Hidingoto 13:27 - Ma Jou ai Demo-demo o Totobelohoka

²⁷ De igoungu abe nengokadauino de ma nyawa o Yerusaleeme ma kotaka de manga hihira ona yahingodumoka Ma Jou ai demo ma dodihiraino abe ma oraha iwihohonenge o Yesusika. Abe ona ko iwihiorikua abe ma titi Ma Jou ai uru ma dodofanga ma demo mata-mata, gea iwihidumutu ka Unangika dika o Yesusika. De gea hadongoo de o Hiaini ma wange ma getongo de ona yoihene ma demo manga dodotoko ma goronaka masara duru ko iwihiorikua Unangika.

Hidingoto 13:27 ပူးပေါင်းရင်းမြစ်များ

Dodadi 50:20

Igoungu, ma dihiraino ngini nihihidee niato nidiai duru itorou ngohino, masara Ma Jou ai mau la ma dorou gea wohikawalimi la idadi ma owa. Ho wohiaturu la ngohi tamake ahi karajaanga naa abe de ma kuahaka la o nyawa duru ko manga ngoe ka idadi taduhunu hiadono naa ka yowangohi.

Matiusu 22:29

De o Yesusu wapaluhu onangika wato, “Iya, marai naga abe duru niataoko ihowono! Nako ngini niafikiri niato o nyawa yohonengoka gea ko yomomikokaua, gea ma titi Ma Jou ai Demo-demo ikuranga nimangaratii, de ngaro Ma Jou ai kuaha ma enangoo ko niataokuahi.

Lukasa 22:34

Masara o Yesusu wipaluhu wato, “Peturusu, abeika notoihene ahi demoino naa tonihingahu ngonaika. Bootino o futu naa dika abe ko itebinuahi, de ngona naa nohioluku ma hangeou. Abe o kuru-kuru ko atailuahi de ngona naa nohioluku ma hange ibooto abe nohihioriki Ngohino.”

Lukasa 23:13

De ipahaino o Pilatusu wahoko o hidemo ma nyawa manga hohidimono, de o Yahudi ma nyawa manga hohidimono, de o nyawa yowoe-woe la ona mata-mata yomatoomuino.

Lukasa 24:20

De ipaha de nanga hidemo ma nyawa Ma Jouika manga hohidimono de nagali utu nanga hohidimonino, ona iwihidoaka o Roma ma poparetaika la iwiurusu. De ma bahauku yoputuhu ato kiani o hohonenge ma hohowono iwidaene, ho iwihidapakuika o gota isosalioaka de naa wohonengoka.

Yohanese 15:21

Hokogea yodiai nginika angamoi nihingakuoka ho ahi romanga niapake. De ona gea inahikangela ma titi ko iwihiorikua Ma Jou o Baba abe gea Una wohihidingoto Ngohi naa.”

Yohanese 16:3

Hokogea yodiai angamoi ona gea o Baba ko iwihiorikua de Ngohioo ko ihihiorikua.

Yohanese 5:39

Ngini naa o balu-baluhu de duru inimagawe nimadotoko Ma Jou ai Demo-demo angamoi niato ai Demo-demoino niamake o wowango ka hiado-adonika. Masara ngaro Ma Jou ai Demo-demo gea inihingahu ma titi Ngohi naa,

Yohanese 8:28

Ho o Yesusu wotemo wato, “Ahao adonoka ma oraha o Nyawa ma Ngofaka niwihidoaiyeoka o gotaka, ma oraha gea de ahao ngini nihihioriki igoungu Ngohi Naga abe Ngohi Ma Jouoka de taino. Ho ma oraha gea de ahao nihihiorikoo duru ko moiua todiai abe Ngohioka dika de tomahohiningaiye, ma, totemo dika abe o Baba wohidotokoka, gea dika ahi demo.

Hidingoto 15:21

De ma pareta gea koaho onangoo yaniiki done nanga gogianongoru o Yahudi ma nyawaino manga hininga akuranga onangika. Angamoi ma dodihirainohi de o Hiaini ma wange ma getongo de ma pareta ma demo gea hobasa o Musa ai Paretaino abe nanga dodotoko ma tau ma dodoomuoka. Hokogea to ngohi ahi hininga.”

Hidingoto 28:23

De o Paulusu wosanangi womahingahu ai hininga onangika ho wogelenga ma gahe la ahao ma wange adonoka de yomakamakeoli. De ma wange gea adonoka de o nyawa manga ngoe yoboaino o Paulusu ai tauino la yotoihene ai demoika. De una wahingahu onangika abe ma titi hokokia Ma Jou wahikoano ai nyawaika, de nagali wadotoko onangika ma titi o Yesusu abe Ma Jou ai Demo-demoino. De gea wohipake ma demo abe o Musa ai buku motoaino de abe Ma Jou ai uru ma dodofanga manga buku to enangoo ma demo wohipake la wadotoko ma titi o Yesusu. De ma wange gea abe womulaenge wadotoko gea ka o ngoruminohi, de wogila-gila wadotoko ka hiadono ihumuririhuku.

Hidingoto 3:17

“De naa, ahi gogianongoru, ngohi duru tohioriki abe ngini nia datoro gea nidiai o Yesusika de tanu ko niwihiorikuahi abe Una gea onaguna. De ngaro nia hihira onangoo ma ko iwihiorikua abe o Yesusu Una Ma Jou ai Behehongo abe ma dodihirainohi de Una wonahibehehongoka.

Roma 11:25

Ahi gogianongoru o ngongakuoka, de naa ngohi toigo tinihingahu nginika o dogogono moi abe ma dodihirainohi de o nyawa ko ihiorikuahi. Masara gea ko tinihingahuahi de tinihitiariohi nginika tato done nimagorakiye ngini ma hirete de niwihitipokouku o Yahudi ma nyawaika. Ho ngohi naa tinihingahu dika ma dogogono nginika abe hokokia Ma Jou ai hidee la ahao idadi o Yahudi ma nyawaika. Abe ma oraha naa o Yahudi ma nyawa ko manga ngoe ka yolukohi iwingaku o Kristusika, masara hokogenangua abe ka hiado-adonika hokogea. Angamoi naga Ma Jou ai hidee ma titi ngini ko o Yahudi ma nyawaua abe hokokia ahao nia ngoe abe niwingaku Unangika. De nako hiadono adonoka nia ngoe gea abe wohideeoka, gea ahao o Yahudi ma nyawa manga hininga hatoli ko itogowinokaua.

1 Korintusu 2:8

De to Una ai sosawaro gea o dunia naa ma popareta moioo de ko iwa abe yataoko ma titi genangino. Angamoi nako ma dihira o duniaka naa ma popareta yataoko itiai Ma Jou ai sosawaro gea, gea de ahao tanu ko iwihohonengua o Horoga ma Baluhu o gota isosalioainoka.

2 Korintusu 3:14

De ngaro ma dodihiraino gea de o Musa ai himangoka naga Ma Jou ai medebini ma dararono, masara o Isiraele ma nyawa ka yolukohi iwihigihene Ma Jou ai demoika, ho ona duru manga pea idadi itogowinoka. De ika-ika de ko akunokaua yataoko Ma Jou ai demo abe o Musa wadofanga onangika. De ma dodihiraino gea de ka hiadono ma oraha naa naga abe totulihi ahi gogiriaka nginika de o Isiraele ma nyawa manga totoforauku manga pea ma dogowini ka hokogea dika. Abe ngade-ngade imaketero hoka ma dodihiraino o Musa ai himanga ma dadatoko, de hokogenangoo ma oraha naa o Isiraele ma nyawa manga hininga ma dadatoko nagahi. Abe ma oraha ona yabasa ma behehongo ihira-hira gea de duru ko yahiutumua genangino. De manga hininga ma dadatoko gea ka idadi agoraka onangoka de aino iti ona iwingaku o Yesusu Kristusika, angamoi Una dika ka idadi wagoraka. Masara nako ko iwingakuahi gea ma dadatoko nagahi manga hiningaka.

1 Timotiusu 1:13

De gea wohihigunoa tileleani ngaro ma dihira ngohi tingelo Unangika, de to Una ai nyawa duru tahikangela, de ma titi ahi sade hiadono ngohi duru tihitipokouku Una. De ngaro hokogea ma dihira ngohi todiai, masara ka tamakeohi Ma Jou ai hininga ma mobole ngohino hiadono Una ko wohihohowonua ngaro ma dihira gea ngohi ko tingakuahi Unangika. Ho gea mata-mata todiai de duru ko tohiorikua abe talawana Ma Jou ai mauika.