Hidingoto 16:18 - Ma Jou ai Demo-demo o Totobelohoka

¹⁸ De muna gea o wange-wangeiye ka hokogea dika motobadiai abe momihidoo-doduru mia poretino hiadono o Paulusu ko wapoakaua ami demo gea. Ho una womidogilioro munangika de wotemo ma tokatika abe imanoa munangoka wato, “Naa ngohi tonihuloko de tapake o Yesusu Kristusu ai romanga. Abe tonihuloko la ngona ami badangoka de aino nohupuino de nominoaka!” Ka de hokogea wotemo de ma tokata imatitokoka munangoka de aino.

Hidingoto 16:18 ပူးပေါင်းရင်းမြစ်များ

Matiusu 14:24

Masara abe iwitobanii-niiki ona duru kohagurutikaka o akere ma ngooto ma goronaka, de ona duru yokangela yomahioru angamoi duru yomahidomo o rato ma hidaloko. De nagali ma lulu ma ago-agomo ka hiadono ihilopa-lopaka manga ngotirika.

Maruku 1:34

De o nyawa ko manga ngoe o Yesusu wahikokitogumoka manga popanyake irupa-rupaino. De ona abe naga yakokitokata gea wakokititokoka manga toka-tokata ma dorou. Masara gea o Yesusu ko wohigunoaua ma tokata itemo o nyawa manga himangoka done yahingahu ma titi abe Una Ma Jou o Ngofaka, angamoi ena gea iwihioriki abe o kiaino Una woboa.

Maruku 16:17

Abe ona ihingaku-ngaku, ona gea ahao o dodunguu irupa-rupa tahidoaka onangika. Abe ona yakunu ihitito-titoko o tokata ma dorou o nyawaino abe ma titi ahi romanga yafetongo. De nagali abe ona ihingaku-ngaku de yakunu yotemo-temo o nyawa manga demo, abe ko to onangua manga demo.

Lukasa 9:1

De ma moiukuoli o Yesusu wahokino ona yangimoi de yahinooto abe iwitobanii-niiki Unangika. De ona yomatoomuinoka de ahao Una wahiakunu onangika de o kuaha de o buturungu la ona ahao ka idadi o tokata mata-mata ihititoko o nyawaino, de o nyawa abe de manga popanyakeoka enangoo mata-mata ka idadi ona yahitogumu.

Hidingoto 3:6

Masara o Peturusu wato, “Ngohioka o tiwi ko iwa la tonihidoaka, masara abe naga ngohioka gea ka idadi tonihikodoku ngonaika. Ho naa de o Yesusu Kristusu o Nasaretoka ai romanga tonihuloko la nomaokoino de nomadagi!”

Hidingoto 9:34

De ahao witemo o Eneasika wato, “Eneasa, ngona naa o Yesusu Kristusu wonihitogumu ani kangelaino! Ho ngona nomaokoiye de ani nanao nalulukoka!” Ka de wotemo hokogea de wotogumoka!

Kolose 2:15

De mangale ma titi o Yesusu Kristusu ai honenge o gotaka gea ho hiadono Ma Jou wohikala o toka-tokata, de genangino ai hilaku duru womahimatoko la mata-mataika ihioriki. Abe ngaro o toka-tokata de ma kuahaka abe iwimusu Unangika, ma, ena gea duru wohikala de hiadono wohimaleke o dunia mata-mataika ma himangoka. De genangino Una womahitaana abe ai kuaha de ai karajaanga ngoneoka duru ingodumu.