Hidingoto 17:2 - Ma Jou ai Demo-demo o Totobelohoka

² De abe hoka o Paulusu ai biaha, una watobaniiki manga doomu o Hiaini ma wangeoka. De gea o Hiaini ma wange ma getongo waniiki abe o minggu hangeino. Abe ma doomu hange gea homoi-homoioka de una wahigaro de wahitararono onangika ma titi Ma Jou ai Demo-demoino.

Hidingoto 17:2 ပူးပေါင်းရင်းမြစ်များ

Matiusu 26:24

Angamoi igoungu Ngohi o Nyawa ma Ngofaka kiani tohonenge duru imaketero hoka Ma Jou ai Bukuoka ihitulihukuoka. Masara hiokoo una gea abe wohihidoaka ahi musuika, angamoi ahao ai hohowono ma kangela duru kohaamoko wamake. Koaho una gea ngaro ufa de womaboa.”

Lukasa 4:16

De ahao o Yesusu womahiadono to Una ai kapongo o Nasarete, abe Una wolamoko genangoka. De o Hiaini ma wangeoka Una woiki manga dodotoko ma tauika abe hoka ai biaha watobanii-niiki. De Una womaokoino manga himangoka la wobasa Ma Jou ai Demo-demoino.

Yohanese 18:20

De o Yesusu wipaluhu unangika wato, “Ngohi ka ihikaika totemo la o nyawa mata-mata abe yoigo yoihene ka idadi yoihene. De ngaro o kiaka dika o nyawa yomatoomuino la yomadotoko, ngaro Ma Jou ai Tauoka de ngaro o dodotoko ma tau-tauoka, ma genangokaoo ka ihikaika o Yahudi ma nyawa tadotoko. Ho ko ma moiuahi tomagogono o nyawa tadotoko.

Hidingoto 13:14

Masara nako o Baranabasa de o Paulusu ona ihigila-gila manga dodagi abe yoiki dinaiha o Antiokia ma kotaiha abe ma kota gea imanoa o Pisidia ma tonakoka. De ma moiuku o Hiaini ma wangeoka de ona yowohama o Yahudi ma nyawa manga dodotoko ma tauika la ma doomu yaniiki genangoka.

Hidingoto 13:5

De ma nuuhu gea yomahiadonoka de youti ma kapaka de yauku ma dudunguku o Salamisi ma kapongoka. De ma kapongoka gea de yoiki o Yahudi ma nyawa manga dodotoko ma tau-tauika de yadoto-dotoko o nyawaika Ma Jou ai Demo-demoino. De ma oraha gea naga o Yohanese Maruku abe watobanii-niiki ona yahinootoika.

Hidingoto 14:1

De o Ikoniumu ma kotaka de o Paulusu de o Baranabasa yomakiniiki yowohamika o Yahudi ma nyawa manga dodotoko ma tauika la yahikodoku Ma Jou ai Demo-demoino onangika. De ma oraha yahikodoku manga gogiriaka de Ma Jou ai kuaha duru ilamoko imanoa onangoka hiadono o nyawa ko manga ngoe genangoka iwingaku nanga Baluhika. Abe ngaro o Yahudi ma nyawa de ngaro ona ko o Yahudi ma nyawaua, masara naga ko manga ngoe onangino gea abe yongaku manga demoika.

Hidingoto 17:10

De mangale ma titi ma kangela gea abe yaohana o Tesalonika ma kotaka ho ma futu gea dika de ona yongaku-ngakuoka yahidingoto o Paulusu de o Silasa la manga kotaka yanoaika de yoiki o Berea ma kotaika. De ona yomahiadono o Bereaika de yoiki o Yahudi ma nyawa manga dodotoko ma tauika.

Hidingoto 17:17

De o Paulusu una ka ihikaika wowohama o Yahudi ma nyawa manga dodotoko ma tauika la yomakoketemo de wahigaro onangika ma titi o Abari ma Rorahai. Abe ngaro o Yahudi ma nyawa de ngaro ona ko o Yahudi ma nyawaua abe iwihoromati Ma Jouika, masara una duru wahigaro ona mata-mataika ma titi ai demoino la wato iwingaku o Yesusika. De o wange-wangeiye una woiki o kota ma gogoronaka abe genangoka o nyawa yomatoo-toomuino la onangikaoo wahikodoku o Abari ma Rorahai.

Hidingoto 18:4

De o Hiaini ma wange ma getongo de o Paulusu naga o Yahudi ma nyawa manga dodotoko ma tauoka angamoi una ka ihikaika wahigaro onangika la iwingaku o Yesusika. De ma doomuoka gea naga o Yahudi ma nyawa de onangoo ko o Yahudi ma nyawaua abe wahikokigaro onangika ma titi o Yesusu.

Hidingoto 19:8

De o Paulusu una ai mede hangeino de una ka ihikaika woiki o Yahudi ma nyawa manga dodotoko ma tauika la wahingahu de wahigaro onangika abe ma titi hokokia Ma Jou wahikoano ai nyawaika. De ma oraha gea una duru wahingahu de ai domoroini onangika la wato yongaku ai demoika.

Hidingoto 24:25

De una duru wahigaro onangika abe ma titi Ma Jou ai totiai ma ngekomo de abe hokokia ngone kiani homatongohono la ufa hahowono Unangika. De nagali wahitiari ma titi abe Ma Jou ahao woboali de wonahohowono ngone o nyawa mata-mataika. De abe ma oraha o Paulusu wahingahu-ngahu gea mata-mata onangika de ma gubernuuru o Felikisi una duru wohawanoka, ho una wotemo o Paulusika wato, “Naa ngona ka idadi nolio dika ani ngiika, de ahao muruonoka dika abe nako naga ahi oraha de ahao tonibehehongoli.”

Hidingoto 28:23

De o Paulusu wosanangi womahingahu ai hininga onangika ho wogelenga ma gahe la ahao ma wange adonoka de yomakamakeoli. De ma wange gea adonoka de o nyawa manga ngoe yoboaino o Paulusu ai tauino la yotoihene ai demoika. De una wahingahu onangika abe ma titi hokokia Ma Jou wahikoano ai nyawaika, de nagali wadotoko onangika ma titi o Yesusu abe Ma Jou ai Demo-demoino. De gea wohipake ma demo abe o Musa ai buku motoaino de abe Ma Jou ai uru ma dodofanga manga buku to enangoo ma demo wohipake la wadotoko ma titi o Yesusu. De ma wange gea abe womulaenge wadotoko gea ka o ngoruminohi, de wogila-gila wadotoko ka hiadono ihumuririhuku.

Hidingoto 8:35

De o Filipusu wihitararono Ma Jou ai Demo-demo ma hidoku gea unangika, de ipaha ma hidoku ma ngoeoli wagoraka la wihitararono abe wato o Abari ma Rorahai gea ihititi o Yesusoka.

Hidingoto 9:20

De gea womulaengoka wahingahu-ngahu o nyawaika ma titi o Yesusu, abe una wotobawohama manga dodotoko ma tau-tauoka de wotemo wato, “O Yesusu Una duru wagoungu Ma Jou ai Ngofaka!”

1 Korintusu 15:3

Angamoi nengokadau ngohi tinihikodokuoka nginika ma dodotoko abe ma titi o Yesusu Kristusu. De abe nako ma dodotoko eko ma hingahu mata-mataika, ma ka enangohi ikurutiye. De ma dodotoko gea ma dihira ngohioo tamake imaketero hoka nginioli niamake. De hokonaa ma dodotoko gea, itemo ato, “O Kristusu Una wohonenge ma titi to ngone nanga howono, de ai hohonenge gea idadi imaketero hoka ma dihira Ma Jou ai Demo-demoka ihitulihukuoka.

1 Samuele 12:7

Ho naa tomagahoko la ngini nikokiriidi ahi himangoka naa de ngohi tinihihohininga abe gea Ma Jou o Yawe wodiai de ai buturungu la wonaduhunoka ka hiadono o wange naa. Abe ngaro ma dihira to ngone nanga totofora waduhunu de ma oraha naangoli duru ma ngoeoka wonaduhunoka ngone naa.”