Hidingoto 11:14 - Ma Jou ai Demo-demo o Totobelohoka

¹⁴ Angamoi una ahao wonihingahu ngonaika abe hokokia ma ngekomo la ngona de ani tau mata-mata ka idadi Ma Jou winiduhunu nia howo-howonino!’”

Hidingoto 11:14 ပူးပေါင်းရင်းမြစ်များ

Dodadi 17:7

De gea abe Ngohi tonihibehehongokau ngonaika ahao ka ihikaika tahibehehongoli onangika abe ani totoforaukuika. Ho ngaro hokokia dika yolape-lapeuku masara hokogea ahi behehongo de duru ko itogu-togumua. Hokogea ahi hininga la Ngohi todadi to ngona ani Jou de to onangoo manga Jou ka hiado-adonika.

Higiriiri 103:17

Masara Ma Jou o Yawe ai dora duru iwango-wango ka hiado-adonika, De ai dora gea naga onangoka abe de manga horomati ma modongoka Unangika. De to Una ai totiai itagi to ona manga ngofa-ngofakika, De imahikauku itagi hiadono to onangoo manga ngofa-ngofakuku.

Maruku 16:16

De onagona dika abe yongaku de yaohiki, ona gea Ma Jou wahihoheoka manga hohowonino. Masara ona gea abe ko yongakua, ona gea ahao Ma Jou wahohowono.

Lukasa 19:10

De duru naa ena ma titi hiadono Ngohi naa o Nyawa ma Ngofaka toboa o Horogaka de tauku, la o nyawa abe yorehe-rehenoka Ma Jouino ona talingirohi de taduhunu manga howo-howonino. De duru gea ena abe idadi nenangoka, abe o Sakeusu ai howono aofioka Ma Jou ai himangoka.”

Yohanese 12:50

De Ngohi duru tohioriki gea ena o Baba wohihibehehongoka la kiani todiai, todiai gea ma titi la o nyawa o wowango ma ngango yamake ka hiado-adonika. Ho ma titi gea hiadono mata-mata Ngohi totemo duru imakadaene de gea o Baba wohihingahuoka.” Hokogea o Yesusu womahitararono duru waamo-amokiye wotemo.

Yohanese 20:31

Masara abe tohingohamoka o bukuoka naa, gea tohitulihuku la nginioo ka idadi niwingaku abe o Yesusu Una o Mesia de Unangoo Ma Jou o Ngofaka. Abe o Yesusoka de aino ngini ka idadi niamake o wowango ma ngango ka hiado-adonika.

Yohanese 4:53

Ka de hokogea iwihingahu de una wohiorikoka abe gea duru ma oraha o Yesusu yomakoketemo de una doka o Kana ma kapongoka. Abe kanugono ma oraha o Yesusu wihuloko wato, “Nolio dika, ani ngofaka ko wohonengua.” De gea duru o takoro moioka o Yesusu wotemo hokogea de duru ai ngofaka wotogumoo ma takoro gea. Ho ma titi hokogea o Yesusu ai ngofaka wihitogumu hiadono ai baba de ona mata-mata ai tauoka o Yesusu iwikokingakuoka.

Yohanese 6:63

Gea o Womaha Ma Jouino abe wahiwango o nyawa. Ko iwa manga utumu ahi roehino masara ahi hiketero ma demo kangano, gea Ma Jou o Womahino. Gea ma titi ho hiadono ahi demo hokogea, de ahi demo gea ka idadi ngini inihiwango ka hiado-adonika.

Yohanese 6:68

De o Simono Peturusu wipaluhu o Yesusika wato, “Mia Baluhu, done onagonaika miloiki? Angamoi, o demo abe inahihira o wowango ka hiado-adonika, o demo gea naga Ngonaka dika igogere.

Hidingoto 10:2

De una gea ai hininga la woigo ka ihikaika wihisanangi Ma Jouika. Ho una de ai tau ona mata-mata yomaketehiningamoi abe duru iwihoromati Ma Jouika. De una ai hininga ma rorahaiino wahidoa-doaka o hu-huha ma nyawaika, de ka ihikaika womaniata Ma Jouiye.

Hidingoto 10:22

De ona ato, “To ngomi mia baluhu o Koroneliusu, una gea abe womihidingoto naangino. De mia baluhu una gea o Roma ma tentara manga haeke. De una ai wowango ma datoro itotiai, de duru wihoromati Ma Jouika. Ho o Yahudi ma nyawa ai kapongoka ona mata-mata duru iwisanangi de iwihoromati o Koroneliusika. Ho kanugono Ma Jou ai malaekata womatengo witemo unangika de wihuloko la una wonibehehongo ngonaika. De bari wonibehehongo angamoi kiani ngona nominiiki to una ai tauika de o hingahu ma demo notemo-temo unangika. Hokogea mia dodagi ma titi.”

Hidingoto 10:43

De abe Ma Jou ai uru ma dodofanga ma demo, to ena mata-mata ma hidumutu ka o Yesusika dika. Abe ona yotemo ato onagona dika iwingaku Unangika ka idadi manga howo-howono waofioka ma titi to Una ai romangino.”

Hidingoto 10:6

De una gea womadioniki o Simono ai tauoka abe ma Simono gea ai karajaanga o aewani ma kai watobatebini ka hiadono inouhu. De manga tau gea imahitigino de o gahi ma ngigoroka. Ho ngona kiani nibehehongo o Simono Peturusika la una woboaino wonitutumu abe naa to ngona ani tauino.”

Hidingoto 11:13

De ai tauoka de ma tau ma dutu womahingahu abe hokokia o malaekata womatengo womahimatoko unangika ai tau ma goronaka. De ma malaekata wihuloko unangika wato, ‘Kiani ani nyawa yamuruono naga nahidingoto o Yope ma kapongika, la genangoka iwilingiri womatengo ai romanga o Simono Peturusu.

Hidingoto 16:15

De muna mingakuoka de ahao muna de abe ona ami tauoka ona yomaohiki. De yomaohiki ipahaino de muna momagahoko la ngomi mimaidu to muna ami tauoka. Abe motemo mato, “Nako ngini nihidafongo ngohi abe tagou-goungu tingakuoka nanga Baluhu idodutuika, gea de ahao tomagahoko la ngini nimanoa ahi tauoka.” De muna mohigali-gali momagahoko hokogea, ho ma bahauku de mianiiki ami higaro ma demoika.

Hidingoto 18:8

De ahao naga womatengo abe una wodadi o Yahudioka manga dodotoko ma tau ma hihira, de una ai romanga o Kiripusu. De una woihene o Paulusu ai demoino de ahao wingaku o Yesusika. De ipahaino de to una ai tau ma goronaka onangoo mata-mata iwingaku nanga Baluhu idodutuika. De naga utuoli yowoe o Korintusu ma kotaka gea abe iwingaku o Yesusika de ipahaino ahao ona mata-mata yomaohiki.

Hidingoto 2:39

Angamoi ma dihirainohi de nanga Baluhu Ma Jou o Baba wohibehehongoka wato abe onagona dika Una wahokino la ona ahao yodadi to Una ai ngofa-ngofaka, ona mata-mata ahao yamake Ma Jou o Womaha Unangino. Ho ngaro ngini naangoka de ngaro nia ngofa-ngofaka, eko ngaro o nyawa abe duru kohagurutika manga gogere, masara ngone mata-mata ka idadi hamake Ma Jou o Womaha Unangino.”

1 Korintusu 1:16

Masara igoungu naga o Setefanusu de ai tau, onangoo taohiki. Masara o nyawa utuoli abe taohiki, ngohi tato marai ko iwaka. Ka ona dika ngohi taohiki.