Hidingoto 11:24 - Ma Jou ai Demo-demo o Totobelohoka

²⁴ De o Baranabasa una ai hininga ma rorahai, de Ma Jou o Womaha duru iwilufungu unangika, de ai ngongaku duru iputurungu Ma Jouika. De genangoka ma nyawa duru ko manga ngoe yomahidogo iwingaku-ngaku manga doomuika.

Hidingoto 11:24 ပူးပေါင်းရင်းမြစ်များ

Higiriiri 37:23

De ona abe manga wowango ma dumutu la iwihisanangi Ma Jou o Yawe, Una ahao wahiaturu manga aguru manga wowango ma ngekomika, De duru wosanangi waduhunu de mata-mata abe yamake manga wowangoka, Ngaro naga abe hato ko kia-kiaua ma to Una ai hininga adaene genangika.

Matiusu 12:35

De nako naga womatengo abe ai hininga irahai, una gea ai demo ihupu ma rorahai ma titi iboa ai hininga ma rorahaioka de aino. Masara abe naga o nyawa ma dorou, una gea ai demo ma dorou dika ihupu ai uruino mangale gea ai hininga ma dorouoka de aino iboa.”

Matiusu 19:17

De o Yesusu wipaluhu unangika wato, “Gea ani demo ma goronaka de nohileha ma datoro ma rorahai nato o kia. Masara naa tonileha ngonaika, done ma titi o kia ho hiadono ngona nohileha Ngohino ma titi ma rorahai? Angamoi bote ngona nohiorikoka abe Ma Jou ka Una dika ai hininga ma rorahai, ho koaho to Una ai demo dika nanii-niiki. Ho Ngohi ka idadi tapaluhu ani leleha gea de tonihidumutu ai demoika abe ka Una dika ai datoro irorahai. Abe ma titi nako ngona noigo o wowango namake ka hiado-adonika Unangino, gea kiani natobaniiki to Ma Jou ai Paretaika.”

Lukasa 23:50

De ahao naga womatengo wingaku-ngakuoka abe woigo wikelenga o Yesusu ai honenge o lungunu ma goronaka. De una gea ai romanga o Yusupu abe o Arimatea ma kotaino woboa, de ai kota gea imanoa o Yudea ma tonakoka. De una o nyawa ma rorahai abe ai wowango wao itiai, de una wododamaa de ai hininga ma garago de wongano-nganono la idadi abe Ma Jou wahikoano ai nyawaika. De una gea wodadi o Yahudi ma nyawa manga hohidimono womatengo abe yotobauru-urusu o nyawa, masara abe ma titi ai dodiawo manga putuhu de manga datoro o Yesusika, gea o Yusupu duru ko womodekua.

Yohanese 7:12

De o nyawa manga ngoe ihikokaika yomatoo-toomuino manga rame-rameoka gea. De onangoo yomakoketemo ma titi o Yesusu ma ka yomakokuhudu dika de utu naga ato, “Una o nyawa ma owa.” Masara utu ato, “Koua, Una gea duru o nyawa watobabudi la woigo wahirehene.”

Hidingoto 11:21

De ma oraha gea de nanga Baluhu ai kuaha duru ma amoko imanoa onangoka abe yahingahu-ngahu, ho abe ko o Yahudi ma nyawaua ona ko manga ngoe iwingaku de yomangali nanga Baluhika.

Hidingoto 2:4

De duru ma oraha gea dika de ona mata-mataika yakokilufungoka de Ma Jou o Womaha, ho ona yotemo-temo de o demo utuoli abe hokokia dika Ma Jou o Womaha wahiakunu ona homoi-homoiika.

Hidingoto 2:47

De ona ka ihikaika iwihigiriiri Ma Jouiye, de o nyawa utu mata-mata duru yasanangi onangika. De o wange-wangeiye naga utuohi yowoe abe nanga Baluhu idodutu wahidogo manga doomuika ho waduhunu manga howo-howonino.

Hidingoto 24:16

De mangale ma titi ahi nganganono gea ho ngohi ka ihikaika tomaribuutu la ahi hiningaka de ko tahowonua, abe ngaro Ma Jouika de ngaro o nyawaikaoo masara tohitaili la tato ufa todiai o howono.

Hidingoto 5:14

De ka ihikaika yodogo-dogo yowoe abe iwingaku nanga Baluhu idodutuika, abe ngaro o nau-nauru de ngaro o ngo-ngofeka masara ko manga ngoe yomahidogo manga doomuika.

Hidingoto 6:3

Ho naa ngomi minihuloko miato koaho nanga gogianongoru yatumidi niairiki de niagoraka abe nia doomuino naa. De gea kiani niairiki o nauru abe o nyawa utu manga horomati itagi onangika de abe yalufungoka de Ma Jou o Womaha de o sosawaro. De niairiki ipaha de ahao ngomi miahitagongo onangika la onangoli yaleleani de yahikodoku o inomo o nyawaika abe naga de manga pereluoka, ho gea ko ngomiokaua mia tagongo.

Hidingoto 6:5

De ona mata-mata manga doomuoka gea duru yosanangi abe yangimoi de yahinooto manga demoika. De ipaha de ona yairiki o nauru yatumidi naa, abe o Setefanusu, una abe duru ai hininga aomanga de o ngongaku de Ma Jou o Womaha, de nagali o Filipusu, de o Prokorusu, de o Nikanoro, de o Timono, de o Paramenasa, de o Nikolausu abe o Antiokia ma tonakoka ma nyawa. De o Nikolausu una gea tanu ko o Yahudi ma nyawaua masara nengokadauino de womangali de waniikoli o Yahudioka manga agama, de ipahainoli de wingaku o Yesusika.

Hidingoto 6:8

De o Setefanusu una gea duru iwilufungoka de Ma Jou ai owa de ai kuaha, de una ka ihikaika o heheranga wodiai de Ma Jou ai kuaha wahimatoko o nyawa manga hima-himangoka.

Hidingoto 9:31

De ipahainoli de o Yesusu ai gareja ma nyawa hatoli ikurangoka abe o nyawa yahikangela onangika. Ho ngaro o Yudea ma tonakoka de ngaro o Galilea ma tonakoka de ngaro o Samaria ma tonakoka, masara ai gareja ma nyawa abe yomanoa ma tonaka mata-mataika gea manga hininga ka idadi iriidi. De ona manga ngongaku ka idogo-dogo iputurungu, de ka ihikaika naga manga horomati itagi nanga Baluhu idodutuika. De nagali abe Ma Jou o Womaha ka ihikaika wahigaro ona abe manga ngongakuika. De ka ihikaika o nyawa yodogo-dogo abe iwingaku Unangika ho ai gareja idogo-dogo ilamoko.

Roma 15:15

De ngaro nginioka nagau nia tobahioriki gea, masara ahi huratoka naa de ma titi utu duru ka tinihiree-reeika la tato tinihihohininga nginika abe ma titi muruono naga. De ahi demo gea tadofanga nginika ma titi ahi tagongo ma hohailoa abe Ma Jou wohihidoaka ngohino. De gea wohihitagongo ma titi ai hininga ma owaka de aino ngohino.