Hidingoto 16:32 - Ma Jou ai Demo-demo o Totobelohoka

³² De ahao ona yahinooto yahikodoku Ma Jou ai Demo-demo unangika de abe ai tau ma goronaka onangikaoo mata-mata yotoihene manga demoika.

Hidingoto 16:32 ပူးပေါင်းရင်းမြစ်များ

Maruku 16:15

De wataere ibooto de ahao onangika wahibehehongo wato, “Ngini naa kiani niloiki o dunia ma amokika de niahingahu-ngahu o Abari ma Rorahai naa o nyawa mata-mataika.

Hidingoto 16:31

De ona yahinooto yopaluhu ato, “Ngona kiani ningaku nanga Baluhu o Yesusika la Una ahao woniduhunu ani howo-howonino. De to ngona ani tau onangoo mata-mata kiani hokogea iwingaku Unangika.”

Hidingoto 16:33

De duru ma oraha gea de ma gogoana ma haeke una waihoro de watebini ona yahinooto manga nabo, de watebini ipahaino de ahao una de ai tau ona mata-mata yomaohikoka!

Roma 1:14

De ngohi naa tamao ahi hiningaka hoka naga ahi nagimi o nyawa mata-mataika ngaro onagona dika mata-mataika. De gea ko ma titiua abe tamao kiani o tiwi tahikokodoku o nyawaika, masara gea o Abari ma Rorahai abe tamao ahi hiningaka kiani o nyawaika tahikokodoku. De ngaro o kota ma nyawa eko abe o nyawa o fonganoka yomanoa, eko ngaro o nyawa abe yohohakolaka eko ngaro ona ko yohakolauahi, masara o nyawa mata-mataika tamao abe kiani o Abari ma Rorahai tahikokodoku ona mata-mataika.

Roma 1:16

De ngohi duru tangaku o Abari ma Rorahaiika de gea ko ihimalekua ngohino, angamoi duru tohioriki abe Ma Jou ai kuaha la watobaduhunu o nyawa, gea ai Abari ma Rorahaiino imanoa. Ho mangale ma titi ai Abari ma Rorahaiino de naga to Una ai kuaha, ho ka idadi o nyawa waduhunu genangino. Ho o nyawa onagona dika abe iwingaku Unangika de ai Abari ma Rorahaiino wapake la ona gea waduhunu. De igoungu ihira-hira itagi o Yahudi ma nyawaika la ka idadi yotoihene ai Abari ma Rorahaiika, de ipahaino de itagioli onangika abe ko o Yahudi ma nyawaua. Angamoi ma titi ai Abari ma Rorahaiino gea de Ma Jou ka idadi waduhunu o nyawa mata-mataika, abe ngaro ona o Yahudi ma nyawa eko abe ko o Yahudi ma nyawaua.

Efesusu 3:8

De gea ngohi duru toheranga abe ma tagongo ma hohailoa gea wohihidoaka ngohino, angamoi nako ngohi de o nyawa utu mata-mata iwingaku-ngakuoka, ma ka ngohiohi tanu duru ko kia-kiaua ihidaene. Masara ngaro hokogea ngohi, ma Una wohihitagongo de ma karajaanga ma hohailoa gea la wato ngohi tahingahu-ngahu abe ko o Yahudi ma nyawaikaua ma titi to Kristusu ai owa abe ngone ai nyawaino. De gea ai owa duru ma amoko de duru ka irahaiholi hiadono ko hakunua ngone hatuga, de nanga hiningaka enangoo ko aboaikaua genangika.

1 Tesalonika 2:8

De gea ngomi mia dora nginika hokogea ma amoko hiadono ngomi duru misanangi minihikodoku nginika Ma Jou ai Abari ma Rorahai de to ngomi ma hirete mia wowangoo. Abe gea ma titi duru minidora nginika ho miato ka idadi mia wowangoo mimahidoaka nginika la ka idadi minihiutumu nia wowangoika.