Hidingoto 11:17 - Ma Jou ai Demo-demo o Totobelohoka

¹⁷ Ho duru itararono abe Ma Jou wahidoakoka ona ko o Yahudi ma nyawaikaua ai hidoaka abe ma titi Ma Jou o Womaha wihidoakoka. De gea duru imaketero abe hoka ma dihiraino de ai hidoaka ena gea wonahidoakoka ngoneino ma oraha hingaku nanga Baluhu o Yesusu Kristusika. Ho mangale ma titi gea ho ngohi naa duru ko idadiua taoluku eko talawana onangika gea angamoi itararonoka Ma Jou ai hininga ma sanangi itagi onangika.”

Hidingoto 11:17 ပူးပေါင်းရင်းမြစ်များ

Hidingoto 10:45

De o Yahudi ma nyawa abe iwingaku-ngaku de abe yomakiniiki de o Peturusu genangika, ona duru yoheranga ma titi Ma Jou wihidoaka ai Womaha onangika abe ko o Yahudi ma nyawaua.

Hidingoto 10:47

“Sarakia, naga o nyawa nenangoka abe ato ko idadiua o nyawa naa haohiki onangika? Koua! Irahai haohiki angamoi ngone mata-mata hohiorikoka abe ona Ma Jou o Womaha iwiborimake imaketero abe hoka ngoneoli ma dihiraino himake!” Hokogea o Peturusu ai demo.

Hidingoto 11:15

De o Peturusu wogila-gila woade-ade wato, “De ipahaino abe ngohi naga onangoka de tomulaenge tahingahu-ngahu o Abari ma Rorahai onangika. Masara ahi demo ko iwoeuahi totemo-temo de Ma Jou o Womaha woboauku de walufungu to ona manga hiningaka, abe duru imaketero hoka ma dihiraino de to ngoneoo nanga hininga walufungoka.

Hidingoto 5:39

Masara nako to ona manga demo de manga datoro ihititi Ma Jouoka de aino, gea ko idadiua ngini niahikala onangika. De nako hokogea imaketero dika hoka ngini ahao nimakalawana ngini de Ma Jou!” De o Gamaliele ai dodiawo iwigihene to una ai higaro ma demo.