Hidingoto 16:8 - Ma Jou ai Demo-demo o Totobelohoka

⁸ Ho genangoka de yogila-gila yowohama o Misia ma tonakika de gea ma tonaka yatilakuru ka hiadono o Toroasa ma kotaika yomahiadonika.

Hidingoto 16:8 ပူးပေါင်းရင်းမြစ်များ

Hidingoto 16:11

De ngomi mimaputuhoka abe o Makedonia ma tonakika miloiki ho o Toroasa ma kapongoka de ngomi mifarene o kapa moi la mihidotobiki o Samotarake ma nuuhika. De mia futu moi dika genangoka de ahao ma dawangeino de migila-gila o kapaka abe miloiki o Neapolisi ma kapongika ho miuti ma dudungiha genangoka.

Hidingoto 16:7

De ipahainoli de yomahitigikaka o Misia ma tonaka ma batingika ho manga hininga la yowohama o Bitinia ma tonakika. Masara ma moioli nanga Baluhu o Yesusu ai Womaha ko wahigunoauahi yowohamika.

Hidingoto 20:5

De ona gea yohiraika yoiki o Toroasa ma kapongika la genangoka de imidamaa abe ngomi ahao miahidoduruika ma kapongika gea.

Hidingoto 20:6

De abe o Totilakuru de o Roti abe ko Iwa ma Ragi ma rame-rame ipahaino de ahao ngomi mifarene o kapa o Filiipi ma kota ma dowongioka ho o Makedonia ma tonaka mianoaika. De mia dodagi o kapaka mia futu motoaino de ahao mimahiadono o Toroasa ma kapongika, de genangoka mia futu tumidi.

2 Korintusu 2:12

De naa ka idadi tohigila-gila ahi dodagi ma ade-ade nginika. Abe nengokadau ahi dodagioka de tomahiadono o Toroasa ma kotaika la o Yesusu Kristusu ai Abari ma Rorahai tahingahu-ngahu onangika. De genangoka nanga Baluhu idodutu duru wohihidoaka ma ngekomo la o Toroasa ma nyawa manga ngoe ka idadi yotoihene ahi demoika.

2 Timotiusu 4:13

De naa moioli togahoko la ma oraha noboa ngohino de ahi baju ma gogurutuku naoino de ahi buku gea abe ihipali-palino. De gea ahi baju nengokadau tanoaika o Karpus ai tauoka abe una wogogere o Toroasa ma kotaka. Ho togahoko la ngona ahao noiki de nodulu ai tauoka de ahi baju ma gogurutuku gea nale de nao ngohino. De abe ahi buku genangoo kiani nao ngohino, masara gea abe duru toperelu, ma buku gea ihipali-palino abe o aewani ma kaiino yodiai.