Hidingoto 2:13 - Ma Jou ai Demo-demo o Totobelohoka

¹³ Masara naga utu manga hidogoronaka yamia-mia abe ona iwingaku-ngakuika ato, “Ona gea bote yadalukoka, de genangino ma titi hiadono manga demo o fara moi!”

Hidingoto 2:13 ပူးပေါင်းရင်းမြစ်များ

Yesaya 25:6

De dokengika abe ma oraha adonoka de o Siono ma lokuoka naa de Ma Jou o Yawe Wokokurutiye ahao wahidiai o ngolo-ngolomo ma amoko duru ma rorahai. Abe ai ngolo-ngolomoka gea de wahiolomo o dunia ma nyawa mata-mataika de ma roehe de ma hakioka de ma ngokere gea o angguru ma gohaka ma teongo duru ma rahai. Ho ma inomo de ma ngokere gea ngaro mata-mataika masara duru ka enangohi ma jame de ma rorahai.

Hidingoto 2:15

Abe ngini utu nimihidutugaino niato ngomi naa imidalukoka. Masara naa duru tagoungu tinihingahu abe ngomi ko imidalukua. Abeika naa naga o ngorumino abe o takoro hiwo, de duru ko ma iwa abe ka o ngoruminohi de o nyawa yadalukoka!

1 Korintusu 14:23

Ho, abeika, nako o Gareja ma wangeoka de ngini mata-mata nimatoomuinoka de nikokitemo-temo ka ma moi de masara nia demo imaketemomomoi abe nia demo moioli gea, done sarakia? Abe nako naga yamuruono naga yoboa yogareja masara ona ko abiahauahi de o gareja gea, eko naga utuoli o gareja ma nyawa masara ko iwa manga tobahioriki ma titi ma hiakunu gea Ma Jouoka de aino, de ona yowohamino ma garejaino, ona gea ka de yoihene nia demo mata-mata abe imaketemomomoi gea de bote yotemo ato, “Adoo, o nyawa nenangoka mata-mata de duru marai yakokitogohangoka!” Marai hokogea manga demo. De gea itaana abe ma hiakunu gea ho koaho ngaro ufa de hapake nanga doomu ma goronaka.

Efesusu 5:18

De ufa ngini inidaluku, angamoi ma daluku gea ka idadi nia wowangoka ka ihikapusaka. Masara koaho nimahigunoa la ka ihikaika Ma Jou o Womaha winihilufungu ai kuahaka de winihihira-hira ngini homoi-homoi nia boriwowangoka.

1 Samuele 1:14

Ho una womitaere wato, “Ngona hokokia nomahimatoko ma dekanino ani howono o dalukino? Kiani ngona ani angguru ma gohaka naolukoka!” Hokogea womitaere o ngo Hanaika.