Hidingoto 17:24 - Ma Jou ai Demo-demo o Totobelohoka24 “De Una gea Ma Jou abe wotobatulaada o dunia naa de ma dola mata-mata. De Una nanga Baluhu idodutu abe wohipareta mata-mataika abe o dihangoka de o duniauku naa. De mangale Una wohipareta mata-mataika ho Una ngaro ufa dika de wogogere o tauoka abe ngone o nyawa hodiai de nanga giama. အခန်းကိုကြည့်ပါ။ |
Hidingoto 17:24
36 ပူးပေါင်းရင်းမြစ်များ
Masara done onagona yakunu yodiai o tau abe to ena ma rorahai yadonika abe hoka to Unangoli ai rahai? Ngaro o Horoga abe ka enangohi ikokurutiye ma ko idadiua Ma Jou iwihidokurunga angamoi ko iwiwedonua. Ho ngohi naa onaguna hiadono totomoroini tato ka idadi tohigoko ai Tau? Duga-duga idadi ma ngi dika abe genangoka ka idadi o nyawa yahihuba o huhuba iharo-harongo Unangika.”
De naa abeika homafikirohi hokokia ma amoko Ma Jou o Yawe ai kuaha, de abe ka Unangohi duru wokokurutiye! Ho tinileha, done onagonali ka idadi yaso o gahi mata-mataika ai giama ma hoatoka? Koua, ka Una dika wakunu waso! De done onagonali de manga giama ka akunu yatuga ma dihanga ma ngoata? De sarakia, naga utu abe ka idadi ma dunia yakilo la ihioriki ma dubuho, eko ka idadi o kikilo yapake la ihioriki o loku-loku mata-mata ma dubuho? Koua, ka Una dika wakunu!
Done ngini ko nihiorikuahi de ko niihenuahi abe Ma Jou o Yawe Una nanga Jou abe ko iwa ai baha ho ka hiado-adonika Una nagahi. Una gea abe wotulaada o dunia de ma dola mata-mataika! Ho Una duru ko idadiua iwibole-bole de ko iwikiookua. De ai sosawaro ko iwa ma batingi ho ngone o nyawa ko hadonikaua.
De hokonaa Ma Jou o Yawe ai demo, abe Una ma dihanga wotulaada de wahitauru la wakelenga ma ngioka. De Unangoo abe o dunia naa de ma dola mata-mataika wotulaada. Una gea abe wonahidoaka nanga womaha ngone o nyawa mata-mataino la ka idadi howomaha, de abe mata-mataika naga de ma wowangoka, gea to ena ma wowango ihititi duru Unangoka!
De naa Ma Jou ai uru ma dodofanga o Maleaki ai hitiari ma demo ai gogianongoru o Isiraele ma nyawaika. Abe una wotemo wato, “Sarakia, ngone mata-mata nanga Baba ka moi eko koua / homaleko? De abe inatulaada ngone, gea naga manga ngoeika eko ka womatengo dika Ma Jou? Koua, duru ka womatengo dika Ma Jou! Ho nako Una ka womatengo dika nanga Baba, done sarakia de ngone hahitorou nanga gogianongoruika abe nanga datorino gea de hahitipokouku nanga behehongo Ma Jouino abe hamake nanga totoforaino?
De ipaha de o Yesusu womaniata ai Babaiye wato, “O Baba, o dunia naa de o Horogaoo to Ngona ani giamoka ho Ngona dika to ena ma Baluhu idodutu. De Ngohi totarimakase Ngonaika ma titi ma dodihirainohi de nohikaaturu la ngaro o nyawa abe manga sosawaro ikuranga ma ka idadi yataoko itiai o dodotoko ma gou-goungu ma titi Ngona. Masara abe ona yomahiromanga ato yososawaro de manga tobahioriki ilamoko, ona gea ikuranga yataoko ma gou-goungu angamoi Ngona nagogonoka la nato ufa ona yamake.
“Masara Ngohi tato koaho ufa ngini nimahibehehongo de o koboto. De igoungu utu yodotoko ato ka idadi niapake de o koboto ma demo iti ufa Ma Jou ai romanga niapake. Masara nako nihibehehongo de o koboto de nia koboto ma goronaka de nifetongo o Horoga, gea ka imakadaene dika abe nako nifetongo Ma Jou ai romanga angamoi o Horoga gea to Una ai kuahaka ma kadera ma ngi.”
De abe ma oraha gea de o Yesusu iwilufungoka de o garago abe Ma Jou o Womahoka de aino iboa. Ho Una witemo ai Babaika wato, “Ahi Baba Ngona o Horogaka ma Baluhu de o duniaka naa enangoo ma Baluhu idodutu. De naa duru totarimakase Ngonaika ma titi ma dodihirainohi de nohikaaturu la abe ani hingahu ma demo ma gou-goungu gea nagogono onangino abe yomagorakaholi la ufa ihioriki ani demo gea. Abe ngaro ona yomahiromanga ato yososawaroka masara Ngona nohikaaturu la ko idadiua yataoko. Masara ona gea abe yomahitipokouku imaketero hoka o ngofa-ngofakoli manga hininga ma dodipokouku, onangika gea ma gou-goungu ma demo gea nahimatokoka la ka idadi yataoko irahai. De tohioriki abe ma dodihiraino de nohideeoka la hokogea nodiai de abe ani hidee gea duru inihisanangi Ngonaika.”
Abe yotemo ato, “Mia gogianongoru, ngini naa adodoa ho niato nidiai hokonaa? Angamoi ngomi naa ka o nyawa biaha dika imaketero hoka nginioli! De ngomi miboaino nenangino la o Abari ma Rorahai minihingahu-ngahu nginika, la ngini nia popangao nianoaka. Angamoi ena gea mata-mata ka parahaja dika! Ho gea nianoa dika la nimangali Ma Jouika abe Una duru wotobawango! Abe Una gea wotobatulaada mata-mataika, abe ngaro daku ma dihangoka eko ma duniauku naa de ma gahi de gea mata-mata ma dola, masara ka Una dika wotobatulaada mata-mataika!
De nako ma oraha nenangoli abe hohiromanga ngone hato ma oraha ma bobaha de Ma Jou ka wonatemohi ngoneino. Masara nenangoli de ka wonatemokali ngoneino abe to Una ai Ngofakino wonatemo. De abe ma titi to Una ai Ngofaka gea, duru ma dodihiraka de o dunia naa de ma dihangoo Ma Jou o Baba wotulaada de to Unangoo ai Ngofakino, de gea Ma Jou o Baba waputuhoka wato gea mata-mataika ahao idadioka to ai Ngofaka ai kuahaka, ho ai Ngofaka gea wodadi to ena mata-mataika ma dutu.
ကြော်ငြာတွေ