Hidingoto 1:6 - Ma Jou ai Demo-demo o Totobelohoka

⁶ De abe ma oraha o Yesusu nagahi de ona abe iwinii-niiki de ona iwileha Unangika ato, “Mia Baluhu, sarakia, marai ma oraha naa dika de Ngona ka idadi nomihihohe o homoa ma nyawa manga paretaino la Ngona dika nodadi ngone o Isiraele ma nyawa nanga koano?”

Hidingoto 1:6 ပူးပေါင်းရင်းမြစ်များ

Dodadi 49:10

Ko moiua la iwiakunu ai kuaha ma dodunguu iwiora, Ho ai totoforauku onangino ka ihikaika naga abe yodadi o koano, Hiadono una woboa ai romanga o Silo abe o koano ma tutukunu gea to una ma dutu. Gea una abe ahao o nyawa o tonaka mata-mataika iwihingounu.

Matiusu 17:11

De o Yesusu wopaluhu wato, “Gea ona yagoungu. Kiani o Elia wohira la wato o nyawa manga wowangoka wahitiaiokahi de ahao nanga Koano o Mesia wihidoduruino.

Matiusu 20:21

De o Yesusu wotemo wato, “Ho ani gogahoko Ngohino o kia?” De muna mopaluhu mato, “Marai togahoko tato abe ahao ma oraha o nyawa nahikoano, toigo la kiani ahi ngofaka yahinooto naa onangoo yokoano de de Ngona. De ma oraha o nyawa inihigiriiri de nogogeruku ani pareta ma kaderaka de o nyawa nahikoano, de onangoo ato yogogeruku ani arigumurukoka la to onangoo manga kuaha naga. De moi ani nirakoka yogogere, de moi ani gubadioka yogogere.”

Matiusu 24:3

De o Yesusu wotemo ibooto de yogila-gila yohupu o Yerusaleemino de youtiuku o dolaka, de ahao yodoali de yomahiadono o Saitunu ma lokuiye. De genangoka wogogeruku o Yesusu de iwinii-niiki yoboaino Unangino la ka ona dika genangoka de ahao iwileha ato, “Mia Baluhu, abe kangano Ngona notemoka nato Ma Jou ai Tau gea ahao ikilianga, gea ma titi o kia? Ho done ka muruonoka de ahao idadi Ma Jou ai Tauika gea? De ma dodunguu o kia abe ahao idadi la miamake de genangino mihioriki abe itigioka Ngona noboali de ka idadi mihiorikoo abe ma oraha ma bobaha adonoka? Ho abeika nomihingahu ma titi gea.”

Maruku 9:12

De wapaluhu wato, “Gea ona yagoungu. Kiani o Elia wohira la wato o nyawa manga wowangoka wahitiaiokahi de ahao nanga Koano o Mesia wihidoduruino. Ho naa tinihingahu dika, igoungu una gea abe iwihiromanga o Elia, una woboaka, de o kia naga dika o nyawa manga wowangoka ma dorou, gea iwihipake unangika. De gea manga dorou unangika idadi duru imaketero hoka ma dodihiraka ihitulihukuoka Ma Jou ai Demo-demoka.” “Ho naa Ngohioli tinileha nginika. Naga Ma Jou ai Demo-demoka ihitulihukuoka ma titi Ngohi o Nyawa ma Ngofaka, abe ahao ihidohata de ihioluku de hiadono ihihikangela ma ngoe. Ho gea ma titi o kia? Abeika gea niafikirohi.”

Lukasa 17:20

De o wange moiukuoli o Farisi manga doomuino ma nyawa yamuruono naga iwileha o Yesusika ato, “Muruonoka de ahao Ma Jou duru wahikoano ai nyawaika?” De o Yesusu wopaluhu wato, “Abe ma oraha ai nyawaika wahikoano Ma Jou, gea ko idadiua hamake de nanga lako.

Lukasa 19:11

De ipahainoli de naga o nyawa yotoihene o Yesusu ai demoino. De ahao wohidogo wadotoko de o hiketero ma ade-ade, angamoi ona hatoli yotigika o Yerusaleeme ma kotaiye. De ona manga ngoe ato bote ma oraha yomahiadoniyeoka o Yerusaleemiye de ahao imulaengoka abe Ma Jou wahikoano ai nyawaika. De gea ma titi hiadono ai hiketero ma ade-ade wahidoaka, la wahingahu onangika abe ma oraha ko yadonuahi abe ai nyawa Ma Jou wahikoano. De Una woigo wahingahuoo abe ma titi kiani yowango hokokia ma oraha Una wosoboka de ko woliouahi o duniauku.

Lukasa 22:29

De naa tinihingahu abe ahi Baba wohihidoaka Ngohino la ahao dokengika ma oraha wahikoano de Ngohioo ka idadi tahipareta o nyawaika. De hokogenangoo tinihidoaka nginika la ahao nginioo o nyawaika niahipareta. De gea tinihidoaka nginika mangale ma titi ngini ko nihinoaikaua.

Yohanese 21:21

Ho ka de una gea o Peturusu wimake de wileha o Yesusika wato, “Ahi Baluhu, sarakia una gea ma oraha unangoo wohonenge?”