Hidingoto 10:17 - Ma Jou ai Demo-demo o Totobelohoka

^17-18 De ona yaruange gea abe o Koroneliusu wahidingo-dingotoka ona yomahiadono ma kotaino de yoleha o nyawaika la ka idadi ihioriki o Simono ai tau gea o kiaka imanoa. De ipahaino yogila-gila de yomahiadono ma tauika ho ona yomaokoino ma loa ma ngoranoka. De ona yoaho-ahoko la ihioriki nako o Peturusu womadionikino o tau naa. De duru ma oraha gea de daku o tau ma lokuoka de o Peturusu ai hininga iwangoroka de una duru wolilifanga abe ko wohiorikuahi ma titi ma himatokino gea.

Hidingoto 10:17 ပူးပေါင်းရင်းမြစ်များ

Yohanese 13:12

Ho ka de ona iwitobaniiki manga lou waihoro ibooto de ahao o Yesusu ai baju wagoraka de womahinoali de wolio ai gogogerika o mejaka. De ahao walehali onangika wato, “Sarakia gea todiaioka nginika, gea ma titi nihioriki?

Hidingoto 10:3

Ho o wange moiuku abe ngade-ngade o takoro hange o bimaowaka de una wamake o himatoko moi abe Ma Jou ai malaekata womatengo naga woboa unangino. De ma malaekata gea wiahoko unangika wato, “Koroneliusu!”

Hidingoto 2:12

De ona duru yokokiheranga hiadono manga hiningaka ko yomamakeokaua. De yomakokeleha ato, “Ho naa done ma titi o kia?”

Hidingoto 25:20

De ngohi tomalingi-lingiri ma ngekomo la hokokia ka idadi taleha-leha onangika la tamake ma gou-goungu, masara duru ko tamakeua ho hiadono tolilifangoka. Ho ma bahauku de tileha o Paulusika nako wosanangi iwiurusu o Yerusaleemoka dika.

Hidingoto 5:24

De manga hingahu ma demo gea yoihene de una abe yotobagoa-goana Ma Jou ai Tau manga haeke de abe manga hidemo yokokurutiye ona mata-mata duru yolilifanga angamoi ko ihiorikokaua abe ma bahauku de hokokiali o hidingoto ma nyawa manga datoro ma hofoko.

Hidingoto 9:10

De naga o Damasiki ma kotaka womatengo wingaku-ngaku abe ai romanga o Ananiasa. De nanga Baluhu idodutu womahimatoko unangika de wiahoko wato, “Ananiasa!” De wipaluhu wato, “Ahi Baluhu! Ngohi naga!”

Hidingoto 9:43

De o ngo Tabita momomiki ipaha de ahao o Peturusu womanoa hatoli ai dekana o Yope ma kapongoka, abe womadioniki womatengo ai tauoka abe ai romanga o Simono. De o Simono una gea ai karajaanga o aewani ma kai watobatebini ka hiadono inouhu.

1 Peturusu 1:11

Angamoi ma dodihiraino gea de o Kristusu ai Womaha abe naga Ma Jou ai uru ma dodofangoka, Una gea wahitararonohi onangika abe ma titi ahao o Kristusu kiani iwihikangelahi de ipahaino ahao idadi ma utumu kohaamoko abe ai kokangelaino. Masara gea ko itararonuahi Ma Jou ai uru ma dodofangika abe ahao hokokia idadi eko muruonoka ahao idadi Ma Jou ai hidee gea, ma enangoo ma ko ihiorikua. Ho ona manga hiningaka de duru yomalingi-lingiri la utuohi ihioriki abe Ma Jou ai hininga ma owa ngoneuku.