Hidingoto 10:47 - Ma Jou ai Demo-demo o Totobelohoka

⁴⁷ “Sarakia, naga o nyawa nenangoka abe ato ko idadiua o nyawa naa haohiki onangika? Koua! Irahai haohiki angamoi ngone mata-mata hohiorikoka abe ona Ma Jou o Womaha iwiborimake imaketero abe hoka ngoneoli ma dihiraino himake!” Hokogea o Peturusu ai demo.

Hidingoto 10:47 ပူးပေါင်းရင်းမြစ်များ

Hidingoto 10:44

De o Peturusu ka witemohi ai demo onangika de ka itodokanino Ma Jou o Womaha woboauku de walufungu to ona mata-mata manga kokihininga abe yotoihene o Peturusu ai demoika.

Hidingoto 2:4

De duru ma oraha gea dika de ona mata-mataika yakokilufungoka de Ma Jou o Womaha, ho ona yotemo-temo de o demo utuoli abe hokokia dika Ma Jou o Womaha wahiakunu ona homoi-homoiika.

Hidingoto 8:12

De ipahaino de o Filipusu wahingahu-ngahu onangika o Abari ma Rorahai abe ma titi hokokia Ma Jou wahikoano ai nyawaika de abe ma titi o Yesusu Kristusu woboa la wonaduhunu nanga howo-howonino. De gea o Samaria ma nyawa manga ngoe yongaku ai demoika ho yomaohiki. Abe naga o nau-nauru de o ngo-ngofekaoo manga ngoe yomaohiki ma titi yongaku o Abari ma Rorahaiika.

Hidingoto 8:36

De abe manga dodagi ma goronakahi de manga kereta imahitigino de o akere, ho una witemo o Filipusika wato, “Abeika, naga genangoka o akere! Ho boteua ngohi ka idadi tomaohiki naangoka dika!”

Roma 10:12

Ho ma demoino gea de ka idadi hohioriki abe ngaro o Yahudi ma nyawa eko abe ko o Yahudi ma nyawaua, masara ko homakohowonua Ma Jou ai himangoka, angamoi ngaro onagona dika iwingaku Unangika de ona gea Ma Jou wadafongo de waetongo yomaketero dika Unangoka. De Una gea to ngone mata-mata nanga Baluhu idodutu, abe ngaro onagona dika yomagahoko Unangiye la waduhunu, masara gea ona mata-mataika duru waduhunu de wahiowa onangika de o hiowa kohangoe.

Roma 4:11

De igoungu ipahaino de ahao Ma Jou wihuloko o Abarahaamika la womahuna, de ai huhulokino gea o Abarahaama waniiki. Masara ai huhuna gea idadi o dodunguu dika abe ma titi Ma Jou widafongoka de wietongoka o Abarahaama wato wototiai abe ma titi ai ngongakuino. Ho gea o Abarahaama ko womahunauahi de wingakuokau Ma Jouika. De genangino ka idadi hamake Ma Jou ai hininga ma dumutu moi, la o Abarahaama wodadi manga domoro abe o nyawa onagona dika ko yomahunaua de iwingakuoka Ma Jouika, la hiadono onangoo mata-mata ka idadi Ma Jou waetongo onangika wato yototiai. Ho gea ngaro ngini abe ko o Yahudi ma nyawaua de ko nimahunaua, masara nako hiadono niwingakuoka Ma Jouika ho winietongo nginika wato nitotiaioka to Una ai himangoka, gea nginioo nidadioka to Abarahaama ai totoforauku angamoi nia hiningaka de nimakiniiki hoka unangoli ai hininga!