Hidingoto 12:6 - Ma Jou ai Demo-demo o Totobelohoka

⁶ De ahao manga rame-rame gea ipahaino de o futu moiohi de o Herodese wato witailako de wiurusu o Peturusika. Masara ma futu gea de una iwikiooko o bui ma tauoka abe yahidarante ka ma moi de o tentara ma nyawa yahinootoika ai aridatekoka. De naga ma tentara utu yotobagoa-goana o bui ma tau ma ngoranoka la ufa woara.

Hidingoto 12:6 ပူးပေါင်းရင်းမြစ်များ

Dodadi 22:14

De o Abarahaama wato, “O ngi naa tohiromanga Ma Jou o Yawe Wohidodailako.” Ho gea ma titi hiadono ma oraha naa o nyawa ka ihiromangohi ato, “Ma Jou o Yawe ai lokuoka ahao ka wohidodailakokali.”

Matiusu 28:4

De ma tentara gea abe yogoa-goana ona ka de iwimake ma malaekata de duru yokokihawanoka de yahiraramaka yofafara ka hiadono manga hininga ihihihanga ho yorubauku de ngade-ngade hoka yohonengoka.

Hidingoto 12:5

Masara abe ma oraha o Peturusu naga o bui ma tau ma goronaka de ai gogianongoru o gareja ma nyawa ona duru de manga hininga ma gahumu yomaniata de iwigaho-gahoko Ma Jouiye la widuhunu unangika.

Hidingoto 21:33

De ma haeke wiadono o Paulusika de witaokino de wahuloko ai tentara la iwihidapakiti unangika de o behi ma rante hinooto. De ahao ma haeke waleha manga ngoe-ngoeika abe una witao-taokino gea onaguna, de walehaoo abe hokokia idadi hiadono yomakangamo.

Hidingoto 28:20

De o wange naa togahoko la ngini mata-mata niboaino la ka idadi homakamake de homahikoriki. De naga ma titi moioli, la hiadono ka idadi tinihingahu nginika abe ngohi ihidapakiti de o rante ma titi moi dika, de gea ma titi ngohi tongaku abe to ngone nanga Mesia Una woboaka. Abe ma dodihiraino de Ma Jou wonahibehehongo ngone o Isiraele ma nyawaino wato ahao wonahidingoto nanga Mesia ngoneuku. De naa ma dodihirainohi de hidodamaa de duru hongano-nganono la Una woboa. Masara naa tosanangi tinihingahu abe Una gea woboaka. De abe ahi ngongaku genangika, gea dika ma titi hiadono ngohi naa ihidapakitoka.”

Hidingoto 5:23

“Ngomi o bui ma tauika miaika de ihidukusiokahi de nagali ona yotobagoa-goana yomaokoino yogoana ma ngoranoka, masara abe miafelenga ma ngorana de miwohama ma goronaika de ka ma homoa dika, o nyawa moioo de ko iwa!”

Efesusu 6:20

De tanu o Abari ma Rorahai gea ena ma titi hiadono ngohi ihibuioka, angamoi Una wohihitagongino ngohino de ngohi wohihidingoto la o Abari ma Rorahai gea tahingahu-ngahu o nyawaika. Ho ngohi togahoko la nihigahoko ngohi la naga ahi domoroini abe ma oraha ma Abari tahingahu-ngahu, angamoi tanu gea kiani hokogea totemo.

Higalioli 32:26

De Ngohi ahi hininga tanu toigo la tahibinaaha dika onangika, la hiadono o homoa ma nyawa ka idadi yawohangika dika o Isiraele ma nyawa.

2 Timotiusu 1:16

Masara nako o Onesiforusu, una ma dihiraino de duru ma ngoe wohilaru ngohino. De ngaro ngohi o bui ma tauoka de ihipakiti ma una ko iwimalekua, masara una ma oraha woboa o Roma ma kotaino naa de gea duru wohilingiri hiadono wohimake la ka idadi wohirekata ngohino de hiadono ahi hininga duru iuwini. Ho naa ngohi duru toigo de tonganono la ahao Ma Jou wabole-bole o Onesiforusu ona o tau moi mangale ma titi abe naa ma duru una ai duduhunu ngohino.

Ibarani 13:6

De mangale ma titi ai demoino gea ho duru inahiputurungu nanga hiningaka hiadono ngone ka idadi hotemo hato, “Nanga Baluhu idodutu Una gea to ngohi ahi Duduhunu ho ngaro ufa dika de ngohi tohawana. Angamoi mode sarakia hiadono o nyawa dika de ka akunu ihiruwae ngohino? Duru ko idadiua ihiakunu!”