Hidingoto 15:31 - Ma Jou ai Demo-demo o Totobelohoka

³¹ De ona o gareja ma nyawa yobasa ma higaro ma demo abe ma hurata ma goronaka de ahao ona mata-mata duru manga hininga igogaragoka ma titi ma hurata ma demoino.

Hidingoto 15:31 ပူးပေါင်းရင်းမြစ်များ

Hidingoto 15:1

De abe ma oraha o Paulusu de o Baranabasa ka yomanoahi o Antiokia ma kotaka de naga o nyawa yamuruono naga yoboa o Yudea ma tonakoka de yaino. De ona yomahiadono de yadoto-dotoko o gareja ma nyawaika ato, “Ngini kiani nianiiki to ngomi mia pareta abe ma dihiraino de o Musa womidotokokau abe kiani homahuna. De nako ngini ko nimahunaua gea ko idadiua Ma Jou winidafongo nginika.”

Hidingoto 15:10

“Ho naa done sarakia ho haleha-leha de haoluku Ma Jou ai ngekomika abe Una ma hirete wairikoka? Mode ngone o nyawa dika de hohitaili Ma Jou ai dongohono? Abe ngone utu hato koaho hohidogo Ma Jou ai hiaturika de hahuloko nanga gogianongoru abe ko o Yahudi ma nyawaikaua la ona yamoku o gina duru kohadubuho, abe ma titi hahuloko la ona yanii-niiki o Musa ai Pareta. Masara ahi gogianongoru, ngaro ngone naa o Yahudi ma nyawa masara ma dodihirainohi de ka hiadono ma oraha naa de ngone ko hapoaua hamoku ma gina gea, ho done sarakia hahitubuho o nyawa utuika de genangino? Duru ko idadiua!”

Hidingoto 15:30

Ho ona yaruata gea yomataiti o Yerusaleemoka de yosobo la yomakiniiki yoiki o Antiokia ma kotaika. De yomahiadono genangika de yakokiahoko o gareja ma nyawa mata-mataika la yatoomuino. De yomatoomuinoka de yahidoaka ma hurata onangika.

Hidingoto 15:32

De ipahaino de o Yudasa de o Silasa ona yotemo-temo manga gogianongoruika genangoka. Abe ona yahinooto naga manga hiakunu Ma Jouino la yatobalufungu de Ma Jou ai kuaha la ka idadi yatobahingahu o nyawaika to Una ai hingahu ma demo. Ho yotemo-temo onangika manga dekana de duru yahigaro de yahiputurungu manga ngongakuika.

Hidingoto 16:5

Ho mangale ma titi yatuu-tutumu onangika ho manga gogianongoru manga ngongaku idogo iputurungu Unangika. De naga utuoli abe ko iwingakuahi Ma Jouika, de o wange-wangeiye o nyawa yongaku o Abari ma Rorahaiika gea ho ka ihikaika naga abe yomahidogo o gareja ma nyawaika manga ngoe.

Galatia 5:1

De mangale ma titi o Kristusu wonahihoheoka o Pareta ma papakitino, ho ngini naa kiani ka ihikaika nimaagoana de nimatongohono done ahao nilioli ma Paretaika gea de inihidapakitokali de done ahao nidadioli to ena ma gogilaongo.

Filiipi 3:3

Ona gea Ma Jou iwiniiki ko igou-goungua, masara ngone naa abe duru hiniiki igou-goungu. Abe ngone naa tonahiromanga tato ngone o huhuna ma nyawa ma gou-goungu. De gea ma romanga ma titi o kia? De gea ma titi abe ngone naa hihigiriiri Ma Jou de gea ihititi abe nanga gogao Ma Jou o Womahino de ko ma titiua to ngone nanga kuahaino. Abe Ma Jou o Womaha, Una gea naga de de ngone. De ngone naa duru hidogarago o Yesusu Kristusika ma titi ai duduhunu ngoneino, de ko ma titiua to ngone nanga nganganono o dodunguuika dika abe nanga badangoka de hiadono wonadafongo Ma Jou. Ngone naa ko hokogenangua nanga nganganono. Ho gea tonahiromanga tato ngone o huhuna ma nyawa ma gou-goungu. Hokogea ma titi o huhuna ma gou-goungu, abe ngone naa haniiki.