Hidingoto 17:13 - Ma Jou ai Demo-demo o Totobelohoka

¹³ Masara ipahaino de ma abari gea imahiadono o Tesalonika ma kotaika ho o Yahudi ma nyawa genangoka yoihene abe o Paulusu naga o Berea ma kotaka de una ka ihikaika wahikodoku Ma Jou ai Demo-demo onangika. De gea yoihenino ho abe yamuruono naga yoboa o Tesalonikaka de aino o Bereaino la ato yahigaro ma nyawa genangoka la iwihikangela o Paulusika.

Hidingoto 17:13 ပူးပေါင်းရင်းမြစ်များ

1 Kokoano 21:25

De nako o Ahaba ai wowango ma datoro ihikohowono de o nyawa utu, ka unangohi abe duru womafukunoka o howo-howonika abe duru ai datoro itorou Ma Jou o Yawe ai himangoka de angamoi ngoi fekata o ngo Isebele mihigaro o howonika.

Matiusu 23:13

De ahao o Yesusu ai hitiari ma demo wahidumutu onangika abe yodadi o Yahudi ma nyawa manga hohidimono. De Una wahitiari wato, “De ngini abe nitobadoto-dotoko o Musa ai Paretaino de nginioo abe o Farisi manga doomuino, ahao ti ngini nia hohowono duru kohadubuho niamake nginika! Angamoi ngini ka nimadokangelukino dika abe niato niwileleani Ma Jouika masara ko niagou-goungua niwileleani. De gea ma titi nia wowangoino de ngini niata-tatoko o nyawa abe tanu yoigo yodadi Ma Jou ai nyawa abe ahao wahikoano onangika. Ho ngini ma hirete nimatatoko la ufa nidadi to Una ai nyawa, de hongoli o nyawa utuika niata-tatoko genangino. Ho duru nia datoro gea itorou!”

Lukasa 12:51

“De ngini ufa niataoko ihowono ma titi ahi boa o duniauku naa. Abe ufa niataoko niato mangale ma titi Ngohi toboaino hiadono o nyawa mata-mata yomahikokadameoka o dunia ma amokika. Masara tanu ma titi Ngohi ahi boa la hiadono o nyawa yomaketeribuutu de hiadono yomakitingaka manga gogianongoruino de yomahikeregu.

Hidingoto 14:2

Masara nagali genangoka o Yahudi ma nyawa yamuruono naga abe duru yoluku Ma Jou ai Demo-demoika, ho ona gea yahitobahigaro onangika ko o Yahudi ma nyawaua la hiadono onangoo yadohata ona iwingaku-ngakuika.

Hidingoto 17:1

De o Filiipi ma kota yanoaika de ahao o Paulusu de ai dodiawo ona yotagi-tagi de yatilakuru o Amafipolisi ma kota de ahao o Apolonia ma kota de yogila-gila ka hiadono o Tesalonika ma kotaika yomahiadono. De ma kotaka gea naga o Yahudi ma nyawa manga dodotoko ma tau.

Hidingoto 17:10

De mangale ma titi ma kangela gea abe yaohana o Tesalonika ma kotaka ho ma futu gea dika de ona yongaku-ngakuoka yahidingoto o Paulusu de o Silasa la manga kotaka yanoaika de yoiki o Berea ma kotaika. De ona yomahiadono o Bereaika de yoiki o Yahudi ma nyawa manga dodotoko ma tauika.

Hidingoto 17:5

Masara o Yahudi ma nyawa manga hihira genangoka ona yataleana onangika, ho yatoomuino o nyawa ma dorou yamuruono naga o kota ma ngekomo ma date-datekino de yadotoko onangika la o huruhara yodiai ma kotaka. Ho o nyawa ma dorou gea onangoli yatoomuino de yahigaro o nyawa utuika hiadono ko manga ngoe yomakuduhunu yodiai o huruhara genangoka. De manga ngoe gea yangika o Yasono ai tauika angamoi ona ato bote o Paulusu de o Silasa naga ai tauoka gea, de yahideeoka la yataokino ona yahinooto de yaliara o nyawa manga ngoe manga hidogoronaka la yahikangela onangika.

Hidingoto 20:4

De naga o Paulusu ai dodiawo manga ngoe abe yomakiniiki de de una. Abe o Berea ma nyawa naga womatengo ai romanga o Sopatere abe una o Pirusu ai ngofaka, de naga o Tesalonika ma nyawa yahinooto o Arisitarakusu de o Sekundusu, de o Derebe ma nyawa womatengo o Gayusu. De nagali o Timotiusu de o Asia ma nyawa yahinooto o Tikiku de o Torofimusu.

Hidingoto 21:27

De yomahingahuoka de ipahaino abe manga gahe ngade-ngade adonoka angamoi itigioka manga wange tumidi ipahaikaka. De ma wange gea de o Paulusu naga Ma Jou ai Tauoka, masara nagali o Yahudi ma nyawa yamuruono naga abe o Asia ma tonakino yoboa. De ona gea iwimake o Paulusu de ahao yahikagaro manga dodiawoika hiadono o nyawa manga ngoe duru iwingamo o Paulusika ho iwitaokino.

Hidingoto 6:12

De o nyawa manga ngoe yoihene manga dadae ma demo abe iwitae o Setefanusika ho hiadono onangoo iwingamo unangika. De o Isiraele ma nyawa manga balu-baluhu de ona abe yotobadotoko o Musa ai Paretaino, onangoo manga ngamo duru itagi unangika. Ho iwitaokino de iwiao to ona mata-mata manga himangoka la iwitailako de iwiurusu.

2 Korintusu 11:26

De ahi dodagi duru kohangoe abe ngohi totagi-tagi, de genangino ma ngoe o bodito taohana. Abe nako o akeroka gea taohana o nguihi, de nako o dudungoka gea naga yotobaora-ora imigoana la ato imiora. De nagali ma bodito taohana ma titi o nyawaino, abe ngaro to ngohi ma hirete ahi gogianongoru o Yahudi ma nyawaino eko ngaro abe ko o Yahudi ma nyawaua, masara ma bodito taohana. De ngaro o kotaka eko ma homoaka eko o gahioka, ma naga ma bodito mata-mataika abe taohanoka. De ngaro o nyawaino abe ona yomahihawo-hawo de yomahingahu ato ahi gogianongoru o Yesusoka masara gea yoeluku dika, de onangoo manga hidee la ihibodito ngohino.