Hidingoto 10:44 - Ma Jou ai Demo-demo o Totobelohoka

⁴⁴ De o Peturusu ka witemohi ai demo onangika de ka itodokanino Ma Jou o Womaha woboauku de walufungu to ona mata-mata manga kokihininga abe yotoihene o Peturusu ai demoika.

Hidingoto 10:44 ပူးပေါင်းရင်းမြစ်များ

Hidingoto 10:47

“Sarakia, naga o nyawa nenangoka abe ato ko idadiua o nyawa naa haohiki onangika? Koua! Irahai haohiki angamoi ngone mata-mata hohiorikoka abe ona Ma Jou o Womaha iwiborimake imaketero abe hoka ngoneoli ma dihiraino himake!” Hokogea o Peturusu ai demo.

Hidingoto 11:15

De o Peturusu wogila-gila woade-ade wato, “De ipahaino abe ngohi naga onangoka de tomulaenge tahingahu-ngahu o Abari ma Rorahai onangika. Masara ahi demo ko iwoeuahi totemo-temo de Ma Jou o Womaha woboauku de walufungu to ona manga hiningaka, abe duru imaketero hoka ma dihiraino de to ngoneoo nanga hininga walufungoka.

Hidingoto 15:8

De Ma Jou abe Una gea duru wonahioriki to ngone o nyawa mata-mata nanga borihininga, Una nengokadauino de womahitaana abe wadafongo onangoo ko o Yahudi ma nyawaua abe iwingaku Unangika. Abe ona ahao iwingaku Unangika de wahidoakoo onangika Ma Jou o Womaha abe imaketero hoka ngoneoli himakeoka ma dodihiraino. De ai hidoakino gea de womahitaana abe Una wadafongo ona abe ko o Yahudi ma nyawaua imaketero hoka ngoneoo wonadafongoka.

Hidingoto 19:6

De yomaohiki ipahaino de ahao o Paulusu wafokumu onangika de gea Ma Jou o Womaha woboaino de walufungu ona homoi-homoiika. De ahao ka itodokanino ona gea yotemo-temo de o demo utuinoli abe ma dihirainohi de ko ihiorikuahi, de nagali abe ka idadi yahikodoku Ma Jou ai hingahu ma demo o nyawaika. De ma hiakunino gea de Ma Jou wahitaana abe ona yagou-goungu yamakeoka Ma Jou o Womaha onangika.

Hidingoto 4:31

De yomaniata ibooto de ahao abe manga doomu ma tau gea ihigiwi-giwi, de ona mata-mata yalufungu de Ma Jou o Womaha. De ipahaino de ona ihiabari Ma Jou ai ade-ade duru de manga domoroinoka!