Hidingoto 17:8 - Ma Jou ai Demo-demo o Totobelohoka

⁸ De o kotaka gea de ngaro o kokawaaha de ngaro manga hohidimono masara ona mata-mata duru yopusingi, de utu hiadono yongamo, abe ma oraha yoihene manga dadae ma demo gea.

Hidingoto 17:8 ပူးပေါင်းရင်းမြစ်များ

Matiusu 2:3

De ahao naga o nyawa iwihingahu manga koano o Herodesika ato, “Naga o nyawa yoboaino nanga kotaino naa abe ona yosoo-sosawaro o murumu ma dodagi ma titi. De ona yato bari naga o ngofaka womaboaka ngoneoka naa abe yamake ma dodunguu o murumoka gea la ka idadi ihioriki abe una gea ahao wodadi nanga koano. De o ngofaka gea iwilingiri la ka idadi yomahuba Unangika.” Ka de o Herodese woihene manga hingahu gea de duru iwitodokana ho wato done ko wahikoanokaua genangoka. De ai kokawaaha o Yerusaleemoka onangoo manga hininga ihuha.

Lukasa 12:11

“De ahao nako ma oraha idadi abe initaoko de iniurusu ma titi Ngohi nihitobaniiki, gea ufa nihawana. Abe ngaro iniurusu nanga dodotoko ma tau-tauoka eko o popareta ma nyawa manga hima-himangoka, ma ufa nihawana abe ma titi o kia ahao nitemo onangika la nimademo.

Hidingoto 17:7

De o Yasono naa una wahokino ona yahinooto la yomanoa to una ai tauoka! Ho ona mata-mata manga doomuino de yatotilakuroka nanga koano o Romaka ai pareta, angamoi ona ka ihikaika yomahuba-huba womatengoikali abe iwihiromanga manga koano o Yesusu.”

Hidingoto 17:9

De ipahaino abe o Yasono wofangu ma hohowono ma bobangu gea de ahao ma kota ma hohidimono yahihupuika o Yasono de ai gogianongoru la ka idadi yolio dika manga tau-tauika.