Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hidingoto 17:20 - Ma Jou ai Demo-demo o Totobelohoka

20 Angamoi ani dodotokino de naga ani demo abe imitodokana ho ngomi mioigo la ngona nohidodiai nomihitararono ani dodotoko gea ngomino.”

အခန်းကိုကြည့်ပါ။ ကော်ပီ




Hidingoto 17:20
15 ပူးပေါင်းရင်းမြစ်များ  

Ho gea o Yesusu ai behehongo onangika iwihingounu hiadono ai demo ka agogono dika manga hiningaka. Masara ona yaruange dika yomakokeleha ato, “Ka o kia ma titi gea wotemo, abe wato womomikoli ai honengino?”


Masara o nyawa manga ngoe abe manga biaha iwinii-niiki o Yesusu, ka de yoihene ai hitararono gea de yomakoketemo ato, “Ou! O dodotoko naa ma titi ka itubuhoholi! Onagona de yapoa yodafongo nako hokogea o dodotoko ma dubuho, done moioo de ko yapoaua yodafongo!”


De ona yaruange gea abe o Koroneliusu wahidingo-dingotoka ona yomahiadono ma kotaino de yoleha o nyawaika la ka idadi ihioriki o Simono ai tau gea o kiaka imanoa. De ipahaino yogila-gila de yomahiadono ma tauika ho ona yomaokoino ma loa ma ngoranoka. De ona yoaho-ahoko la ihioriki nako o Peturusu womadionikino o tau naa. De duru ma oraha gea de daku o tau ma lokuoka de o Peturusu ai hininga iwangoroka de una duru wolilifanga abe ko wohiorikuahi ma titi ma himatokino gea.


De ahao ona gea iwiao o Paulusu abe manga hohidimono ma doomuika la ahao manga hohidimono ona ka idadi yoihene ai hingahu ma demoika de yomaputuhu la nako yosanangi ai demoika eko koua. Abe ona gea iwitemo unangika ato, “Abeika nominiiki mia doomuika de nomihingahu ngomi mata-mataino abe ma titi ani dodotoko ma hungi naa.


De hokogea iwihigaro o Paulusika angamoi o Atena ma nyawa de ngaro ona abe o homoaino yoboa de yomadioniki o Atenoka masara ona mata-mata duru yoigo la yomatoo-toomuino de yomakoketemo abe ma titi o abari eko o dodotoko o kia dika naga abe yoihenino. De gea ngade-ngade o wange-wangeiye ka gea dika yotobadiai ho manga karajaanga utu ko iwa.


De ona duru yokokiheranga hiadono manga hiningaka ko yomamakeokaua. De yomakokeleha ato, “Ho naa done ma titi o kia?”


De gea kiani to Una ai buturungino dika tapake abe o nyawaika tahingahu-ngahu ai gota isosalioaino ma abari gea. Angamoi igoungu naga o nyawa utu abe ka ihikitingakohi Ma Jouino, de ona gea o Kristusu ai abari yafikiri ato ibodo de ko iwa ma utumu genangino. Masara ngoneoli abe hingaku-ngakuoka, ngone ko hafikirua hato ibodo, masara ngone hato ma abari gea de ma buturungoka, de ma buturungu gea Ma Jouoka de aino.


Masara ngone naa hokogenangua. Ngone hahingahu o nyawaika hato o Kristusu iwihidapakuika o gota isosalioaika. De o gota ma abari gea idadi o Yahudi ma nyawa yowoe-woeika manga dudumungu manga hiningaka hiadono ko yongakua o Abari ma Rorahaiika, abe ma titi manga hiningaka de ka yoluku yogila-gila. De onangoli ko o Yahudi ma nyawaua, ona gea nanga dodotoko ka yafikiri ato ibodo.


Masara onagona dika abe ko iwingakua Ma Jouika, ona gea ko yodafongua ma dodotoko gea Ma Jou o Womahino angamoi gea ena yafikiri ato ibodo. De hongoli ona gea ko idadiua yataoko ma titi genangino, angamoi Ma Jou o Womaha ko iwiwa onangoka.


De abe ma titi o Yesusu ai gogere abe Una gea wodadioka nanga Hidemo Ma Jouika, tanu nagahi o dodotoko ma ngoeohi abe tato tinidotoko genangino, masara ma oraha naa ko tadadiuahi angamoi ngohi tokangela abe tinidotoko hokokia, angamoi ngade-ngade ngini hoka initopongonoka.


De abe nia dodiawo gea abe ma dihiraino de nimakokutuono niahowo-howono de ona, ma oraha naa de ona duru iniheranga abe ngini ko nianiikokauali de ma datoro gea abe ona yahiraramaka de manga hafini ma dorou. Ho naa ona iningelo-ngelo nginika abe ma titi ngini ko nimakiniikokauali de ona.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ