Hidingoto 2:44 - Ma Jou ai Demo-demo o Totobelohoka44 De abe ona iwingaku-ngakuoka, ona ka ihikaika yomatoo-toomuino de yomahikokodoku manga kiahonanga de manga inomo abe manga gogianongoru mata-mataika. အခန်းကိုကြည့်ပါ။ |
Hidingoto 2:44
9 ပူးပေါင်းရင်းမြစ်များ
De ona yahinooto yaregu ma tiwi la ma regu moi yagogono manga tauoka, de ma regu moioli gea o Ananiasa waoino de wahidoaka o hidingoto ma nyawaika. De ngoi fekata munangoo duru mohioriki abe ma tiwi gea ka ma hononga dika angamoi yomaketehiningamoi ma titi manga tiwi gea. Ho ma rokata waoino ma tiwi ma hononga de wahidoaka o hidingoto ma nyawaika de wato, “Naa mia tonaka ma ija ma tiwi mata-mata tinihidoaka nginika.”
De ani tonaka ko nofukunuahi de gea duru to ngona dika ani kuahaka la nofukunu eko ko nofukunua, angamoi ko iwa abe iniribuutu. De ngaro abe nofukunoka masara gea ani tiwi ka idadi nohipake abe hokokia dika ani hininga adaene. Ho done adodoa ho ani datoro ma dorou naa nodiaioka? Angamoi ko ngominoua dika nomieluku masara tanu Ma Jouikaoo nielukoka.”
De abe ma titi o hidoaka o nyawaika, de gea ka idadi homahihohininga ma titi nanga Baluhu idodutu o Yesusu Kristusu. Abe ngini nihiorikoka abe to Una ai hininga ma owa ngone o nyawaino. Abe Una gea ma dodihiraino o Horogaka de duru ko iwa ai kuranga o kia dika, masara mangale ma titi ngini hiadono gea mata-mata wanoaika de wodadi o huha ma nyawa. De womahigunoa wodadi wohuha la ai huhaino gea de ngini ka idadi nikaya abe ma titi niamake ma utumu ma rorahai abe naga Unangoka. Ho irahai nako ngone homaaduru abe hoka to Unangoli ai hininga, abe ma titi ngoneoo homahidoaka la o nyawa utu yamake ma utumu.
ကြော်ငြာတွေ