Hidingoto 19:6 - Ma Jou ai Demo-demo o Totobelohoka

⁶ De yomaohiki ipahaino de ahao o Paulusu wafokumu onangika de gea Ma Jou o Womaha woboaino de walufungu ona homoi-homoiika. De ahao ka itodokanino ona gea yotemo-temo de o demo utuinoli abe ma dihirainohi de ko ihiorikuahi, de nagali abe ka idadi yahikodoku Ma Jou ai hingahu ma demo o nyawaika. De ma hiakunino gea de Ma Jou wahitaana abe ona yagou-goungu yamakeoka Ma Jou o Womaha onangika.

Hidingoto 19:6 ပူးပေါင်းရင်းမြစ်များ

Maruku 16:17

Abe ona ihingaku-ngaku, ona gea ahao o dodunguu irupa-rupa tahidoaka onangika. Abe ona yakunu ihitito-titoko o tokata ma dorou o nyawaino abe ma titi ahi romanga yafetongo. De nagali abe ona ihingaku-ngaku de yakunu yotemo-temo o nyawa manga demo, abe ko to onangua manga demo.

Hidingoto 19:7

De ona gea o nau-nauru abe ngade-ngade yangimoi de yahinooto manga ngoe.

Hidingoto 2:4

De duru ma oraha gea dika de ona mata-mataika yakokilufungoka de Ma Jou o Womaha, ho ona yotemo-temo de o demo utuoli abe hokokia dika Ma Jou o Womaha wahiakunu ona homoi-homoiika.

Hidingoto 6:6

De o nauru yatumidi naa yaoino o hidingoto ma nyawa manga himangoka. De ahao ona yaniata abe yafokumu de yagahoko ma owa Ma Jouino ma titi ona yatumidika la ka idadi manga tagongo gea yakunu yao irahai.

Hidingoto 9:17

De witemo ipaha de ahao o Ananiasa woikoka witutumu o Saulusika. De womahiadono ma tauika de wifokumu de ai giama de wotemo wato, “Ahi gianongoru o Saulusu, nanga Baluhu idodutu o Yesusu, abe nengokadauino womahimatoko ngonaika o ngekomoka, Una gea abe wohihidingoto ngohi ngonaino la wato tonihitogumu ma titi ani lako la ka idadi nomahiorikoli. De wohihidingoto la ka idadi ngona inilufungu de Ma Jou o Womaha.”

1 Timotiusu 5:22

Ufa nomataitiholi nairiki de nafokumu o nyawa la yodadi o gareja ma hihira, ma koaho nohidodiai done o nyawa nairiki nahowono. Angamoi nako ona gea ka yahowonohi Ma Jouika de masara ngona nafokumu, gea imaketero hoka ngona nahigaro o howonika. De nako o howonika nahigaro, gea ngonaoo nahowono Ma Jouika. Masara ngona koaho nomaagoana la ani wowangoka ka ma hohailoa dika.

2 Timotiusu 1:6

De mangale ma titi ani ngongaku gea ho hiadono naa tonihigaro de tonihihohininga ma titi ani hiakunu. Abe ani hiakunu gea nengokadau ngona namakeoka Ma Jouoka de aino abe ma oraha gea ngohi tonifokumu. Ngohi tato irahai ani hiakunu de ani tagongo gea nafae hiadono to ena ma buturungu ngonaika idadiokali idogo abe hoka ma dihirali ani hiakunu gea duru kohagiria ngonaika.