Hidingoto 16:23 - Ma Jou ai Demo-demo o Totobelohoka

²³ Ho duru yapoha-poha onangika de ipahaino ahao yabuika o bui ma tauoka. De ahao iwihuloko o bui ma tau ma gogoana ma haekika la duru wohidodiai wagoana done yoara ma hoanika.

Hidingoto 16:23 ပူးပေါင်းရင်းမြစ်များ

Matiusu 26:48

Masara ma dihira abe ko yoikuahi de o Yudasa wadotokokau onangika wato, “Nako haika de Una abe tibounu, de Una gea kiani niwitaoko.” Hokogea wadotoko o Yudasa.

Lukasa 21:12

“Masara ma dodunguu mata-mata gea ko idadiuahi de ihira ngini inihikokangela o nyawa. Abe ngini ahao initaokino de inihikangela de ahao inihidoaka nanga dodotoko ma tau ma hidimonika ma titi nihiniiki Ngohi. De ngini utu hiadono iniurusu de inihingohama o bui ma tauika angamoi Ngohi nihiniiki. De ngini utu initaokino de iniaoika la o kokoano de o gogubernuuru manga hima-himangoka nimaokoino ma titi to Ngohi ahi romanga niatobaniiki.

Hidingoto 12:18

De ma dawangeinoli duru o ngoru-ngorumino de o tentara manga hininga ma huha duru ko ihutulua abe ma titi hokokia idadi hiadono o Peturusu ko iwiwaka. De ona mata-mata duru yomakokeleha hiadono manga hiningaka de yolilifanga angamoi ko iwimakeua.

Hidingoto 12:4

Ho ma koano wibuioka o bui ma tauoka de wahitagongo o tentara o doomu iata la ona ka ihikaika iwigoa-goana o Peturusu, abe ma doomu amomoiika naga o tentara ma nyawa yaiata. De ma koano o Herodese ai hininga la o Totilakuru ma rame-rame ipahaikahi de ahao ka idadi witailako de wiurusu o Peturusu abe o kokawaaha manga hima-himangoka.

Hidingoto 16:27

De ma gogoana ma haeke unangoo womamaoino de ahao womalega ma bui ma tau ma ngoranika. Womalega de wamake abe ikokifelengaika ho ai hiningaka wato bote ona mata-mata abe wagoa-goana yokokiloaroka. De hokogea wataoko ho una ai humaranga wagoraka la wato womatoma dika la ufa o hohonenge ma hohowono iwidaene.

Hidingoto 16:36

Ho ma gogoana ma haeke wihingahu o Paulusika wato, “Ngona de ani dodiawo ka idadi nihupu dika ma hoanika. Ho ngaro nilio de nia hininga ma goguwini dika angamoi nia hohowono gea ibootoka.”

Hidingoto 5:18

Ho o hidingoto ma nyawa yataokino de yahingohama o bui ma tauika.

Hidingoto 5:23

“Ngomi o bui ma tauika miaika de ihidukusiokahi de nagali ona yotobagoa-goana yomaokoino yogoana ma ngoranoka, masara abe miafelenga ma ngorana de miwohama ma goronaika de ka ma homoa dika, o nyawa moioo de ko iwa!”

Hidingoto 9:2

la womagahoko o higunoa ma hurata unangino. Abe ma hurata ahao ihidumutu o Yahudi ma nyawa manga dodotoko ma tau ma hihiraika abe naga o Damasiki ma kotaka. De ma hurata ma goronaka de o Saulusu woigo la ma hidemo wokokurutiye wihidoaka o kuaha unangika la nako ahao wamake o nyawa o Damasikoka abe yatobaniiki ma dodotoko abe ma titi o Yesusu, ona gea o Saulusu ka idadi wataoko de wahidapakiti de o rante. De wataokino de ahao ai hidee la waoino o Yerusaleeme ma kotaino la yamake manga hohowono genangoka. De gea ai hidee la ngaro o nau-nauru de ngaro o ngo-ngofeka masara ona mata-mata abe yatobaniiki o Yesusu ai dodotoko ahao wataoko de wahohowono. De manga hidemo ma nyawa wokokurutiye una woihene o Saulusu ai gogahoko gea de wosanangi ai demoika. Ho wodiai ma higunoa ma hurata gea de wihidoaka o Saulusika.

2 Korintusu 11:23

De marai ona yomahingahu ato iwileleani o Yesusu Kristusika, masara ngohioo tileleani Unangika. De naa ahi demo duru hoka womatengo iwitogohangoka ai demo tapake, masara naa o demo ma gou-goungu dika tomahingahu nginika. Abe nako ona de ngohi, masara ka ngohiohi duru irahai ahi leleani abe o Yesusu Kristusika. Angamoi ka to ngohiohi ahi karajaanga itubuho tokarajaanga ahi tagongoka. De nako ngohi de ona, ka ngohiohi ma ngoe ihitaoko de ihibuika, de nako ihipoha-poha gea duru ka ma moiua dika masara duru ma ngoe ihipoha-poha. De ngohi ma ngoe taohana o bodito ahi wowangoka.

2 Korintusu 6:5

De igoungu ngomi naa ma dihiraino de imipoha-poha, de ma muruono ibooto imibuika o bui ma tau ma goronaka, de nagaoo miaohana o nyawa manga ngamo imihidotadaene abe ona yotobadiai o huruhara ngomino. De ngomi duru mitobakarajaanga ma dubuho ka hiadono imiboleoka, de ma ngoe imihidetebiniye abe mia ngidu ko miamakeua, de ma ngoe imihafini masara mia inomo ko iwa.

Efesusu 3:1

Ho mangale ma titi abe ngini nidadioka to Ma Jou ai nyawa ho gea ngohi o Paulusu ka ihikaika tininiata ngini genangoka. De naa ngohi ihibuioka ma titi o Yesusu Kristusu tileleani abe o Abari ma Rorahai tinihingahu-ngahu abe ngini ko o Yahudi ma nyawaikaua.

Efesusu 4:1

De naa ngohi duru tinihigaro nginika la ti ngini nia wowango ma goronaka de niataana abe Ma Jou ai mau nginika. De tinihigaro hokogea ma titi hinooto. Abe ihira-hira gea ma titi abe ngohi naa ihibuika ma titi tileleani nanga Baluhika. De nagali ma titi abe Ma Jou ai hidoaka ma owa mata-mata ngone ai nyawaino abe tofetongoka ahi hurata ma demoino naa. Angamoi gea Ma Jou winiahoko nia ngongakuino, ho koaho to Una dika ai hininga ngini nianiiki.

2 Timotiusu 2:9

De mangale ma titi o Abari ma Rorahai gea tohingahu-ngahu ho gea hiadono ahi kangela naga o bui ma tau ma goronaka naa, ka hiadono ihihidapakitoka de o rante abe hoka o nyawa ma dorou yodiai. Masara ngaro ngohi naa ihipakitino nenangoka masara Ma Jou ai Demo-demo gea duru ko ihihidotapakitua masara ka itagi-tagiohi o nyawa manga ngoe-ngoeika.

Himatoko 1:9

Ngohi naa o Yohanese ti ngini nia gianongoru o Yesusoka. De mangale ngohi de ngini nanga borigogere naga Unangoka, ho ngone mata-mata naga nanga kangela abe hoborihimanga. De genangino tohioriki abe ngini de ngohi homahiketehigogao angamoi ngone mata-mata hodadioka to Una ai kokawaaha o doomu moioka. De ngohi tohiorikoo abe ngone homaketero ma titi abe ngaro o kangela ma goronaka masara ngone ka homatongohono dika ma dorouino. De naa tomahingahu nginika abe ngohi nengokadau ihitaokino de ihihidingoto nenangino la ihihohowono ma nuuhino naa abe ma romanga o Patomos. De gea ngohi ihitaokino de ihihohowono ma nuuhino naa ma titi tahingahu-ngahu o nyawaika abe Ma Jou ai Demo-demo de abe o Yesusu ai ade-ade gea duru tahigaro la tato yangaku enangika.

Himatoko 2:10

De naa Ngohi tinihigaro tato ufa ko nihawana ma titi ma kangela abe ko itedekanokaua de kiani gea niaohana. Angamoi naa tinihingahu dika abe o Ibilihi ena gea ahao ngini utu inihidubuika la ato initaili nia ngongakuoka, de o bui ma goronaka gea inihikangela o wange ngimoiino ma dekana. De gea ngaro naga o hidee la ato inihohonenge, ma kiani ngini nimatongohono nia ngongakuoka de ufa nirehene genangino, la ahao Ngohi tohibalaha nginika de o lalaku ma hadia abe o wowango ma ngangoino tinihidoaka.”