De naga manga gogianongoru yamuruono naga abe yomakiniiki de iwigoa-goana o Paulusu ai dodagioka, ho ona yomakiniiki de de una ka hiadono o Atena ma kotaoko. De ona yomahiadonoko de ahao o Paulusu wahuloko onangika la ai demo yadofanga o Silasa de o Timotiusika, abe una wabehehongo onangika la yomataiti yoboa o Atena ma kotaino la genangoka ka idadi yomakamakeoli. Ho ai gogianongoru gea yosoboka de yolio o Berea manga kotaiha.
Hidingoto 17:22 - Ma Jou ai Demo-demo o Totobelohoka22-23 Ho ona yomahiadonoka manga dodoomu ma ngiika de o Paulusu womaokoino manga hima-himangoka de wotemo wato, “Ahi balu-baluhu o Atena ma nyawa, ngohi nengokadauinohi de naga o dodunguu ma ngoe tamake nia kotaka naa abe genangino de ka idadi tinihioriki ma titi nia hininga ma dumutu sarakia. De gea abe ma oraha totagi-tagi ani kota ma goronaino de tamake abe naga ma ngoe nia popangao ma ngi, ho genangino de ka idadi tinihioriki abe ngini duru nisanangi nimahuba-huba o jou-jouika. De ma moiuku de tamake nia pangao ma ngi moi abe naga ma dulihi o pangao dau ma timino. De gea ma demo ato, ‘Nenangoka homahuba-huba de homahijou o jouika abe ma romanga ko hohiorikuahi.’ Hokogea ihitulihika ho tohioriki abe ka ma dihirainohi de nimahijou enangika gea. De ngaro ma dihirainohi de ko niwihiorikuahi, masara ma oraha naa naga de duru toigo tinihingahu abe Una gea sarakia la ka idadi ngini niwihioriki Unangika.” အခန်းကိုကြည့်ပါ။ |
Hidingoto 17:22
8 ပူးပေါင်းရင်းမြစ်များ
De ma oraha gea o Paulusu naga o Atena ma kotaka de wadodamaa ai dodiawo abe iwihidoduruino o Berea ma kotaka de yaino. De abe ma oraha wadodamaa de una wotagi-tagi o Atena ma kota ma goronaka de womalega-lega abe manga popangaoika, angamoi ngaro o kiaika dika woiki masara naga manga pangao genangoka. De gea wamake ho duru ai hininga ihuha.
De ahao ona gea iwiao o Paulusu abe manga hohidimono ma doomuika la ahao manga hohidimono ona ka idadi yoihene ai hingahu ma demoika de yomaputuhu la nako yosanangi ai demoika eko koua. Abe ona gea iwitemo unangika ato, “Abeika nominiiki mia doomuika de nomihingahu ngomi mata-mataino abe ma titi ani dodotoko ma hungi naa.
De naga o nauru yamuruono naga onangino abe yomahidutuku o Paulusika de yodadi o gogianongoru o ngongakuoka. Abe manga hidimono manga doomuoka womatengo ai romanga o Dionisiusu wingaku, de naga ai dodiawo utuoli abe onangoo iwingaku. De nagali o ngofeka momatengo munangoo mingaku o Yesusika, abe muna ami romanga o ngo Damarisi.
De ipahaino de ka idadi manga kota ma hihira wahiriidi la watemo onangika. De una wotemo wato, “Ahi gogianongoru o Efesusu ma kokawaaha! O dunia ma nyawa mata-mata inahioriki abe ngone o Efesusu ma nyawa ngone hodadioka nanga jou o ngo Aratemisi ami tau ma gogoana. De ngaro to muna ami rupa abe ma dodihiraka de iotakuku o Horogaka de auku ngoneuku, masara enangoo ngone naa hotobagoa-goana nanga kotaka naa!
ကြော်ငြာတွေ