Hidingoto 17:19 - Ma Jou ai Demo-demo o Totobelohoka

¹⁹ De ahao ona gea iwiao o Paulusu abe manga hohidimono ma doomuika la ahao manga hohidimono ona ka idadi yoihene ai hingahu ma demoika de yomaputuhu la nako yosanangi ai demoika eko koua. Abe ona gea iwitemo unangika ato, “Abeika nominiiki mia doomuika de nomihingahu ngomi mata-mataino abe ma titi ani dodotoko ma hungi naa.

Hidingoto 17:19 ပူးပေါင်းရင်းမြစ်များ

Matiusu 10:18

De nagali ahao o gogubernuuru de o kokoano manga hima-himangoka nimaokoino angamoi o nyawa initae nginika abe ma titi ngini nihinii-niiki Ngohi. De genangoka ngini ka idadi nimahingahu onangika ma titi nia ngongaku Ngohino. De gea hiadono ona utu ko o Yahudi ma nyawaua abe naga genangoka, onangikaoo ka idadi nimahingahu ma titi Ngohi.

Maruku 1:27

Ho ona yomatoo-toomuino genangoka duru yokokiheranga ho yomakokeleha ato, “Ka o kia naa? Naa o dodotoko ma hungi igoungu, abe naga de ma kuahaka! Abeika Una de ai kuaha hiadono o toka-tokata ma dorouika wohuloko de iwihingounu.”

Yohanese 13:34

“De naga o pareta ma hungi tinihidoaka nginika, kiani nimakodora. Duru imaketero hoka Ngohi tinidora, hokogenangoo kiani ngini nimakodora.

Hidingoto 17:20

Angamoi ani dodotokino de naga ani demo abe imitodokana ho ngomi mioigo la ngona nohidodiai nomihitararono ani dodotoko gea ngomino.”

Hidingoto 17:22

Ho ona yomahiadonoka manga dodoomu ma ngiika de o Paulusu womaokoino manga hima-himangoka de wotemo wato, “Ahi balu-baluhu o Atena ma nyawa, ngohi nengokadauinohi de naga o dodunguu ma ngoe tamake nia kotaka naa abe genangino de ka idadi tinihioriki ma titi nia hininga ma dumutu sarakia. De gea abe ma oraha totagi-tagi ani kota ma goronaino de tamake abe naga ma ngoe nia popangao ma ngi, ho genangino de ka idadi tinihioriki abe ngini duru nisanangi nimahuba-huba o jou-jouika. De ma moiuku de tamake nia pangao ma ngi moi abe naga ma dulihi o pangao dau ma timino. De gea ma demo ato, ‘Nenangoka homahuba-huba de homahijou o jouika abe ma romanga ko hohiorikuahi.’ Hokogea ihitulihika ho tohioriki abe ka ma dihirainohi de nimahijou enangika gea. De ngaro ma dihirainohi de ko niwihiorikuahi, masara ma oraha naa naga de duru toigo tinihingahu abe Una gea sarakia la ka idadi ngini niwihioriki Unangika.”

Hidingoto 17:34

De naga o nauru yamuruono naga onangino abe yomahidutuku o Paulusika de yodadi o gogianongoru o ngongakuoka. Abe manga hidimono manga doomuoka womatengo ai romanga o Dionisiusu wingaku, de naga ai dodiawo utuoli abe onangoo iwingaku. De nagali o ngofeka momatengo munangoo mingaku o Yesusika, abe muna ami romanga o ngo Damarisi.

Hidingoto 23:19

De ma haeke gea wiso ma goduuru ai giamika de wiao ma datekika la ka yahinootoka dika de ahao wileha unangika wato, “O kia naga nato nohihingahu ngohino?”

Hidingoto 24:24

De o wange muruono ipahaino de ahao ma gubernuuru de ngoi fekata ona yoboa la ato yomakamake de o Paulusu. De ma gubernuuru ngoi fekata muna o Yahudi ma nyawa momatengo, de ami romanga o ngo Dusila. Ho ona yoboaino de iwiahoko o Paulusu, de una woboa manga himangoka. De ona yahinooto yotoihene to una ai demoika abe una wahingahu-ngahu onangika ma titi o ngongaku o Yesusu Kristusika.

Hidingoto 25:22

De o Agaripa wotemo ma gubernuurika wato, “Ngohi ma hirete tanu toigo toihene o Paulusu ai demoika.” De o Fetusu wopaluhu wato, “Gea ka idadi ngohi tohiaturu! Ho itebini ahao ngona ka idadi noihene ai demoino.”

Hidingoto 26:1

De ma koano o Agaripa witemo o Paulusika wato, “Naa tonihidoaka ma oraha la ngona ka idadi nomademo.” De o Paulusu wohidoakiye ai giama de womademo wato,