiwi ahao nahikokidoakoka o nyawa yohu-huhaika. De gea nahikokidoakoka onangika la gea ahao ngona nokaya o Horogaka. Ho ani kiahonanga mata-mata nakokifukunoka de ahao nolioli Ngohino la nohiniiki Ngohi.”
Masara naa ngohi tinihigaro tato irahai ngini niapake o dunia ma kiahonanga de o tiwi la genangino de niahiutumu onangika abe ko iwingakuahi Ma Jouika la ahao marai ona ka idadi iwingaku Unangika. De ahao ma oraha dokengika abe ko niapakeokaua o tiwi de ma nyawa abe niaduhunoka Ma Jouika ka idadi inidafongo irahai ma oraha nimahiadono daku o Horogaiye de nimakamakeoli!”
De o Yesusu witemo unangika wato, “Bowahu moiokahi kiani nodogo la ani hingounu hatoli ingodumu. Kiani noiki nolio ani tauika, naika de ani kiahonanga nakokifukunoka mata-mata de naga ani tiwi ahao nahidoaka abe o nyawa yohu-huhaika. Gea nahidoaka onangika la ngona ahao nokaya o Horogaka. Ho ani kiahonanga nakokifukunoka de ahao nolioli Ngohino de ka idadi nohiniiki Ngohi.”
De ipahaino abe o Sakeusu ai tau ma goronaka de una womaokoino de wotemo nanga Baluhu idodutuika wato, “Ahi Baluhu, togahoko la notoihene ahi demoino naa. Angamoi ngohi ahao ahi kiahonanga mata-mata taregu hinooto, de gea ma regu moi ahao tahidoaka o hu-huha ma nyawaika. De onagona dika abe ma dihirainohi de tarusi-rusioka ma titi manga pajaka ma tiwi, gea ahao taturuuru ma iata onangika. Abe nako o tiwi ma se-senge amomoiika tarusioka, gea ahao ma se-senge o gahumu iata tahigilio onangika!”
De gea ahao idadi nginioka abe imaketero hoka ma dihiraino ihitulihukuoka Ma Jou ai Demo-demoka. Abe itemo ato, “O nyawa abe iwinii-niiki Ma Jouika, ona gea manga hidailakoino de yahikodoku o huha ma nyawaika, de to ona manga datoro ma rorahai gea duru ko ihihangua de ko awohangua ka hiado-adonika.” Hokogea itemo Ma Jou ai Demo-demoka, de hokogenangoo Una wodiai ti ngini nia wowangoka, abe Una ka idadi winihidailako nginika la nginioli ka niakunu niaduhunu utuika.
Masara nako ma titi o kiahonanga dika de ngone ko homakuduhunua ngone de nanga gogianongoru abe naga de manga kurangoka, gea done sarakia Ma Jou ai dora imanoa ngoneoka? Abe nako to ngone nanga wowango ma perelu abe inawedonoka de hamake to nanga gianongoru womatengo abe naga ai kuranga masara nanga hiningaka ihitatokoka ho ko hiduhunua ma titi ai perelu, gea inahitaanoka abe to Una ai dora ko itagiua to ngone nanga hiningaka.
ကြော်ငြာတွေ