Hidingoto 2:19 - Ma Jou ai Demo-demo o Totobelohoka

¹⁹ De ma oraha gea ahao todiai la o heheranga ma dodunguu idadi abe daku ma dihangoka de nagali dau ma duniaka ahi kuaha ma dodunguu. Abe nako o duniaka gea ahao o nyawa yamake ma awunu, de ma uku, de o uku ma nofo duru ma amoko ihao-haotiye.

Hidingoto 2:19 ပူးပေါင်းရင်းမြစ်များ

Yohanese 4:48

De o Yesusu wopaluhu wato, “Masara ngini nako o heheranga de o dodunguu ko niamakeua gea ko nihingakuau.”

Hidingoto 2:18

De ma oraha gea ahao to Ngohi ahi Womaha tahikokodoku ona mata-mataika abe ihitobaleleani Ngohino, ngaro o nau-nauru eko o ngo-ngofeka, la ona ka idadi adofanga to Ngohi ahi hingahu ma demo nginika.

Hidingoto 2:20

De daku ma dihangoka de o wange ahao idadi ifufutuoka, de o mede ahao yamake ma doka-dokara abe imaketero hoka o awunu. De gea ipahaino de ahao nanga Baluhu idodutu ai gahe adonoka abe ma wange gea duru ka enangohi de ma titioka. Angamoi ma wange gea de ahao Una watailako o nyawa mata-mataika ma titi manga datoro.

Hidingoto 2:22

De o Peturusu ka wotemohi onangika wato, “Ngini o Isiraele ma nyawa kiani nitotoihene ahi demoino! Naa ma duru o Yesusu, abe o Nasaretoka ma nyawa gea, Una wowango ti ngini nia hidogoronaka. De ma oraha gea de Ma Jou winihitaana nginika abe ma titi o Yesusu Una duru wagoungu nanga Mesia, Ma Jou ai Ngofaka abe wodiai o heheranga ma dodunguu ma ngoe Unangino. De gea wodiai duru ti ngini nia hidogoronaka la ka idadi niamake to Yesusu ai kuaha de ai buturungu duru kohaamoko.